今年可能因為疫情關係，過江龍餐廳比往常少，但仍然有十幾間高質素嘅過江龍餐廳於「疫」市中抵港，等大家喺香港都食到外國地道嘅味道，帶大家舌尖去旅行！等開飯仔帶大家回顧吓今年進駐香港嘅海外人氣餐廳，仲未食到嘅朋友快啲bookmark定。
早兩年唔少日本班戟店相繼進駐香港，引起咗一陣風潮！而呢間被稱為「名古屋No.1行列店」嘅Hoi Hoi Pancake House更係不可不試！佢哋嘅夏威夷風味班戟十分出名，班戟全部都用高級嘅日本原材料製作，麵粉、忌廉都係由名古屋直送。班戟質感軟滑，富空氣感，一食就停唔到～香港店仲有限定嘅抹茶忌廉梳乎厘班戟，去日本都食唔到。
►詳細介紹：名古屋人龍班戟店Hoi Hoi Pancake抵港 必試香港限定法式焦糖梳乎厘班戟(有片)
其餘包括﹕Yakinikumafia、Mille Mele Tokyo、SAKImoto bakery 嵜本 高級Shokupan專門店
台灣 洪瑞珍
香港人去台灣必買嘅手信──洪瑞珍，今年終於喺香港開分店啦～香港店沿用台灣配方，用本地新鮮製造嘅白麵包加入嚟自台灣嘅配料製作三文治，大家完全食得返同台灣一樣嘅味道！特別推薦經典人氣口味「滿漢」，佢同普通嘅腿蛋芝治唔同，麵包口感綿密，加上配料比例拿捏得宜，真係食個三文治都零舍唔同。
►詳細介紹：台灣洪瑞珍正式抵港！屯門新店四款口味介紹 新張期間買三送三
其餘包括﹕巷口炸雞專門店、燈籠滷味、植作茶、段純貞牛肉麵、麻豆子健康湯鍋
韓國人氣果汁店 JUICY Fresh Juice Bar
遍佈全韓嘅人氣果汁店JUICY Fresh Juice Bar，銷量驚人，上年於韓國賣咗多達 2,500 萬杯。佢哋嘅飲品足足有40多個選擇，全部都係用新鮮嘅生果製作，杯杯都充滿果香。除咗常見嘅新鮮果汁，仲有奶昔、咖啡、香茶同埋香港首創嘅「熱飲果汁」，啱晒咁多位女士們。特別推介草莓拿鐵，可以相機飲先之餘仲啖啖果肉。
►詳細介紹：韓國 No.1 果汁店 JUICY 進駐香港 必試牛油果香蕉奶、香港首創「熱飲果汁」(有片)
泰國芒果甜品店 Mango Mania
不得不提呢間清邁人氣芒果甜品店，佢哋嘅芒果都係選用自家生產嘅泰國水仙芒，甜品選擇眾多。而且價錢好公道， $88就有一個用兩層架嚟裝嘅芒果下午茶，芒果肉又甜夠又Juicy，糯米口感軟糯，而仲好Igable添！
►詳細介紹：必試芒果冰、芒果糯米飯芭菲 泰國人氣芒果甜品店進駐北角（有片）
創意美國甜品 當文歷餅店
成日喺IG見到好多人同一盒檸檬茶外型嘅蛋糕影相，呢個咁有創意嘅蛋糕就係出自呢一間餅店嘅主廚兼創辦人Dominique，佢曾榮獲「全球最佳甜點主廚」。餅店將香港特色食物融入西方甜品內，就好似「紙包檸檬茶」，其實真身係伯爵茶佛手柑蛋糕，外層用白朱古力製作，食落真係有檸茶嘅茶香味，真係好特別～
►詳細介紹：紐約人氣甜品店登陸尖沙咀 香港限定甜品 創意檸茶蛋糕(有片)
文：Hailey
編：Yanica
相：Tom Li、Cathy
