近年台式茶飲店盛行，加上炎炎夏日，唔少人行街都會買一杯手搖茶飲邊行邊飲，但大家又會唔會忽略當中糖分呢？根據世界衞生組織建議，以一個每日攝取2000千卡能量嘅成年人為例，每日游離糖攝取量應少於50克(約10粒方糖)，所以隨時飲一杯大杯裝再加重珍珠嘅手搖茶，隨時會超越每日糖分攝取量。為了鼓勵大家一齊減糖，全港11個茶飲品牌共80間茶飲店已參加「少糖星期五」計劃！由8月21日起逢星期五，只要去參加「少糖星期五」嘅茶飲店購買指定減糖或無糖飲品，即可以減HK$2！慳錢得嚟又健康！計劃為期約8個月，參加嘅茶飲店將每月持續更新。今次就介紹其中三間參加咗「少糖星期五」嘅茶飲店畀大家，享受到茶飲滋味外又健康啲。
來自台灣，係主打茶的飲品店，開業至今堅持選用優質茶葉，在香港已開設超過50間分店，對於喜愛喫茶及注重健康的茶友嚟講係一個唔錯嘅選擇。
913茶王係天仁茗茶嘅招牌飲品，由台灣中部高山茶區嘅高山烏龍茶及人蔘薰製而成，而且選擇無糖味道更能感受源自茶嘅原味，入口回甘無苦味，飲得出高山烏龍茶嘅甘醇及人蔘嘅甘香。
鍾意花嘅香氣，可以試試呢杯桂花金萱冰茶。用40年老樹嘅新鮮桂花同金萱烏龍茶薰製而成，茶色透澈，選擇微糖或無糖能突顯桂花嘅芳香及烏龍茶之甘醇，踏入初秋飲就最適合。
夏日熱辣辣，飲返杯果茶就最消暑！香橙綠茶係人手每天新鮮榨製而成嘅橙汁，搭配茉香綠茶沖調而成，唔使加果糖，都可以飲到水果茶天然甜味，特別清爽。
丸作食茶以手作珍珠為最大賣點，所有珍珠皆現場以波霸粉製作，製作完成後即煮即賣，確保新鮮，同時堅持不使用塑化劑。另外飲品店亦有供應唔少健康飲品。
莓果醋飲以蔓越莓醋製作，含豐富抗氧化成分，亦可以降低血中膽固醇及三酸甘油酯。建議唔好另外加糖飲用，味道酸酸哋好清新，特別適合女士們飲。
好多人對水果茶嘅印象都係偏甜，但其實飲水果茶都可以飲得健康。丸作馳名嘅水果茶，以新鮮西柚果肉同鮮榨西柚汁再加上茉莉綠茶調製而成，仲有呢杯茶飲以少量蜂蜜取代果糖，西柚味香濃。
黑洞拿鐵以青季春茶做基底，配以竹炭粉同培茶粉嘅鮮奶茶。加入零卡路里嘅竹炭粉有助促進胃腸蠕動，幫助消化，而選購飲品時都可以揀無糖。
台灣型格茶飲品牌不要對我尖叫，日常茶間，一直嚴守台灣老茶莊配方，為大家帶來餘韻濃厚嘅茶茗。近日品牌趁住炎炎夏日於香港再添新店，選址大角咀利奧坊。
四季春選用來自台灣南投嘅青茶，茶味清香，入口滑潤溫和，口感甘醇順口。用純茶來代替有糖嘅茶飲係一個唔錯嘅選擇。
想特別一點，雨林紅係位於高海拔嘅樹種，因為環境特性關係，茶香中自然帶點果香味，口感層次豐富，溫順濃郁，清新得嚟帶點水果嘅酸甜。
奶茶一向都畀人邪惡嘅感覺，但阿薩姆鮮奶茶使用阿薩姆紅茶為基底，有濃烈嘅麥香味，搭配口感香醇嘅牛乳，茶味及奶味都恰到好處，而且叫微糖就已經好好飲。
*資料由客戶提供
