食完火鍋再用餘下嘅湯底做炊飯，聽落係咪好滿足呢？啟德一間全新火鍋店就以此為題，推出高CP值火鍋套餐廳，最平$68就有交易，升級配埋炊飯都依然抵食！

火鍋套餐都配備蔬菜、日式火鍋料、白飯同埋指定肉盤/素菜盤

葷素鍋都係$68起

亞洲風味湯底

茸美人鍋套餐（$148）

胃覚醒鍋（$88）

湯底有9款選擇，包括日式、川式、台式、韓式風味，留意「茄元氣鍋」係素鍋，唔會配肉盤啊。如果想清潤啲，茸美人鍋（即養生姬松茸湯）好啱而家嘅天氣，啫喱狀湯底慢慢煮熱時散發香噴噴嘅菌香，入口好清甜。鍾意川辣口味嘅朋友，不妨試試胃覚醒鍋（即黃金酸菜湯），初初可能覺得唔太辣，但辣味會愈煮愈出，配牛肉同海鮮都好夾。

牛肉×海鮮

單點肉類：和牛の至極（$178）

日本產黑毛和牛肩胛肉

美國SRF和牛肩胛肉眼心

最高質嘅牛肉有充滿油香嘅日本產黑毛和牛肩胛肉，同埋肉味較濃嘅美國SRF和牛肩胛肉眼心，蘸埋帶芝麻香嘅日本產炸蒜醬更加滋味，想試可以揀單點或藥膳白鍋套餐。

茸美人鍋套餐配Prime牛肩脊肉同牛五花

Prime牛肩脊肉、牛五花

豚梅肉

留意套餐所配嘅肉類都唔同，皆因餐廳將同湯底最夾嘅肉類作配對，當中包括Prime牛肩脊肉、牛五花、牛小排、牛舌、豚梅肉等。

魚介の饗宴（$148） 

半殼蠔

半殼扇貝、魚滑

海鮮只有兩款單點拼盤，而「魚介の饗宴」就包括半殼扇貝、半殼蠔、蝦同埋魚滑。其中半殼蠔有驚喜，蠔肉近9cm長，煮熟都依然飽滿。另外半殼扇貝都好厚身，味道鮮甜。

火鍋變炊飯

蟹肉蟹膏雜炊飯（+$24）

豬油渣雜炊飯（+$10）

呢度嘅火鍋仲可以升級配料，自行煮成炊飯！3款口味包括，玉子、蟹肉蟹膏同埋豬油渣，每款嘅配料都有分別啊。蟹肉蟹膏加上香蔥，配清香偏日式嘅湯底最夾；豬油渣雜炊飯則有豬油渣、菜脯、香蔥/芫荽，加入胃覚醒鍋嘅話，辣味會中和油膩感。

好鍋日子
地址: 九龍城啟德承啟道38-39號啟德體育園啟德零售館1 2樓M1-206號舖

文：Cathy
相、片：Tom