27/3先喺日本正式面世嘅Coca Cola Plus，估唔到咁快就登陸香港！喺7-11便利店可以買到，每支成$25，比起普通可樂貴成倍！究竟有咩分別呢？
全白色樽身好搶眼，樽身仲刻有logo，一支只得470毫升，比起普通可樂500毫升更少。
呢款可樂plus除咗無糖同零卡路里，仲含有5克膳食纖維，可以吸收脂肪同抑制飯後血內的中性脂肪，比普通可樂減低約7%。屬於日本消費者廳特定保健用食品，樽身寫住建議食飯時飲用，一日飲一支就夠喇。
可樂倒出來好多汽，不過飲落就唔多覺，好快就走晒汽。味道同零系可樂非常相似，有少少太甜，真係未必分得出！但同正常可樂相比，一飲就飲得出分別。不過開飯仔始終最愛「肥仔可樂」，可樂plus試過味就算喇！
更多【飲食潮流】： |
開飯仔亦有個小發現，健怡可樂、零系可樂同可樂plus都係無糖兼零卡路里，原來成份有少少出入，用嘅甜味劑同酸度調節劑係唔同架，所以飲落健怡可樂會帶微酸，有啲似檸檬味可樂。
文、相：Perrins