過完聖誕話咁快就農曆新年啦，又到一年之始當然要食好啲喇～Hotel ICON今年繼續悉心預備咗一連串嘅餐飲選擇畀大家，重點推介唯港薈Silverbox宴會廳嘅「新春薈萃海鮮饗宴自助餐」，可以食到酒店屨獲殊榮嘅星級名廚炮製嘅賀歲中式佳餚、冰鎮海鮮同多款特色菜等，仲有得睇現場精彩表演、參與巨型撈起活動同獲得豐富獎品呀。
想食呢個新春薈萃海鮮饗宴自助餐就要快手啦，因為只會喺1月舉行4場，賓客可以品嘗由酒店屨獲殊榮嘅行政總廚何偉誠、行政副總廚溫祖維、中菜師傅馮鈿富、環亞美食主廚李淑光、泰國主廚Jack Pinkkang攜手炮製嘅佳餚！包括香氣撲鼻嘅富甲一方此際會(京式片皮鴨)、人參鳳鳴傲八方(鮮人參貴妃水晶雞)及龍騰四海願昇平(古法荷香蒸深海龍躉)等，啱晒帶長輩嚟食，另外每枱都會包風生水起慶癸卯(鴻運七彩撈起)一份～
人參鳳鳴傲八方(鮮人參貴妃水晶雞)
風生水起慶癸卯(鴻運七彩撈起)
每位賓客早午餐時段會獲贈蟲草花落包有餘(蟲草花鮑魚燉雞湯)、桃花盛放藏寶典(桃膠意式奶凍)，而晚餐時段就有由八頭鮑魚、蹄根、花膠、金華火腿、鹿茸菌等烹煮成嘅佛聞棄禪跳牆來(花膠鮑魚佛跳牆)、發財好市迎大利(髮菜蠔豉伴娃娃菜)及燕液甘霖藏寶典(燕窩意式奶凍)各一客。
佛聞棄禪跳牆來(花膠鮑魚佛跳牆)(每位一客)
除咗以上嘅中式美饌，仲有多款帶有吉祥意頭嘅國際美食，如泰式牛肉湯河、泰式冬蔭公海鮮湯、香草燒羊腿及酥炸麥皮軟殼蝦等。講到自助餐，當然唔少得凍海鮮啦，小龍蝦、青口、蜆同鮮蝦通通有得食！另外仲有埋應節嘅賀年糕點、刺身壽司、冷盤、香濃榴槤甜品、雪糕、氣泡酒及紅白酒。
時令冰鎮海鮮
賀年糕點
現場仲有好多活動同抽獎環節，首先係賓客可挑戰巨型撈起活動，現場會奉上35吋大圓盤盛載傳統魚生撈起，寓意新一年順心如意、風山水起。另外有14歲功夫小子黃柏迪小朋友表演功夫同中國書法大師何煒霖先生即席揮毫，實行好食又好睇！入場前唔好忘記將寫咗你名字及祝福語嘅兵兵球放入如意寶箱參加抽獎呀～
食客可挑戰35吋大圓盤盛載嘅馬來西亞傳統魚生撈起
除咗撈起寓意新一年風生水起，更有中國傳統雜耍表演等精彩環節
賓客亦可入住 FOODCATION +「食+住」優惠，除可品嚐雙人自助早餐外，賓客更可以優惠價自選一項餐飲禮遇，包括「新春薈萃海鮮饗宴自助餐」活動或其他自選餐飲選擇，讓您與家人盡情投入吃喝玩樂的精彩假期，每房每晚只需港幣$1,860*起。
地址: 尖沙咀科學館道17號唯港薈1樓
「新春薈萃海鮮饗宴自助餐」
自助早午餐
日期：2023年1月25日
時間：上午11時45分至下午2時半
價錢：成人港幣$668；小童港幣$398
自助晚餐
日期：2023年1月18、19及20
時間：晚上6時半至9時半
價錢：成人港幣$838*；小童港幣$498*
*所有價目另設加一服務費
了解更多：（按此）