出街食飯點先最抵？即刻跟實每月至抵優惠book枱食飯、用抵食餐飲券堂食/外賣自取，就可以擸盡著數啦！
今時今日喺香港地$28可以食到啲咩呢？OpenRice外賣自取$28齊齊食又返嚟啦，今期有多間餐廳都推出優惠，指定食品全部$28就食到，最平低至2折，包括港式茶餐廳、fusion小食店、高質刀削麵、台式茶飲及日式西餐廳，全部都好吸引呀～
登打士茶餐廳 油麻地（指定食品低至52折）
油麻地嘅街坊港式茶餐廳，提供多款碟頭飯，份量十足，價錢又抵。多款港式炒粉麵飯都係$28，如乾炒牛河同咸魚雞粒炒飯都炒得乾身又有鑊氣，前者唔會太油同好惹味；後者炒得粒粒分明帶鹹魚香。另外梅菜扣肉飯、揚州炒飯、餐肉煎蛋面、沙嗲牛肉湯河同醬爆牛丸湯河呢啲都係通通$28，好抵食！
圓燒 深水埗（指定食品低至7折／78折）
一間好fusion同多元化嘅日式小食店，由丸燒、關東煮、烏冬到飯都有～飯類有蛋燒明太子飯、七味雜菇飯同滷肉飯，滷肉飯飯粒濕潤飽滿，配埋滷豆腐乾同酸蘿蔔食幾開胃。油揚湯烏冬都推介，油揚吸晒日式高湯，本身都好香甜，鍾意食日式腐皮嘅朋友一定要試。另外佢哋嘅燒物都不可錯過，如章魚燒、山藥燒、黑糖芝士年糕同芝士素菜燒餅等，款款都好香口！
陞記刀削麵 深水埗（指定食品62折）
新開嘅刀削麵店，款款食物都份量十足，難怪咁受歡迎啦。湯底清甜不油膩，刀削麵厚薄適中，有咬口，推介食上湯魚蛋刀削麵，魚蛋彈牙又有鮮味。如果鍾意重口味嘅朋友，可以試吓麻辣手撕雞刀削麵，手撕雞雞肉嫩滑，一入口麻香勁重，配埋刀削麵好夾呀～
NUTTEA 全線分店（指定食品低至77折）
台式茶飲都可以好健康，呢間來自台灣、以堅果手調飲品而聞名嘅茶飲店就以健康為主題，以全素堅果乳取代牛奶沖調飲品，主打純植物性嘅堅果奶同堅果奶蓋。黑糖薑薑堅果奶帶有濃濃黑糖香氣，加埋薑層次又更豐富，啱晒女仔飲！烏龍堅果奶茶同時帶有烏龍同堅果香，兩者味道平衡得好好～想飲啲清新啲嘅，檸檬塔綠水果茶就啱晒喇，酸甜開胃。
TERA 全線分店（元朗指定食品低至2折/佐敦指定食品低至32折）
日式西餐廳，元朗同佐敦店各有唔同優惠，元朗店最平低至2折，如香葉蕃茄蝦意粉同芫茜青醬意粉都只係$28，真係超抵食！甜品的話推介牛角包窩夫配奶油及水果，香脆又帶好重嘅牛油香～佐敦店呢就有糖心蛋窩夫同芝士撻都有優惠，芝士撻香脆又重芝士香，芝士控必食～
買開外賣嘅可用呢個$28齊齊食優惠，輸入優惠碼「HALF」或「EAT28」， 前者消費滿$60減$30，後者消費滿$50，額外減$10！(優惠期由3月22日至4月20日)
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！ 仲等？(按此立即落單)
外賣自取大激賞優惠:
HALF: https://www.openrice.com/info/takeaway/tc-HALF.html
EAT28: https://www.openrice.com/info/takeaway/tc-EAT28.html
復活節幾日假期玩得盡興大使咗嘅話，更加要留意外賣自取/堂食嘅激抵優惠，精打細算啲。今期精選推介有38折起嘅西式蛋糕、港/台風味嘅火鍋店同韓式炸雞，啱你口味就咪錯過呀！
滾爺火鍋 （旺角） 高質火鍋美食現金券 5折
旺角呢間火鍋店嘅湯底，提供養生藥膳同特色自家製口味兩大系列，其中火焰藥膳海鮮豬尾鍋有暖胃、補肺等功效；而芫荽控則必選芫荽皮蛋鍋。另外火鍋配料中，牛肉、豬肉同海鮮有多款選擇，如安格斯牛頸脊、豬腰、日本大扇貝等；配埋即炸魚皮、特色脆皮牛腩等佐酒菜，款式會更多元化。而家用餐飲券買$300高質火鍋美食現金券，有半價！
