大家身邊有無人雖然好鍾意貓，但就係無貓貓磁場，點都吸引唔到貓仔過嚟玩？太子有間貓cafe製造咗一個人貓共融嘅空間，有成千呎大，設計寬敞舒適，走悠閒家居feel。老闆希望可以為客人提供 一個以玩貓為主嘅空間，想人同貓一樣自由，坐喺空曠乾淨嘅地上面同貓貓親密互動。
老闆表示，香港有好多提供食物嘅貓cafe擺滿高枱高凳，貓貓無咩空間活動，同時食客都好難近距離接觸貓貓。另外，廚房對貓咪嚟講都好危險，甚至會有貓誤食人類熟食，為身體帶嚟危害。所以呢間貓cafe就無食物提供，一嚟客人唔會再被餐桌局限，可以專心同貓貓玩，二嚟可以畀貓咪們一個更安全嘅家。雖然無嘢食供應，但就有花茶同咖啡任飲，比較適合大家午後嚟放鬆一下。Cafe提供免費WIFI，梳發區有充電位，大家想帶部notebook去一路做嘢一路玩貓都得。
飲品區係自助形式，花茶選擇包括茉莉花茶、水蜜桃果粒茶、英國早餐茶、洛神花茶等，揀好想飲嘅茶包，沖入熱水就飲得。
花茶香氣濃郁之餘，仲有唔同功效。例如洛神花茶含有豐富維他命C，具清熱消暑、護肝解毒、提神養顏等作用，又可以消脂，好適合夏天飲用；而茉莉花茶有助鎮靜不安情緒同提神，仲有養顏美膚、舒緩經痛作用，女仔飲用可以幫助調理內分泌，非常有益。
另外仲有即磨咖啡機，選用南美洲咖啡豆，操作都好簡單，只要揀好想飲嘅咖啡種類，撳個掣就搞掂，非常方便。鮮奶咖啡口感幼滑，面頭有層綿密奶泡，有層次之餘味道香濃，午後嘆翻杯靚啡令人心情更舒暢。
花茶香氣濃郁之餘，仲有唔同功效。例如洛神花茶含有豐富維他命C，具清熱消暑、護肝解毒、提神養顏等作用，又可以消脂，好適合夏天飲用；而茉莉花茶有助鎮靜不安情緒同提神，仲有養顏美膚、舒緩經痛作用，女仔飲用可以幫助調理內分泌，非常有益。
另外仲有即磨咖啡機，選用南美洲咖啡豆，操作都好簡單，只要揀好想飲嘅咖啡種類，撳個掣就搞掂，非常方便。鮮奶咖啡口感幼滑，面頭有層綿密奶泡，有層次之餘味道香濃，午後嘆翻杯靚啡令人心情更舒暢。
收費方面，逢星期二至五首小時$60，之後每小時$40；星期六、日同公眾假期首小時$80，之後每小時$60。飲品全時段免費供應，大家可以慢慢享受，想試幾多款花茶都得啊！
貓咪大家庭總共有10隻貓，全部性格都非常溫馴親人，有啲特別貪玩、有啲鍾意瞓覺、有啲又好為食。例如布偶貓Belly雖然慢熱，但就好鍾意畀人摸摸，同你熟咗就瞓喺你大脾唔畀你走。
Jackline好黐人，得閒就走嚟望下你，引你幫佢按摩。
小吉哥哥好懶瞓，肉球毫無防備地露咗出嚟！
Cafe每日有2個餵貓時段，分別係2:30pm至3:00pm同5:30pm至6:00pm。客人可以喺呢兩段時間購買貓咪零食餵貓，每份$10，每個時段限售10份㗎咋。
為咗保持地方乾淨衛生，以免貓貓病倒，門旁有locker比客人放袋，入場前需要除鞋同消毒雙手。
