對於大閘蟹迷嚟講，10月份蟹季簡直就係最幸福嘅日子，不過更幸福嘅係可以無限量咁食大閘蟹呀。今期開飯仔搜羅咗8間大閘蟹放題畀大家，除咗任食大閘蟹，仲有一啲以蟹入饌嘅特色菜，包你食到捧住個肚走～
三種煮法任你食 陶源酒家 
可無限追加三種煮法嘅大閘蟹，包括清蒸、太雕蒸及油鹽焗。清蒸可以完整保留蟹鮮味；太雕酒蒸煮可突出酒甘醇及香氣，同時增加蟹肉甜味；油鹽焗就試到濃郁蟹油香氣。小菜如北京片皮鴨都有任食。另外每位可享一份鮑汁扣原隻鮑魚伴百靈菇、金湯小米燴遼參同蟹粉扒豆苗。
時限：2小時
收費：星期一至四$528/位, 星期五六日及公眾假期$588/位
餐飲券：81折 蟹魔必食2 小時任食大閘蟹放題 送蟹粉小籠包
避風塘大閘蟹 上海新大眾大閘蟹專門店
圖:餐廳官方Facebook
90分鐘大閘蟹任飲任食放題，除咗以往清蒸大閘蟹，今年仲多咗鹽焗大閘蟹、避風塘大閘蟹同荷葉花雕蒸大閘蟹，隻隻蟹都爆晒膏㗎～當然唔少得蟹粉水餃、生滾大閘蟹粥同蟹膏炒臘味糯米飯，蟹粉味香濃。
時限：90分鐘
收費：按大閘蟹重量計算，由$488至$868
大閘蟹+台灣小食放題 等等HEA
呢間台灣菜每年嘅大閘蟹放題都好受歡迎，價錢就分三個級數，以大閘蟹重量嚟計。餐廳選用江蘇大閘蟹，每個等級都會供應蟹公同蟹乸，蟹公就偏向軟滑香濃，而乸嘅肉質就結實。仲有蟹油香辣雞煲、蟹粉澎湖花枝丸、台式腸蟹粉糯米飯、手工芋圓豆腐花都好吸引！
時限：88分鐘
收費：按大閘蟹重量計算，由$468至$1288
餐飲券：64折！88分鐘大閘蟹任飲任食放題 (4兩~5兩)-無限追加大閘蟹、蟹粉前菜+台灣小吃 !
任食爆膏大閘蟹+刺身及泰式料理 瀛豐放題料理專門店 
圖:餐廳官方Facebook
佢哋嘅大閘蟹隻隻都爆晒膏，蟹味好濃郁，而且係即叫即蒸。除咗任食大閘蟹，仲有刺身、創作壽司、天婦羅、泰國料理及燒物，咁多選擇就唔怕淨食蟹咁悶啦～
時限：2小時
收費：星期一至四 $499，星期五六日及公假前夕 $519
大閘蟹+越式料理任食 Pho星登陸越球
圖:餐廳官方Facebook
除咗任食清蒸大閘蟹、蟹粉水餃同生滾大閘蟹粥等，仲有多款越式菜畀大家揀，如生熟牛河、春卷、沙嗲串燒、香茅雞翼及醬汁鰻魚等，選擇多元化之餘質素都唔錯呀。
時限：88分鐘
收費：按大閘蟹重量計算，$458起
即叫即蒸大閘蟹 京都薈
圖: nicolekitman
因為上年反應非常熱烈，今年呢間中菜又再推出2小時任食大閘蟹放題～有得無限追加大閘蟹之外，仲可以任食京式片皮鴨、糯米飯同多種甜品，每位客人都會包一份鮑魚扣肉掌、滋補蛇羹或胡椒花膠雞湯及Movenpick雪糕，食完一定好滿足。
時限：2小時
收費：平日 $498，星期六日及公假前夕 $538
增量版蟹‧蠔放題 大澳德發（銅鑼灣）
呢間以蜑家菜為主打嘅餐廳推出增量版蟹‧蠔放題，每隻陽澄湖大閘蟹同奄仔蟹足4兩，使用傳統大瓦煲加入阿爾卑斯山岩鹽、八角、香葉等香料，以干焗方式烹調，鎖緊蟹原有鮮味。另外仲有以岩鹽干焗方式烹調嘅蠔、鮑魚同卜卜蜆，海鮮控必到。
時限：2小時
收費：$498
蟹膏煲仔飯 龍井
圖:餐廳官方Facebook
時限：90分鐘
收費：按大閘蟹重量計算，$468起
文：Yanica
編：Kar
