日本菜一向都係香港人至愛嘅 Comfort food ～而家可以用 85 折價錢購買現金券套票，使用 Mastercard 卡購買更可享滿 $400 減 $60* 嘅優惠，適用於20間精選日本餐廳；埋單時記得使用 OpenRice Pay，即可扣減現金券及 Rice Dollars，輕鬆享用高質素日本料理之餘仲有多重優惠！餐廳選擇夠多元化，包括地道日式居酒屋及人氣串揚店等，一齊睇吓有邊間啱你心水！
*名額有限，先到先得
[銅鑼灣] 江戶時代居酒屋 浪‧居酒屋 
圖: 餐廳Facebook
銅鑼灣呢間居酒屋採用紅色同深啡色木材作主要色系，亦有本地手繪畫家描摹嘅京都傳統建築以及日本祭典節日街頭景像，令食客好似置身於江戶時代嘅日本中。食物方面選擇超過 50 種，首推 Nami 卷，外形猶如盛放嘅花卉，鋪滿厚厚一層嘅拖羅魚蓉、三文魚籽、海膽及魚子醬，鮮味滿滿。和牛舞茸卷味道清香細膩，經過燒烤後更將其香味揮發出嚟。講到居酒屋又點少得酒呢？招牌自家製清酒以 100% 日本產米製作而成，精米度高，清香微甜，口感清徹。
[尖沙咀] 現代日本料理 海陽。居酒屋
位於尖沙咀嘅日式摩登居酒屋，海陽喺日文中解海洋，寓意餐廳好似海容納百川咁，為食客提供多樣化嘅居酒屋美食，包括壽司刺身、天婦羅、串燒、丼飯、壽喜燒同涮涮鍋等。堅持選用嚟自世界各地嘅優質食材，特上刺身勝厚切又鮮甜；海膽刺身配上紫菜，海膽嘅鮮甜同紫菜鹹香相互融合。松葉蟹天婦羅炸至金黃酥脆，肉質鮮嫩。
[灣仔/尖沙咀] 正宗大阪炸串 Jan Jan 串揚專門店
圖: 餐廳Facebook
呢間嚟自日本嘅正宗大阪炸串專門店，喺灣仔同尖沙咀都有分店。大廚會將肉類、海鮮及蔬菜切成一口大小香炸，跟足日本總店對油分、炸漿同火喉嘅控制，並堅持每日更換獨家提煉嘅日本食油。炸串沾上特製醬汁入口，脆口而毫無油膩感，推介天使蝦、北海道帶子串、半熟玉子同炸富士蘋果等，配酒食最適合不過。除咗炸物，亦都有串燒、壽司、刺身丼及粉麵飯等選擇㗎，例如燒牛舌、高湯雞蛋捲及燒明太子都好受歡迎。
[尖沙咀] 日法 Fuison 菜 花楽
圖: 餐廳Facebook
想一邊食飯一邊睇埋靚景，呢間坐落尖沙咀、主打日法 Fuison 菜嘅餐廳就啱晒！落地玻璃加上維港靚海景，配埋全店優雅和式設計，好有氣氛。雖然話好多日本餐廳都有刺身食，但呢度嘅刺身由高質供應商每日飛機直送，供應商有穩定魚材及獨門養殖方法，不時提供坊間罕見魚類，所以嚟到呢度，好值得一試佢哋嘅日本即送原條魚刺身㗎。如果想打卡呢度都好啱，因為下午茶時段會供應花楽熱氣球下午茶，一個價錢有晒熱氣球層架、甜品玻璃屋、小食3點、冷盤3點、花茶，女仔見到實心心眼！
文: Yanica
編: Cathy.H
