知道大家鐘意去日本玩，有著數小編又點會收埋呢？OpenRice同日本Hotpepper合作，幫大家搜羅東京、大阪同京都餐廳嘅最新優惠券，隨時用手機出示就可以盡享唔同著數。以下六間精選餐廳，由高級黑毛和牛燒肉到高CP值壽司都有，揀啱自己口味同Budget就記得收藏啦。
東京
大份清爽魚介沾麵
つけ麺屋 やすべえ 池袋店【贈送菜品】
香港嘅沾麵唔少都係偏濃厚嘅豚骨魚介系，而呢間相反係走清爽風格嘅魚介系。沾湯唔會太油膩或者太鹹，反而帶少少酸，係女士們都會覺得容易入口嘅味道。鐘意重口味嘅就可以加辣油或者鰹魚粉。最抵讃嘅係大中細Size一樣價錢，當然用埋贈送菜品優惠券就更抵食啦！
想食咩魚自己釣！
釣船茶屋 ざうお 渋谷店【贈送菜品】
唔鐘意坐定定食飯或者帶埋小朋友親子遊？咁就一定要嚟呢間居酒屋，因為佢地嘅賣點就係有個巨無霸水池，而客人可以自己釣魚！釣到嘅魚亦有多種食法選擇，萬一釣唔到魚都可以單點任何海鮮，不過自己釣會比較平喔。記得Bookmark埋張贈送菜品優惠券，令海鮮大餐更豐富！
大阪
要錫住自己銀包又唔代表待薄自己嘅，呢間即叫即製手握壽司店相當出名，但定價唔高，分量仲夠哂大份。好似海膽軍艦壽司咁，係一碟四件壽司飯再加原板北海道海膽！鰻魚握壽司亦係必食，如果你有選擇恐懼症嘅話亦可以嗌套餐，用埋九折優惠券仲點會肉赤吖。
DIY大阪名物炸串任食
串まる あべのルシアス店【贈送菜品】
大阪名物炸串係好食，而嚟到呢間餐廳仲特別好玩，因為每枱中間都會有個迷你炸鍋，畀你自己DIY炸串！餐廳收費係限時放題形式，換句話講即係只要你夠大食，想食幾多都得。自問細食嘅話，中間不妨去沙律吧食啲野菜解膩。最後唔好忘記用優惠券食埋贈送菜品呀。
更多優惠推介： |
京都
去日本要食和牛是常識吧，而近江牛更加係日本三大和牛之一，特點係肉質柔軟、油脂豐富，燒過後入口即溶！呢間燒肉店特別購入整隻黑毛和牛，提供唔同稀少部位，仲有保健所頒發嘅生食許可證，去到不妨試下佢地嘅生拌牛肉。出發前記得先收藏埋我地張贈送菜品優惠券。
既係食肉獸又係大胃王？咁不如嚟呢間餐廳放心任食啦！放題可以選擇涮涮鍋、壽喜燒、燒肉加壽喜燒，或者人氣最高嘅一鍋兩食壽喜鍋。價錢就按你選擇肉嘅品質而調整，而各款新鮮野菜、季節沙律、京都家庭料理等亦係任食喔。用埋九折優惠券，呢個京都之旅一定更開心。
優惠券唔需要列印，去到日本用手機出示電子優惠券就得。怕無網絡嘅話Cap圖亦得，得咗！想知道更多日本餐廳優惠券嘅細節，可以睇返之前嘅優惠券特集。長氣啲提多你一次，OpenRice訂枱優惠已經擴展到曼谷、台北同澳門，出遊前不妨睇睇有無心水！
文：Cathy