抗疫期間，當然要食多啲有益又營養嘅食品增強免疫力喇～牛油果一向都被譽為Super Food，有極高及全面嘅營養價值，含維他命 E有抗氧化功效，而且大部份都係不飽和脂肪，對身體有好多好處㗎。香港都有唔少餐廳供應以牛油果為主嘅餐單，仲有好多意想不到嘅配搭，有時lunch想食得light啲都係一個唔錯嘅選擇。
倫敦過江龍 Avobar
來自倫敦牛油果主題餐廳，相信大家都唔陌生。餐廳係全球首間海外分店，全部菜式都以牛油果入饌。招牌菜式包括牛油果特色漢堡及終極牛油果多士等等，最近仲因應夏日，推出咗幾款新菜式，夏日風味沙律(素食)、Avobar雞肉飯、和風雞肉牛油果多士及香草牛油果杏仁奶昔，全部都好清新！夜晚六點後買外賣仲有得平呀～
牛油果迷必到café Athletic Juice & Espresso Bar
圖: 最吸睛係佢哋嘅招牌飲品牛油果latte，先將牛油果果肉挖出壓成果蓉墊底，latte以牛油果果殼盛載，再放上牛油果蓉上，啱晒牛油果控「相機飲先」。而Avocado toast香脆得來又鬆軟，仲帶有淡淡蜜糖味添。
連鎖素食店 Green Common & Kind Kitchen
呢間連鎖快餐店Green common嘅升級版未來漢堡 Plus，加入未來漢堡扒、新鮮番茄、生菜、細滑嘅牛油果及拉絲純素 Daiya 芝士，純素食者可食用！而呢兩款牛油果食物就喺旗下新開嘅Kind Kitchen供應，未來牛肉墨西哥脆片將牛油果醬同莎莎醬淋喺墨西哥脆片上，配以混合惹味香料嘅未來牛肉醬，每啖都係濃濃嘅墨西哥風味。仲有滿滿牛油果嘅牛油果超級碗！溫馨一提Kind Kitchen因應疫情關係暫時休息，可以Bookmark定遲啲再去！
花草主題咖啡店 鳥語 Floom Floom
圖: lankiman6330
尖沙咀樓上咖啡店，有唔少「打卡位」，如呢個led燈文字水泥牆、木造榻榻米位置。主打和風洋食，亦有供應幾款牛油果菜式，沖繩 · Taco飯加入牛油果、墨西哥肉醬及Nachos，大量沙律菜可以中和膩感。牛油果 · 溫泉蛋多士都係必點，一份就鋪上滿滿牛油果，另一份就加入溫泉蛋，咁就可以試晒兩款配搭喇。
自家製牛油果雪糕 Verde MAR
圖: RheaChim
呢間墨西哥菜由墨西哥大廚主理，食物正宗多選擇，同埋供應多款自創牛油果菜式！包括牛油果配粟米餅、炸牛油果條、牛油果蘋果Pancake及牛油果漢堡三部曲等，仲有呢個自家製牛油果雪糕，用上杏仁奶製作，口感幼滑，中間係模仿牛油果核嘅芒果醬，酸酸甜甜同牛油果好夾！
文: Yanica