飛唔到去日本食好嘢？最近新蒲崗就新開一間以海膽為主題嘅日本菜，主要供應由世界各地空運到港嘅新鮮海產，包括用來自日本或加拿大嘅海膽製成嘅海膽菜式、魚類刺身及生蠔等，款款都好新鮮，海鮮控必食！

北海道原板海膽刺身

單單係來自北海道海膽刺身都已經有幾個品牌選擇，富美丸海膽味濃、入口肥厚及味道清甜；平山商店同樣海膽味濃，但味道就偏鹹少少；而鹽水海膽因為用鹽水保存，所以更能更感受到即開海膽嘅味道，海水味較濃，鍾意邊款就睇個人口味喇。另外都有來自加拿大嘅海膽揀～

海膽拼盤、海膽帶子

如果想一次過試晒幾款海膽，可以試吓呢個海膽拼盤，一份包含北海道海膽、加拿大海膽及加州海膽，款款都鮮味十足。想味道更豐富，試埋海膽帶子，真係鮮上加鮮。

混合海膽湯麵

用足料海膽炮製而成，海膽味好香濃，每一啖都係濃濃海膽味。

爆膽丼、松葉蟹雙重丼

爆膽丼選用加拿大海膽，呈鮮艷嘅橘黃色，充滿光澤，帶有甜甜嘅香氣，食落有如奶油般滑溜。松葉蟹雙重丼有大量松葉蟹肉配上蟹膏，配飯食真係一流！

除咗海膽外，仲有其他新鮮海產。推介來自唔同國家嘅新鮮生蠔，日本生蠔肉質肥美，口感Creamy有獨特甜味，並散發濃濃蠔香；超級愛爾蘭生蠔味道較平衡，海水味唔太重；法國生蠔味道層次豐富，入口感愛到海水鮮味更有甜味、果仁味甚至礦物味道，Aftertaste好重，肉質爽脆；而西班牙生蠔海水味濃，裙邊爽口，蠔肉肥美，餘韻重蠔味不帶金屬味。

日本空運直送原條鮮魚刺身，跟據時令供應，客人可以喺餐櫃自行選擇或 詢問師父意見去簡食邊種魚。

另外餐廳而家做緊新張優惠，只要follow餐廳instagram就可以享有更多優惠！

海膽仔

地址: 新蒲崗衍慶街2-32號新蒲崗大廈地下Q號舖

文、相: Yanica