今次隱世咖哩系列，帶你遊走全香港，尋找其他隱世咖哩餐廳，食出好滋味！
印度皇Basmati (Taste of India) (上環)
「印度皇」是紮根香港接近十年的印度菜館，除了上環總店，仲有深井分店，食咖哩食到去深井， 一定有回味招牌菜同和引人入勝既地方。家鄉菜式，地道樸實，加上親民價錢，真係無得輸！餐廳另一特色是午市都有供應Buffet，務求要你食到滿足食到飽！採訪當日，坐無虛席，各路人馬齊集，有OL、學生、街坊和旅客，印證「印度皇」絕對是高性價無比的印度菜館!
Lamb Knee Masala 瑪沙拉羊膝
餐廳招牌菜之一，來自新西蘭羊膝帶有濃厚的羊肉味，但幾乎沒有羊羶味，加上香草調味和秘製配方烹調，羊膝炆至焾身， 輕易用刀叉把羊肉分離。咖哩香辣之中帶點蕃茄酸甜味，非常醒胃！如果不好辣既開飯仔女，可以跟餐廳職員溝通調節辣度，好窩心!
Pullau Rice 印度皇飯
Basmati 其實是印度種植白米，米身偏長帶有濃郁米香，口感比較不黏膩，含豐富維命B及纖維素，澱粉質含量亦較白米低，女士們食多點點都唔怕肥啦！先將Basmati浸水2小時以上，加入黃薑粉等醃料，煮焗15-20分鐘，香而不膩既印度皇飯就完成啦！
Saag Paneer Indian Cottage Cheese & Spinach 印式芝士菠菜
蒜頭先炒香再冷凍，加入菠菜 攪拌再烹煮，最後放上大大粒牛乳芝士，伴以Chapati (印度烤餅) 進食，味道不會過鹹，亦無菠菜既鐵銹味道。菠菜含有豐富的鈣、鐵、膳食纖維、胡蘿蔔素等營養，有補血，促進腸胃蠕動，延緩衰老和保護眼睛既作用。
Green Onion Nan 蔥烤餅
麵粉加入薑、蔥油等材料發酵2小時，放入傳統印度烤爐烤焗，烤爐用泥土做成一個甕爐，燃燒木炭來烤熟食物。新鮮出爐既蔥烤餅，外層香脆， 內層煙韌， 因為沒有添加牛油，所以零油膩感。不需額外點上醬汁，已經蔥香撲鼻，傳統印度人會以蔥烤餅代替米飯，伴以咖哩飽腹。
Tandoori Fish 香烤馬友魚
用傳統印度烤爐烤焗馬友，格外惹味！馬友混合印度香料、芥末、乳酪、黃薑、辣椒粉調味，別有一番風味！
Jo Jo Indian Cuisine (灣仔)
灣仔修頓球場後街附近，靜中帶旺，有另一間上樓既特色印度餐廳。開業至今已經34年，一直提供傳統印度菜色，以正宗印度香料及香草製作，風味十足，製作出濃郁滋味的家鄉印度菜。於午市時間，餐廳更提供buffet bar、set lunch等多元化選擇，啱曬香港人口味。餐廳環境設有梳化、卡位座，空間感十足， 舒服不侷促，於鬧市中都可以找到片刻寧靜用餐，實在不容易！
Jujeh Kabab 印式烤雞肉串
串燒一向是小編杯茶！而印式串燒初體驗，雞味濃郁，雞肉仍然保持嫩滑可口，因為經過特別印度香料醃製，不需點上醬汁，雞肉已經好入味！
Lamb Shank Stew招牌印度燉羊膝
羊肉炆至焾身易入口，配上印度香草和自家製配方， 咖哩辣度適中，忍不住食多幾啖！
Awadhi Murgh Dum Biryani 印度雞肉炒飯
令人有驚喜既菜色！印度米炒至煙煙韌韌，香口而帶有少許微辣，加上雞肉以秘製香料及乳酪調味，炒飯配菜伴以青瓜碎，感覺好fresh！
Butter Chicken 印度咖哩雞肉
顧名思義係用牛油烹調，但口感不油膩，香滑咖哩搭配印度烤餅一齊食就完美啦！
Mango Lassi 芒果乳酪奶昔
喝一口你會從此愛上！將鮮芒果、冰及乳酪打碎攪拌，充滿濃郁芒果肉，冰凍口感，不但解辣，而且酸酸甜甜，小編大愛!
灣仔修頓球場後街附近，靜中帶旺，有另一間上樓既特色印度餐廳。開業至今已經34年，一直提供傳統印度菜色，以正宗印度香料及香草製作，風味十足，製作出濃郁滋味的家鄉印度菜。於午市時間，餐廳更提供buffet bar、set lunch等多元化選擇，啱曬香港人口味。餐廳環境設有梳化、卡位座，空間感十足， 舒服不侷促，於鬧市中都可以找到片刻寧靜用餐，實在不容易！
Jujeh Kabab 印式烤雞肉串
串燒一向是小編杯茶！而印式串燒初體驗，雞味濃郁，雞肉仍然保持嫩滑可口，因為經過特別印度香料醃製，不需點上醬汁，雞肉已經好入味！
Lamb Shank Stew招牌印度燉羊膝
羊肉炆至焾身易入口，配上印度香草和自家製配方， 咖哩辣度適中，忍不住食多幾啖！
Awadhi Murgh Dum Biryani 印度雞肉炒飯
令人有驚喜既菜色！印度米炒至煙煙韌韌，香口而帶有少許微辣，加上雞肉以秘製香料及乳酪調味，炒飯配菜伴以青瓜碎，感覺好fresh！
Butter Chicken 印度咖哩雞肉
顧名思義係用牛油烹調，但口感不油膩，香滑咖哩搭配印度烤餅一齊食就完美啦！
Mango Lassi 芒果乳酪奶昔
喝一口你會從此愛上！將鮮芒果、冰及乳酪打碎攪拌，充滿濃郁芒果肉，冰凍口感，不但解辣，而且酸酸甜甜，小編大愛!
