出街食飯點先最抵？即刻跟實每月至抵優惠 Book 枱食飯、用抵食餐飲券堂食／外賣自取，就可以擸盡著數啦！
今期外賣自取優惠以亞洲菜做主打，一齊睇吓邊間啱心水啦～
時代冰室（全線分店） 指定食品8折
新式茶餐廳，供應超多樣化嘅亞洲美食，如港式蔥油飯、日式蛋包飯、中式小菜、西式沙律及傳統港式茶餐等，啱晒唔同口味嘅朋友。幾推介江南OPPA部隊鍋，配料超豐富又香辣濃厚，食完好滿足。醬燒豚肉微辣風味冷烏冬幾清爽，醬燒豚肉好惹味，熱辣辣嘅夏天食就啱啦。
新泰東南亞餐廳（全線分店） 指定食品8折
主要供應泰國、越南、新加坡同馬來西亞地道菜式，廚師來自泰國，擅長以時令食材炮製各款東南亞地道美食，味道正宗。肉碎生菜包豬酸酸辣辣，包埋生菜食好清新，作為開胃菜就最好不過。食泰國嘢又點少得金邊粉，呢道泰式蝦炒金邊粉啲蝦大大隻，爽口彈牙又鮮甜，金邊粉嘅麵質都好爽彈，味道甜甜地配埋花生碎幾有層次；泰式燒春雞釀香茅黃飯燒得好香，值得一試。
616牛肉火鍋專門店（全線分店） 指定食品75折
牛魔王打邊爐，當然要食多幾款唔同嘅牛肉部位先滿足啦～呢間港、九、新界都有分店嘅牛肉火鍋專門店，唔只有本地新鮮手切牛肉，仲引入咗日本、加拿大等地嘅靚牛肉，以及肩胛翼板、牛駝峰、匙柄、滑尾龍等坊間少見嘅刁鑽部位，讓大家一次過試到多種口感。湯底方面，香甜嘅牛骨清湯可突顯牛肉嘅鮮味；而青花椒辣鍋則可減輕油膩感，香辣滋味令人更加開胃啊。
車水堂車仔麵（中環） 全單8折
中環新開嘅車仔麵店，呢區嚟講性價比幾高～除咗可以自由選擇都有供應一啲受歡迎嘅指定配搭，如招牌麵包括秘製辣魷魚、滷煮豬腸、爽脆豬皮、牛腩及蘿蔔，魷魚爽口，配埋秘製醬汁食幾夾；牛腩同豬腸都入味軟腍；蘿蔔鮮甜無渣。想食健康啲佢哋都有呢個健康套餐，菜底配蘿蔔、雞翼、滷水蛋、韭菜餃及爽脆豬皮～
九號飯堂（荔枝角） 指定食品8折
荔枝角商業區新開嘅茶餐廳，主要供應港式美食。必食皇牌焗豬扒飯，豬扒大大件，肉質有咬口得嚟唔會太腍，焗得好香口；醬汁酸甜適中，配埋炒飯底真係無得輸。另外悅和豉油雞都推介，味道甜甜鹹鹹好惹味，雞肉滑嫩又唔太肥。仲有供應招牌咖喱飯系列、焗飯系列及特色今日出糧食豪啲系列添，啱晒附近嘅上班族。
2024年8月22日或之前於「邂逅亞洲滋味」指定餐廳落單實付金額滿$50，仲可以用埋優惠碼「ASIA」，額外減$10!
