而家疫情嚴峻，3萬多人仍然等候隔離或送院，西醫醫護人員疲於奔命，醫院亦已經崩潰同癱瘓。開飯仔請嚟中醫師黃曦民解構中醫藥點樣舒緩確診者嘅病症，以及診療過程，畀大家多一個渠道對抗病情。全港現有逾300名中醫師提供遙距診療服務，處方中藥更可即日直送到家，務求令確診者得到及時救治，減輕病情，避免向中度和重度發展，減少病死率，從而舒緩醫院壓力。

1) 中醫藥抗疫係喺邊個環節起作用呢？
答：中醫抗疫起作用嘅環節在於讓確診者得到及時救治，解除不適症狀，減少輕症發展至重症嘅傾向，降低重病率同死亡率。

2) 中醫診治確診者嘅療程係點呢？又如何治療無症狀確診者呢？
答：一般診治輕症確診者需服藥10-12天為一個療程；服藥3-4天後，症狀會有明顯改善；直至快速抗原檢測（RAT）陰性後再服藥１星期，以防復陽。而無症狀確診者，中醫會透過望、聞、問診，評估確診者身體狀況，「度身訂造」處方解毒排毒中藥。

3) 中醫重視快速抗原檢測（RAT）和核酸檢測（PCR）嗎?
答：非常重視！但現實都係以解除確診者不適症狀、治病救人為先，快速抗原檢測（RAT）同核酸檢測（PCR）陰性為次。觀察第5波疫情嘅確診個案，即使服中藥後症狀減輕咗，但RAT同PCR檢測仍然呈陽性。病毒纏綿不去，主要係因為潮濕嘅環境，使病毒被濕困住。所以祛濕排毒係防疫、抗疫嘅關鍵！

香港註冊中醫學會「抗流感抗疫症應變小組」：（按此） 

註冊中醫師可提供視像應診醫療服務嘅名單（文字版）：（按此） 

註冊中醫師可提供視像應診醫療服務嘅名單（網上版）：（按此）

 抗疫小百科（中醫篇）預告：黃曦民醫師嚟緊重有防疫食譜、防疫功法同講解連花清瘟膠囊效用，記得留意我哋嘅更新呀～