十個女仔九個鍾意花，銅鑼灣有間日本料理最近大玩Art menu，碟碟都以花入饌，仲要係又睇得又食得嘅食用花，好鬼靚！

餐廳採用嘅食用花，全部都係嚟自本地農莊嘅有機水耕食用花，每日新鮮採摘運到。唔止樣靚，仲隻隻唔同味，好似青檸、wasabi味都有，可以配襯唔同食材。

講到最OP嘅，一定係呢度菜。成個月亮咁掛咗喺度又幾應節，用牛油果他他、蕃茄砌成底座，放上甜蝦蓉同風乾火腿，周邊仲有好多有機食用花同藍芝士忌廉汁做配襯，大飽眼福之餘食落亦清新醒胃。咁OP位喺邊？睇唔到但聽得到！呢道菜識唱歌㗎！一路食一路聽到啲音樂，聽真啲~ 係《月亮代表我的心》喎。原來係日本大廚喺呢道菜嘅底盤度放咗個音樂盒啊~ 好有心思！

食日本嘢點少得壽司同刺身？呢兩道菜式無論畫碟定擺盤都相當精緻，食落就發現原來食材上都有花過心機。壽司飯入面係混入咗墨魚汁，令到整嚿壽司嘅鮮味更突出。每件壽司頂亦有一棵食用花，赤貝上嘅係海露筍、三式吞拿魚上嘅係wasabi味、北海道海膽上嘅則帶有甜味，師傅話邊款花放上邊款壽司上佢亦有考究，以襯托出最鮮嘅魚鮮味。當然，壽司同刺身款式會照當日時令而定，未必每次都係同一款。

金目鯛他他本身肉質已經鮮美，油脂分佈平均，今次仲要浸喺呢個由日本甜薯蓉、西柚肉、青瓜同芒果汁調製而成嘅「湯底」度，悅目之餘，又加增咗一層酸甜嘅味道。碟上嘅紅色畫碟係紅菜頭汁嚟，而呢碟嘅食用花係有些微嘅辣度，過癮。

天婦羅鱈場蟹腳亦有型過人，大大條蟹腳，用鹹蛋黃醬包住外層，炸到香脆，搭多兩圈嘅日本紅黃椒。作為陪襯，紅黃椒亦做得幾到位，加上粒粒彩色嘅米通，口感更豐富。

 香烤黑碳牛柳

 養顏鮮魚奶湯

Btw，講開又講，而家去到9月30號經OpenRice訂座，6-8點嘅晚巿有全單85折優惠呀。

Kuro Japanese Cuisine
地址：銅鑼灣登龍街1-29號金朝陽中心2期Midtown 28樓

文、相、片：Kar