喺藝術氣氛下，一陣香氣撲面而來，兩個人緊緊拖住彼此閒逛商店，不時欣賞身邊嘅藝術品， 打卡過後再係一間精緻餐廳晉餐，咁嘅情人節真係簡單又浪漫～而K11 MUSEA 正正就有齊咁多種夢幻元素，開飯仔當然要帶大家睇吓喺呢度有咩食，預早訂位就唔駛一齊慢慢等啦。
Fortnum & Mason 有各款頂級香檳，無論你揀邊支香檳都可以上面寫上情深既說話 (只限英文) 表達心意。當晚香檳碰杯飲至微醮更有氣氛，香檳酒樽更加可以作為紀念。
每款香檳都可以加HK$90 寫上自訂訊息。
你亦可以選購季節限定嘅St Valentine’s Tea情人節花茶，買返屋企兩個人慢慢品茶，感受鮮嫩白茶葉、玫瑰花瓣同甜美洛神花交織出嘅甜蜜味道。
St Valentine’s Tea情人節花茶。
仲有情人節Vodka 紅莓朱古力薄片，係用頂級比利時黑朱古力手工製作，濃厚朱古力再加入Fortnum’s 自家品牌嘅英國Barley Vodka，入口有粒粒乾紅莓，味道好有層次。
情人節Vodka 紅莓朱古力薄片。
181 at Fortnum & Mason 英國王室御用下午茶
K11 MUSEA 嘅Fortnum & Mason 足有7,000平方呎大，總共兩層㗎！除咗Shopping 仲可以坐低食個高級下午茶𠻹！其實倫敦總店一直都係朝聖地，連英女皇都好鍾意～呢度裝潢亦沿用英式典雅風，喺度嘆下午茶真係有去咗英國嘅感覺。
店家充滿英式風格，仲有全海景超靚。
如果你同伴侶都鍾意英式嗰種放鬆又優雅嘅品茶體驗，入座後可以先叫一壺茶慢慢品嚐，再叫一個3層下午茶，邊食邊欣賞全海景景色。店家仲可以專人席前整甜品，畀伴侶一個浪漫英國風驚喜！
3層下午茶好精緻，可以體驗英國貴族感覺。
開飯仔嘅情人節推介又點只一間，今次仲搜羅咗多間餐廳，米芝蓮、傳統日本菜、打卡靚餐廳都有㗎。
TIRPSE 東京米芝蓮一星
先睇呢間飽覽全海景嘅東京米芝蓮一星TIRPSE！店家主打法國菜，喺東京開業僅2個月就獲得米芝蓮一星喇。香港分店裝潢就有唔少原木、綠色元素同吉祥物狼點綴，處處感受到店家對武士道精神嘅堅持。
情人節套餐會由傳統法國菜必有嘅Amuse Bouche 打開序幕，用士多啤梨、Burrata Cheese同香醋喚醒你嘅味蕾。過後仲有冷、熱盤前菜，陸續品嚐黑松露、龍蝦、帶子滋味，嚟到主菜就有日本柚子配法式鵝肝及鴨。套餐仲會食到2款甜品，分別係藍莓、黑加侖子配櫻花；同埋玫瑰、車厘子配黑朱古力。
大大片黑松露好足料。
每款菜式都好精緻。
TIRPSE 情人節套餐 HK$3,888／2位
VELO 獨特的意大利美饌情人節
如果想食到最正宗嘅意大利風味，就一定要去主打意大利南部菜式和海洋風味的地道菜餚嘅VELO ，會加入比較多海鮮元素㗎。而且大廚只揀最新鮮嘅時令食材，配合簡單煮法呈現食材原始味道。
今次情人節套餐會食到黑松露自家製闊麵條外，仲有3選1主菜分別有香煎和牛西冷牛扒伴紅酒燒汁、烤焗鱈魚柳配法國生蠔．蔬菜薯糰粒伴香檳醬、香煎龍蝦配意大利雲吞伴砵酒鵝肝醬，每道主菜都加入意大利元素。
烤焗鱈魚柳
香煎龍蝦配意大利玲吞
套餐甜品有Tiramusu 或 自家製橘子醬班戟伴雲尼拿雪糕揀外，VELO 本身就有多款自製蛋糕甜品，自問係有第二個甜品胃嘅話一定要試試喔！
甜品Tiramusu
