香港嘅秋天終於出現喇，即係又到食蟹嘅好時候！自問鍾意食蟹又或者大胃王嘅你，不妨嚟睇睇開飯仔幫大家搵嚟嘅蟹宴自助餐介紹，畀自己放縱一次任食肥美靚蟹同蟹肉蟹粉菜式啦。
 

五款鮮蟹x中西合璧　　咖啡亭

全球五款鮮蟹：法國麵包蟹、菲律賓加菲蟹、澳洲鱈場蟹、阿拉斯加蟹腳同本地三點蟹菜式任食！而且菜式有齊中式、日式同西式，好似薑蔥蟹煲、清酒煮蟹、蟹黃小籠包同阿拉斯加蟹腳。同時仲有供應即開澳洲及法國新鮮生蠔等海鮮，想回本話咁易啦。

冬日傾城蟹宴自助晚餐
供應日期：即日起至2017年12月30日（節慶期間除外）
供應時間：首輪18:00 - 20:00；次輪20:30 - 23:00    
價錢：（星期一至四）（首輪）成人$548、小童/長者$368，（次輪）成人$588、小童/長者$408；（星期五至日、公眾假期及前夕）（首輪）成人$568、小童/長者$408，（次輪）成人$598、小童/長者$448
 

冰鎮海鮮x亞洲美食　　馬哥孛羅咖啡廳

雖然呢個自助餐唔係以蟹做主題，但勝在可以任食石蟹、麵包蟹同加菲蟹，星期六日仲有阿拉斯加帝皇蟹腳！另外亦有以鮮蝦、蟹同龍蝦為主嘅亞洲美食，包括泰國大蝦柚子沙律、香辣芝士焗炒蟹、咖哩炒龍蝦鉗同黃金蝦等，海鮮Fans一定滿意。

亞洲海鮮自助晚餐
供應日期：即日起至另行通知為止
供應時間：18:30 - 22:00
價錢：（星期一至四）成人$558、小童$328、長者$458，（星期六、日、公眾假期及前夕）成人$618、小童$368、長者$518
 

鮮蟹主題x精選美饌　　雅苑座

呢間酒店餐廳今年再度推出以蟹為主題嘅自助餐，回本位有鮮味無窮嘅黑魚子醬蟹粉炒蛋鍋粑同冰鎮加拿大蟹腳。另外精選菜式仲包括馬來西亞煎蟹餅同蟹粥等。再加上多款精選凍海鮮同中西日式美食，最後食埋時令栗子甜品，大滿足。

蟹味無窮自助晚餐
供應日期：即日起至另行通知為止
價錢：（星期一至四）成人$578、小童$458，（星期五至日）成人$658、小童$498
 

*以上價錢需另收原價加一服務費

文：Cathy