5折餐飲券：（按此）
尚膳養顏滋補鍋（旺角） 指定鍋底、火鍋配料 5折
餐廳採用中式裝潢，座位寬敞舒服，食物則以台式養生火鍋作招徠。其中尚膳養顏美人鍋選用金華火腿、烏雞、桃膠、紅棗、黨參等材料熬煮湯底，味道清甜，有健肝益腎功效。火鍋配料鍾意嘆魚類、海鮮嘅話，嫩滑生魚片同時令鮮蝦都值得一試，而家用餐飲券都有5折。
5折餐飲券：（按此）
Yannie 韓美食（牛頭角） 韓式無骨炸雞半份 買一送一
韓式炸雞做下午茶或加餸都好啱一家人share，呢間開業數月嘅韓式外賣店，佢嘅無骨炸雞香脆啖啖肉，有原味、甜辣、蜂蜜牛油、黄金鹹蛋等口味。小店由擁有30多經驗嘅師傅，聯同90後中韓混血兒經營，想試佢嘅出品記得用餐飲券，半份炸雞可享買一送一優惠，可以自選唔同口味㗎。
買一送一餐飲券：（按此）
Marco's Oyster Bar & Grill（佐敦、大角咀）1磅裝指定西式蛋糕 38折
平時去cafe買件裝蛋糕，一般$40左右，但用餐飲券去呢間意式餐廳，畀多少少就可以外賣自取1磅裝嘅紐約芝士蛋糕/藍莓芝士蛋糕/Tiramisu，相當抵食。餐廳負責人之一曾於多間酒店任職大廚，出品有保證，訂個蛋糕開party或做生日蛋糕都唔錯。
更多餐飲券優惠：（按此）
預早訂座可以慳返等位嘅時間外，仲可以有額外訂座優惠！今個月為大家精選幾間激抵優惠，有5折起嘅墨西哥菜、歐陸菜、法國菜酒吧餐廳、居酒屋同日式燒肉店，睇啱，撳個掣就可以訂座喇～
8Five2 Restobar（尖沙咀） 單點餐牌半價
圖：餐廳裝潢糅合藝術同園林風，時尚有格調，另設有大型吧台、室外用餐區，氣氛幾chill。其墨西哥菜主要用當地食材製作，而必食嘅nachos同tacos提供多款口味，如墨西哥粉條、牛肉夾餅等，更包搭素食款式。嗌埋特式調酒，同朋友慢慢吹水啱晒～
5折訂座優惠：（按此）
Plato Cafe & Bistro（佐敦） 單點餐牌 正價5折
圖：想搵間口碑唔錯、價錢合理嘅餐廳撐檯腳，可以考慮佐敦呢間人氣西餐廳。招牌菜之一嘅炭燒美國安格斯肉眼牛扒、德國脆皮鹹豬手肉量十足，另外蒜片白酒欖油紐西蘭青口、法國鵝肝松露野菌天使麵都係廚師推介之選。餐廳裝潢簡潔，走休閒美式風格又多座位，一班人聚餐都得。
Sky726（旺角） 主菜餐牌 買一送一
圖：可以欣賞都市景色同落霞、氣氛浪漫兼定價相宜，係呢間高層法式酒吧餐廳嘅賣點，嚟呢度約會、慶祝紀念日係唔錯嘅選擇。招牌菜式有煎慢煮美國頂級安格斯牛柳、焦糖低溫浸鵝肝等，甜品則必試火焰朱古力球，朱古力球入面係雪糕同brownie，倒酒後點火好啱打卡，而且外層暖暖地，一啖入口有冰火交融嘅感覺。
買一送一訂座優惠：（按此）
金金日式燒肉店（銅鑼灣） 指定餐牌 半價
圖：餐廳以木同灰色為設計主軸，環境優雅，食物則主打鹿兒島、佐賀、澳洲黑毛和牛唔同部位，其中鹿兒島極上黑毛和牛盛合，一份有齊西冷、肉眼、一口和牛、和牛肋條同厚切牛舌。另外亦提供唔同口味，好似特級牛肋骨肉就有燒汁、果味、香草牛油等，令燒肉體驗更多元化。
指定餐牌5折、主餐牌8折訂座優惠：（按此）
一杯屋（銅鑼灣） 串燒類買一送一
圖：嚟到呢間日式居酒屋，可以享受一系列炭燒美食～餐廳選用燃燒時火力穩定嘅備長炭，以猛火燒製日本雞肉串燒，如雞皮、雞橫隔膜肉、雞心等；如果你係牛魔王，則可以一試牛肉京蔥串同牛舌串，肉質鬆軟，好啱佐酒！
買一送一訂座優惠：（按此）
更多網上訂座優惠餐廳：（按此）