VELO 情人節套餐 HK$788／位
KAIYO 傳統日本居酒屋料理
唔少香港人都鍾意食日本菜，如果你另一半都係日本菜Fans，帶佢嚟KAIYO 就可以一嘗傳統日本居酒屋料理喇。呢度環境典雅精緻，以破格烹調手法及沿用來自世界各地的頂級食材炮製新穎的佐酒小食以配搭美酒。全部食材都係每日空運到港，確保新鮮。你亦可以揀壽司吧座位，近距離欣賞壽司師傅嘅風範～
呢度嘅壽司、手卷都係師傅手握。
刺身每日新鮮運到。
情人節套餐就有龍蝦蟹籽沙律同拖羅、甜蝦、日本真鯛刺身打頭陣，再嚟就有海膽茶碗蒸同松葉蟹腳、花竹蝦、日本野菜天婦羅，款式多仲款款矜貴。而煮物則有汁煮吞拿魚下顎，魚肉嫩滑仲好入味，最後仲有精選壽司、鯛魚濃湯同甜品作結尾。
KAIYO 情人節套餐 HK$888／位
Camellia 花花牆打卡餐廳
如果女朋友鍾意粉色、雲石或花花，情人節帶佢嚟Camellia 一定哄得佢開心！呢度以粉色山茶花為主題，成間餐廳都放滿9,999朵唔同色系嘅山茶花，仲有雲石餐枱同粉色梳化，女仔睇見都開心呀～情人節前一定要學好影相技巧，幫女朋友影多啲靚相啦！
度度都係打卡位！
充滿粉色花嘅Camellia 其實以巴黎「世界花都」為靈感，而食物就主打西日Fusion。今年情人節套餐就以新鮮水牛芝士及蕃茄配梅粉、海膽肉薏米意大利飯為頭盤，2選1主菜方面則有意大利式Carta Fata 慢煮鱈魚、香煎澳洲M9+ 和牛伴松露薯仔泡沫揀。最後仲有好襯Camellia 夢幻花世界嘅紅絲絨甜品～
意大利飯灑上花瓣好浪漫。
Camellia 情人節套餐 HK$888／2位
Curator by Lex Art Cafe 藝術咖啡館
打卡餐廳又點止一間，呢間Curator by Lex Art Cafe 就走藝術文化風，希望香港人都體驗到藝術 X 飲食文化，所以店內會有KAWS、村上隆、草間彌生等藝術品。最令人深刻嘅當然係招牌打印咖啡，食客可以提供各種圖片畀咖啡師印上咖啡或朱古力。仲諗緊情人節畀咩驚喜對方？你懂的。
店內展出各藝術家作品。
自選圖案打印咖啡可以為對方製造驚喜。
呢度情人節午餐同晚餐都有，套餐會有頂級意大利氣泡酒，邊飲邊欣賞身邊藝術品，令等食都係一種享受呀！前菜則有經典煙燻三文魚凱撒沙律，2選1主菜就有香煎野生捕獲鱸魚配新西蘭鑽石蜆肉米型粉、香煎有機雞胸揀。甜品就係男女都啱食嘅黑加侖子慕斯白朱古力蛋糕。
Curator by Lex Art Cafe 情人節午餐、晚餐 HK$588、HK$788／兩位
蜀客 同另一半望海嚐辣
兩個人相愛，好多時因為大家都有共同興趣，如果咁啱你同另一半都鍾意食辣，可以試吓呢間蜀菜。主打傳統蜀菜風味，辣得惹味又帶少許麻，辣度有層次，亦係難得有靚景望海嘅中菜選擇。
望住海食飯特別浪漫。
情人節就有3款套餐揀，全部都包括3道前菜、1道熱湯、5道小菜同1款甜品，2個人食相當滿足。想品嚐大眾化菜式，可以揀有經典嘅夫妻肺片、香西牛肉羹、宮保蝦球嘅套餐；想食啲比較地道菜式，可以選煳辣熊貓笋、乾鍋手撕包菜、雜醬麵等；而食材矜貴啲嘅套餐仲會有海鮮同鵝肝，例如魚香茄子拼鮑魚、黃湯燉花膠、怪味鵝肝等。3款套餐都各有特色，每款小菜都細心挑選過，值得一讚。
宮保蝦球
蜀客情人節精選套餐由HK$1,388起
K11 MUSEA
地址：尖沙咀梳士巴利道18號