仲等？按此立即落單
ASIA: https://www.openrice.com/info/takeaway/tc-ASIA.html
外賣自取就係唔使等之餘仲要有折呀，有時真係抵過堂食！今期優惠餐廳包括西餐廳、創意叉燒專門店、平民星馬菜、山西刀削麵及藥膳湯粉麵店～
意粉狂熱（全線分店） 全單8折
西式意粉專門店，主打意粉、薄餅、沙律、小食同燴飯等。佢哋嘅套餐都幾抵食，如2人套餐（折扣後低至$158.4）包括一份小食、一個薄餅、一款意粉及兩杯飲品。人氣菜式有精選海鮮蒜香蕃茄意粉，利用蒜味帶出海鮮嘅鮮甜，番茄令到成道菜更清新；黃金四重芝士披薩（配蜜糖）都值得一試，香濃鹹香嘅芝士配上香甜蜜糖，愈食愈上癮！
新潮叉燒外賣店，叉燒飯唔係好似平時咁用傳統白色飯盒裝，而係改用放大版嘅咖啡杯盛載，最啱grab and go！店家仲細心咁一層飯一層肉鋪入杯內，保證每啖都有餸啊～而燒味中必食嘅梅頭豬肉叉燒，係小店自家製作，用中式醬醃製再慢煮，食落微焦軟腍又入味，配上菜飯帶有一絲絲清甜感𠻹；另外仲有WOW焦蜜烤雞菜飯可供選擇。
星洲總廚（大角咀） 指定食品8折
平民星馬菜，款式多樣化性價比，啱晒無飯一族～星加坡椰汁咖喱豬軟骨飯好香濃，咖喱唔會太辣同時充滿椰香，豬軟骨炆得軟腍入味；想清啲嘅可以試吓香蔥檸檬草雞肉太陽蛋飯，雞肉帶有淡淡香氣。另外招牌厚切8安士豬扒飯配星加坡咖喱同埋珍寶海鮮大燴叻沙都好受歡迎。
經常大排長龍嘅刀削麵專門店，有供應湯麵、熱拌及涼拌麵，可以自己揀餸、麵底同辣度，麵底當然推介大家揀刀削麵，口感好彈牙而且好薄身。呢排咁熱梗係要試吓冷拌手撕雞刀削麵，已配有青瓜絲、芝麻沙律醬同擔擔醬，香濃惹味。小食方面推介藤椒魚皮，魚皮爽滑彈牙，藤椒香氣突出。
醉藥雞（全線分店） 全單8折
主打足料砂鍋雞湯麵嘅餐廳，啱晒想食得健康啲嘅朋友～招牌砂鍋醉藥雞 (煮雞酒) 生滾麵，雞湯熬過夜煲成足料雞湯後，加入糯米酒、紅棗、雲耳、淮山煮成雞酒，酒香同雞油香都好突出，雞肉選用三黃雞，嫩滑又唔肥。砂鍋雞湯翅生滾麵都好真材實料，另有砂鍋人蔘雞、砂鍋雲吞雞及砂鍋胡椒豬肚雞等供應。
2024年7月18日或之前於「抵過堂食價」指定餐廳落單實付金額滿$50，仲可以用埋優惠碼「TAS10」，額外減$10!
仲等？按此立即落單
TAS10：https://www.openrice.com/info/takeaway/tc-TAS10.html
美食有咁多款，想試多啲梗係要精打細算用盡優惠啦，今期餐飲券有各種現金券優惠啊～
Restoran SAYA（大角咀） $100現金券 5折
圖：慕容有兒
菜品有質素又IG-able嘅必比登推介餐廳，佢嘅招牌泰北菜惹味得嚟有特色，例如泰北咖喱金麵、伊善炭火燒牛肉都係人氣款式，前者香料味道層次豐富，唔會過辣；後者香嫩富肉汁。
5折餐飲券：（按此）
想甜嚐甜（大角咀） $100現金券 5折
圖：Tea time或宵夜時段，食甜品都係唔錯嘅選擇。呢間地區小店就有各式各樣嘅甜品喇，窩夫、心太軟、刨冰、雪山等都可以喺度揾到㗎～
折餐飲券：（按此）
更多餐飲券優惠：（按此）
預早訂座可以慳返等位嘅時間外，仲可以有額外訂座優惠，撳個掣就搞掂。
Bilibala Yakitori Bar（銅鑼灣） 白葡萄酒煮青口 $1 
圖：Koey.hsu
每枱限一碟嘅$1優惠，係一份白葡萄酒煮青口呀～青口清新鮮嫩，啱晒嘆招牌串燒前做開胃菜啊。
$1訂座優惠：（按此）
千代鶴（銅鑼灣） 是日發辦串燒5品 $68
圖：是日發辦串燒5品，只係$68咋！雖然每枱限換購一次，但獨食或2、3個人開心share都唔錯，有滋味啲不妨加配清酒、刺身等。
$68訂座優惠：（按此）
燒肉ONE（銅鑼灣）指定餐點 半價
圖：以一人燒肉為主嘅日式燒肉店，供應多款牛肉、豚肉等套餐，包括日本A4和牛、澳洲安格斯、鹿兒島豚五花，想單點追加分量亦得，方便你按心水自由組合。
5折訂座優惠：（按此）
更多網上訂座優惠餐廳：（按此）
