話咁快下個月就到中秋節，係時候搵定有咩月餅好食啦！今年有唔少餅店推出嘅月餅都好有特色，如榴槤奶黃月餅、宇治焙茶月餅花膠奶黃月餅同生酮月餅都有～今次介紹10款畀大家，而家買仲有早鳥優惠呀。
十字牌 x 望月 流心奶黃月餅
十字牌聯同望月推出特別版流心奶黃月餅禮盒，禮盒包裝上嘅「Meet the Moon」寓意香港人無論身處邊度，只要一抬頭，依然望住同一個月亮。餡料加入咗十字牌鮮奶，再配合望月自家研製嘅流心蛋黃，一咬開係香濃流心奶黃同淡淡奶香。
早鳥優惠:
8月8前可享早鳥優惠價HKD228
望月 榴槤奶黃月餅
而望月自家品牌就新推出榴槤奶黃月餅，內餡加入濃郁香甜嘅榴槤果肉及細滑綿密嘅奶皇餡，未食已經聞到陣陣榴槤香氣，如果加熱嚟食，香氣會更濃郁添！約定班榴槤迷一齊過節啦~
早鳥優惠:
即日 至8月8日
Valérie Pastry 宇治焙茶月餅
佢哋嘅抹茶月餅過往幾年都有好好嘅口碑，今年推出全新宇治焙茶月餅。選用高級宇治焙茶粉製作，特製焙茶餡料口感軟滑，每一啖都感受到濃郁及香醇嘅焙茶香氣以及焙茶獨有嘅烘烤味。月餅以鬆脆嘅牛油曲奇皮包裹，牛油嘅奶香同茶香平衡得宜，食多年都唔會膩。另外如果想試晒3款流心月餅嘅，建議可買9件裝珍藏版。
早鳥優惠:
於即日起至8月16日前預訂各款月餅，四件裝的月餅早鳥優惠低至83折，而各款八件裝的流心月餅優惠低至78折。
Pâtisserie Jane 彩虹酥皮月餅禮盒
呢間新開嘅甜品店推出嘅彩虹酥皮月餅禮盒為傳統潮州月餅嘅變調，一盒共四件，包括兩款口味月餅，分別係香芋蛋黃酥皮月餅及蓮蓉蛋黃酥皮月餅。前者以大熱芋泥配上鹹蛋黃，後者使用低糖配方製作經典白蓮蓉餡，甜而不膩。而且酥皮改以烤焗方式製作，一樣咁鬆脆但就健康好多～
早鳥優惠:
即日起至2022年8月14日預訂，可享有低至88折早鳥價惠。
微熱山丘 紅玉蘋果月餅、D24蘇丹王榴槤月餅 
來自台灣嘅超人氣品牌今年推出全新嘅紅玉蘋果月餅，選用桃山皮豆沙製成月餅餅皮，餡料配埋來自日本青森縣嘅紅玉蘋果果肉，味道酸酸甜甜好開胃。另外佢嘅副線品牌FORBIDDEN亦推出D24蘇丹王榴槤月餅，嚴選來自馬來西亞彭亨州嘅頂級貓山王榴槤及D24榴槤製成，榴槤控必試。
早鳥優惠:
紅玉蘋果月餅 （早鳥優惠價$259/6件裝，包括紅玉蘋果及鳳梨奶黃月餅各3個）
D24蘇丹王榴槤月餅（設早鳥優惠價，價錢以官網公佈為準，包括貓山王榴槤冰皮月餅及D24蘇丹王榴槤月餅各2件）
餐飲券：馥餅殿榴槤冰皮月餅(1盒4個) 電子E券(1張) 7折
餐飲券：台灣人氣微熱山丘鳳梨奶黃月餅(1盒6個) 電子E券(1張) 84折
皇玥 花膠奶黃月餅
花膠都可以加入月餅？呢間餅店今年推出花膠奶黃月餅，夠晒矜貴。採用全手工製作並限量發售，挑選金黃厚身嘅花膠，浸發後再烹調切粒，加入香滑奶黃餡中，會食到粒粒花膠，口感好豐富。
早鳥優惠:
即日起至7月31日，門巿早鳥價 $1,198
KAKAchevée 手工曲奇月餅禮盒
湯怡設立嘅餅店品牌，今年亦首次推出手工曲奇月餅禮盒，4款口味包括奶皇、流心奶皇、班蘭同流心抹茶紅豆。其中，班蘭月餅更係以新鮮班蘭葉製造，帶有淡淡椰香。
早鳥優惠:
傳統奶皇手工曲奇月餅 $238、《月滿‧尊貴》/《月圓‧尊貴》手工月餅禮盒 $268
Lady M 月兔燈籠中秋月餅禮盒
呢間嚟自紐約嘅精品蛋糕店之前推出嘅月餅都非常受歡迎，皆因包裝特別別出心裁。而今年佢哋就以月兔燈籠作為概念，包裝本身就係一個印上可愛月兔、而且會旋轉嘅立體燈籠！而禮盒裡面有三款口味：焦糖咖啡奶皇月餅、伯爵茶奶皇月餅、紫薯奶皇月餅，共六件月餅。
早鳥優惠:
7月25日至8月7日可享早鳥優惠價$498（原價$538）
酮福堂 生酮主題四色流心奶黃月餅
減肥人士都可以食月餅，呢間生酮主題店今個中秋推出生酮主題四色流心奶黃月餅，包括流心奶皇、黑芝麻、開心果及藍山咖啡，保證不升糖、不破酮，又保持原有風味。
早鳥優惠:
7月31日前購買有限定早鳥優惠。
餐飲券： 生酮四色流心月餅禮盒早鳥2盒優惠 69折
餐飲券： 生酮流心奶黃月餅禮盒早鳥2盒優惠 69折
恆香 栗子麻糬酥皮月餅、Rilakkuma奶黃麻糬酥皮月餅
煙韌控要試今年新出嘅栗子麻糬酥皮月餅，以鬆脆嘅酥皮包住甘香嘅栗子蓉同Q軟拉絲嘅麻糬，層次相當豐富。屋企有小朋友嘅，可以買埋呢個Rilakkuma奶黃麻糬酥皮月餅，包裝好可愛，四方外盒上附上一個手柄裝置，好似一個迷你行李箱咁，再印上Rilakkuma，小朋友實鍾意。
早鳥優惠:
早鳥價
栗子麻糬酥皮月餅: 即日 至 8月10日(HK$148) / 8月11日至9月10日(HK$158)
Rilakkuma奶黃麻糬酥皮月餅: 即日 至8月10日(HK$158) / 8月11日至9月10日(HK$168)
文: Yanica
編：Kar
