Foodcation就是要食得豐富！尖沙咀有5星級酒店推出2餐連5星級住宿STAYCATION套票，既有豐盛嘅時令雲南美饌晚餐，瞓醒又可以食埋個勁多選擇嘅自助早餐先check out~

尖沙咀凱悅酒店地理位置極方便，裝修優雅帶點格調，無論一家人定幾個朋友想去放鬆relax下都好適合。選擇12月入住嘅朋友仔，可以享用今期主打：中菜廳凱悅軒嘅雲南山珍特色小菜，用咗4款雲南野生珍菌入饌㗎。

雲南美饌套餐

而家正好係雲南菇菌當造嘅時間，師傅特意搜羅4款由雲南生產嘅珍菌，製作多款精緻菜式。首先出場嘅係涼拌川味羊肚耳菌，喺石隙中生長嘅羊肚耳菌，口感特別爽脆。由於本身味道較淡，師傅就以陳醋醬油、花椒油、芫荽菌等作調味，用麻香嘅汁醬帶出其獨有香味。

第二道菜係碧綠蟹肉羹，師傅注重食物嘅味道同營養，所以選用含有豐富鐵質嘅菠菜苗，混埋人手折肉嘅新鮮蟹肉一齊以上湯熬煮，每碗羹大約用上半隻蟹，所以啖啖都會食到鮮甜嘅蟹肉呢。

前兩道菜式嘅味道都較為清淡，羊肚菌蝦球炒滑蛋就開始比較濃味喇。羊肚菌清香味突出，半生熟嘅炒滑蛋更加入菇水一齊炒香，難怪食落唔止滑身有蛋汁，仲有淡淡菇香呢。考慮到蛋類配海鮮，味道會再突出啲，師傅更加入爽口嘅蝦球。

鮮姬松茸雲耳炆三黃雞亦係重點菜式之一，新鮮嘅姬松茸有其獨特嘅香味，口感脆嫩，連同油分較重嘅本地三黃雞一齊炆煮，就更加香口了。為咗方便食用，師傅仲好好心機咁將隻雞起咗骨，啖啖肉仲滲有菌香。

最後嘅甜品桂花圓肉燉桃樹膠，要燉兩至三個鐘，火候要控制得精準，桃樹膠先可以爽口得嚟又滑滑地，味道清甜，更散發出淡淡嘅桂花香，冬天飲更覺滋潤。

至於第二朝，最遲最遲瞓到9、10點好喇，記得要享用埋咖啡廳嘅自助早餐呀，除咗有多款中、西、日、印式嘅熱食、粥品、點心同甜品等選擇外，更有唔少開放式廚房供應即時烹調嘅美食，好似Egg Benedict同大阪燒三文魚咁，包保食得飽飽，有個滿足嘅good morning。

今次呢個預訂套票，包有雙人標準客房住宿一晚，更可以24小時免費使用健身室，佢哋嘅健身室都幾大㗎，空間闊落，器械機種亦多元化。另外，仲會送埋免費港幣$300及半價嘅電子禮券（可用於K11 Art Mall 購物藝術館之指定商店）。

而家經OpenRice網上訂座預付優惠，即可享用[2位用] 2餐連5星級住宿！尖沙咀凱悅酒店1晚STAYCATION套票[已連服務費]。仲諗？只剩少量空房咋，快啲book啦。

*可供選擇日期及價錢：
12月20,22及23日（$1,903）、 12月27日（$2,013）、12月28至30日（$2,068）

凱悅軒　　
地址: 尖沙咀河內道18號香港尖沙咀凱悅酒店3樓

咖啡廳　　
地址: 尖沙咀河內道18號香港尖沙咀凱悅酒店大堂樓層

立即預訂2餐連5星級住宿！尖沙咀凱悅酒店1晚STAYCATION套票[已連服務費]  (預訂按此)