話說，呢間餐廳係上年年底先至由大阪進軍香港，喺大阪嘅總店今年繼續都係獲評3星，而香港分店喺短短一年間就已經上到2星榜，係叻叻豬嘅。餐廳主打懷石料理，由舖面設計到每一碟嘅食物，都相當講究。間格方面，更特別為咗迎合香港人嘅文化，除咗好似日本咁都有2間私人空間感重嘅VIP房之外，另外仲有開放式嘅吧枱，可以一路食一路睇住師傅整嘢食。
開飯仔呢日有幸近距離咁睇住大阪店總廚松尾英明先生切原條鯛魚，一條魚有3種切法，角切、厚切同平切，唔同切法食落嘅口感都有唔同，有啲豐厚啲，有啲爽口啲，但同樣都好有鮮味。尤其是呢度嘅鯛魚嚟自赤西，嗰度嘅海域水流比較急，生長喺度嘅鯛魚為咗生存同適應，魚肉都比較結實，魚鮮味亦較突出，用嚟做刺身、燒或者蒸等等嘅煮法都得。
越前蟹嘅解禁期係11月中至1月中，得呢幾個月先至有得食咋！師傅拆肉切絲之後，再配埋蓮藕片、三文魚子等等一齊食，係會忍唔住大嗌聲oishi㗎！
柏屋
地址：中環安蘭街18號8樓
文：Kar
2017米芝蓮推介文章：
隨時接收最新資訊
讚好OpenRice專頁！