每年都會有啲嗰年好興食嘅潮流食品，2017年踏入第三個月，疏乎厘pancake似乎係第一樣跑出嘅大熱食物。近呢幾個月，多咗好多餐廳開張或者提供呢樣甜品，Facebook同IG都keep住係咁畀佢洗板。而家香港九龍新界都有唔同嘅餐廳有得食喇，你哋又食過幾多間先？
九龍區：
要數近期最受歡迎嘅，就非呢間旺角新舖莫屬喇！有原味同自選口味揀，包括肉桂蘋果、紅豆綠茶慕思、芝麻忌廉芝士、芒果芝士等等。一set兩件，厚係幾厚嘅，口感都鬆軟，但蛋香味就唔算太重，三、四十蚊咁又算幾抵食嘅。不過個個都趁新鮮爭住去試，係要等耐少少㗎喇。
尖吵咀呢間就開得比較耐喇，不過門口嘅人龍依然冇減退過！主打梳乎厘pancake，配埋蜜糖漿同忌廉，簡簡單單唔太花巧，係幾香嘅，蛋味同奶味都香，不過空氣感都幾重，鬆軟到一個點，好似食咗陣風咁。
【飲食潮流】： |
香港島
自從通咗地鐵之後，堅尼地城愈嚟愈多好嘢食。呢間心思甜品店就係其中一間，呢度嘅疏乎厘pancake軟綿綿，入口即溶咁，係偏向梳乎厘嘅感覺多啲。不過留意返，限時限量供應㗎，每日嘅3、6、9點先會分別出10個，仲要等半個鐘先有得食，真係好講timing！BTW，試唔到嘅建議試下佢哋嘅宇治綠茶日式流心鬆餅都唔錯。
呢間café都走在潮流嘅裡面，趁春季推出梳乎厘pancake。有3款口味嘅，分別係熱情芒果、焦糖香蕉同甘香抹茶，配埋雪糕或者生果，做飯後甜品係幾啱嘅，口感介乎疏乎厘同蛋糕之間，鬆軟得嚟又唔會太滯。
新界
作為新美食集中地嘅荃灣，梗係要有返個代表啦。呢間甜品小店位置上係有些少偏僻嘅，但都吸引咗唔少人慕名去試。呢度嘅疏乎厘pancake有原味、焦糖蘋果味、白桃味等等，係幾厚身嘅，但鬆軟度就仲爭少少，不過蛋香味同配料嘅甜味搭救，好似焦糖蘋果味咁，就酸酸甜甜嘅，都值得一試。
文：Kar
開飯編輯推介：
2. 2月份好評餐廳十強
熱門文章推介：
隨時接收最新資訊
讚好OpenRice專頁！