好多人去京都旅行都會去% Arabica朝聖，香港嘅最新分店喺尖沙咀試業中喇！唔好以為係過江龍，其實咖啡店總部設於香港，全球第一間店2012年已經喺愉景灣開業！老闆係日本人，全線分店都以日式簡潔風格作設計，感覺悠閒舒服。愉景灣店只開平日，位置亦隔涉，今次開喺尖沙咀實在係啡迷福音。
舖頭位於天星碼頭入面，但唔使入閘，只要走入往中環方向嘅上層入口，就會見到架喇。
室內裝潢同樣走清新簡約風格，只有少數座位同企位，當然唔少得招牌白色Slayer咖啡機。
咖啡店主要供應濃縮咖啡，有Espresso、Macchiato、Latte及Americano四款，分大細size。現時只係試業階段，所以一律得house blend，未有單品豆可以揀。
咖啡豆跟全球其他分店一樣，帶果仁及可可味，而且有悠長的aftertaste。奶泡打得順滑，味道相當平衡。
更多新店直擊： |
店內亦有咖啡豆、自家品牌背囊及咖啡杯等可以買。
咖啡師預告11月將會喺中環IFC開香港第三間分店呀，又更加方便啡迷嘆靚啡。
% Arabica Star Ferry Hong Kong
地址：尖沙咀天星碼頭KP-41舖
文、相、片：Perrins