好味而地點隱蔽的食店往往有一種特別的吸引力，好像位於市政大廈熟食中心內的小菜館，前身都是舊式大牌檔，「上樓」後環境改變，但菜式仍保留大牌檔風味，以下數間食店更是熱門之選。
 Photo by（ New Come） | 得獎總廚坐鎮 銖記 食鮑魚、魚翅不一定要到大酒樓，跑馬地的銖記就是炮製這兩種食材聞名，獲得多個國際廚藝獎項的總廚輝哥不會因為食店地點而將貨就價，鮑魚堅持用鮮鮑，魚翅用上群翅及脊仔，質優而價錢相宜。 咪呀：個雞燉翅一鍋，好似係268蚊，一大鍋，3個人，食唔曬咁滯~真係好夠火喉，D湯好清，好香雞味，D魚翅一梳梳，正正正！ New Come：菜膽翅湯清甜多翅(雖然係翅邊)，六十幾無complain啦。環境唔使講啦，好在夠冷氣夠乾淨。 |
 （Photo by 丁丁丁） | 跑馬地明星飯堂 嫦記 |
 （Photo by Katrina-Yu） | 晚晚旺場大牌檔 東寶小館 每次去東寶食飯都覺得嘈吵，因為每晚人山人海，出名到連日本雜誌都有介紹，招牌菜包括大肚婆炒飯、風沙雞、炸南乳豬手、荷葉飯、豉油王炒麵等，最令人印象深刻都是用「戰鬥碗」飲啤酒，特別有氣氛。 啤龜：鴨汁荷葉飯－好香好入味的荷葉飯，鴨汁不大嚐到．好大包飯，超大奇大，食剩打包返到屋企都要用兩大個盒裝住 Katrina-Yu：人人都知東寶用啲雪凍咗嘅碗嚟飲啤酒……真係零舍不同……好鬼好feel。 |
 （Photo by 28歲） | 馳名海鮮小炒 榮記(東成)飯店 鵝頸街市是全港首個設熟食中心的街市，裡面有數間小炒店，當中以榮記最出名。 不少客人愛在這裡吃海鮮，老闆每日親自去附近街市入貨，菜式價錢平選擇又多。 ahmeme2000：辣酒花螺$38──螺爽口，約有20隻，呢個價錢自己在街市都買唔到啦，可惜沒有粉絲，唔係就仲正。 28歲：$48個蒸蟹飯，個人覺得好抵食，雖然不是糯米飯，但炒底飯再加咸蛋蓉"釣"，又有另一種感覺。蟹就正常size，實肉多膏，有Ｄ睇頭。 |
 （Photo by DragonFire） | 創意油炸菜式 金沙角大牌檔 有20多年歷史的大牌檔，除了一般有鑊氣的小炒菜式，老闆娘不時與大廚研究新菜式，其中油炸菜式特別受歡迎，例如墨魚脆波波，墨魚肉釀有芝士餡料，外層蘸滿炸得香口的杏仁片。 DragonFire：蠔餅沒了蔥粒和芫茜，師傅便放了額外的白胡椒粉來驅走睲味。蠔仔份量頗多，也有鮮味，驚喜的是一貫連帶的蠔殼今天完全不見蹤影。漿粉今天也調得不錯，沒有過厚或過稀~ hihicathk：墨魚脆波波$58──成個都係用墨魚打成嘅，外面用杏仁片包住嚟炸。墨魚肉熟得嚟而杏仁片一啲都無燒焦，都算大廚手藝幾好。 |