下半場開始！外圍賽後，我地開始嚟真章。今次漢堡+三文治系列四強賽，排名分返先後，由梗頸四開始。
1. Electric Ave
佢係今次burger series嘅終極黑馬小店，何解？首先，佢真係好隠閉，座落於西營盤嘅一條小巷，加上佢真係非常未被發掘，知名度非常低，完全係黑馬姿態。唔怕同你講，我有諗過今次冠軍殊榮，會落喺佢手上。所以，今次佢飲恨，對我嚟講都一樣覺得飲恨。
Classic burger用上安格斯草飼牛，以牛骨髓當油煎增添油香。芝士採用味道強烈嘅Stilton cheese屬神來之筆。Chicken carbonara burger用有機法國雞胸，配日本蛋，煙豬腩肉粒，意大利Taleggio cheese。粗薯條混入牛骨髓，自家製茄汁用上超過五種香料調製。Electric Ave厲害之處，一字記之曰，心。呢點喺用料同配搭方面表露無遺。一個漢堡餐用上多不勝數嘅材料，點解會輸俾今次series嘅冠軍，最basic嘅double cheese burger？其實高手過招，有時唔係鬥多招，而係鬥少失誤。對我嚟講，麵包質素的高低，甚至入口係微暖定純粹室溫，已經係分水嶺。主角嘅patty同chicken fillet，前者油香調味香十足但肉味未達高級分數，後者味道好但稍overcooked。面對高手，任你carbonara呢個陣容幾精彩，patty口感好，薯條同茄汁仲要勁過對方（茄汁真心好勁），喺足球嘅世界，失一球就係失一球。只要對方同樣交足貨，係極難扳平。所以，踢足80分鐘好波，都要輸，就係呢啲。
🉐RamenGorRating -- 🍜🍜🍜 SHOULD try
呢間嘢會出兩篇食評，因為佢哋仲有其他出品值得一提。Ok入正題。
<Sweet & spicy chicken burger with pineapple>
Flaming Frango呢個case，其實極之擔心佢哋會有inconsistent嘅水準下滑問題。因為我實在欣賞佢哋兩塊piri piri大雞胸肉。高質嘅肉質同燒烤調味，配埋sweet & spicy mayo sauce再加一塊菠蘿，實在superb！Hands down to my best chicken burger嘅chicken in town！！點解咁講？經過兩番試食後，多位評判一致裁定，個麵包係致命傷，幾乎就係 _ 頓麵包咁款。你咁樣，真係有點對唔住件雞。所以，只能脆脆地俾三碗，同第三位你。
🉐RamenGorRating -- 🍜🍜🍜 SHOULD try
Sandwich款式真多，上次介紹過Reuben，今次鏡頭一轉，講Panino，一種意大利極common嘅火腿三文治。呢度打正旗號以Parma ham作主力，我有個稱號俾呢類餐廳，叫「微調店」。意思係主打一樣食材，然後base on嗰樣basic配搭不同配料或調味作微調，即係看似有十幾廿款選擇但其實款款差唔幾殊途同歸。咁樣係自信嘅表現，代表我一招就夠做低你，又或者……一招就俾人做低。所以，佢哋嘅Parma ham要有返咁上下質素先叫make sense。都好彩唔係浪得虛名，而係名不虛傳。擺成心型嘅Tartufo，Parma ham入口即溶，油香纏繞口腔內不散。說好的truffle oil並非蕩然無存，而係確實地感覺到存在。再配我認為係最佳嘅芝士選擇 - Brie ，成件事pretty得嚟亦pretty nice。另外以火腿配melted cheese嘅Toast Classico，其實味道唔錯。只係兩款都存在同一個問題，咪就係份量wise唔夠豐富囉。前者係suppose要厚身啲。後者cheese份量如何能滿足芝士怪如我嘅口胃？所以，sorry，你未算top class，但以質量計，都充以問鼎第二位。
P.s.同場加映多一份cold cuts platter，食到我就ham了。
🉐RamenGorRating -- 🍜🍜🍜 SHOULD try
4. Commissary
<Double cheese burger>
芝士蕃茄酸瓜洋蔥加兩塊patties，無錯就係exact_ly老麥個雙芝孖嘅材料。不過，呢個very simple burger，值得很多嘅掌聲。佢嘅精彩之處，正正係佢嘅簡單。Get down to the basics，正面迎戰永遠係最難，要將所有細節做到最好，先可以成就到最簡單，不多修飾嘅美味。不得不提兩塊牛肉，又嫩又香，煎到有不同嘅生熟層次，啖啖又fat又happy。恭喜Commissary以四碗姿態奪冠！🏆期待將來會有wow得出嘅漢堡店，可以俾個五碗你。
🉐RamenGorRating -- 🍜🍜🍜🍜MUST try
接著落嚟嘅brunch final，即將揭曉全港brunch spots三甲！
※上述內容純屬作者個人意見，不代表本網立場。※