一提起跑馬地，大家會聯想到馬場及Happy Wednesday。12月6日跑馬地馬場有國際騎師錦標賽，未入過馬場嘅你，或者已經好鍾意賽馬嘅你，都要嚟湊熱鬧。
去到馬場，注意力除咗放喺各大名駒身上，亦可以搵靚仔騎師及代表唔同國家嘅美女國際大使影相打咭。今次，開飯仔試試轉移視線，帶大家一探馬場的另一面 — 告訴大家有關馬場美食的二三事，等大家下次入去欣賞賽事時，可以搵到「好食力」，隨時醫肚都無難度 ！
看台上的「滋味」風光：adrenaline
在跑馬地馬場看台的2至3樓，有間佔地兩層的高雅餐廳adrenaline。餐廳主打主題自助餐美食，走時尚優雅的格調。場內設有自助美食吧枱，主題美食畀你慢慢揀；同時間，又可欣賞駐場歌手即席大獻好歌。在緊張的賽事進行期間，更可「行多一步」，在露台直擊賽事決勝的關鍵時刻，Bravo啊！
氣氛咁緊張，還好可以食件美食定一定神！而在接下來的12月6日，adrenaline更會推出「環球美食嘉年華」，多個國家的風味菜式傾力「演出」。務求令大家一邊睇賽事，一邊「味遊」多國咁話。
如果你未趕得切早點入場，遲少少都唔緊要！因為於晚上十點後，大家更可以免費入場。飲吓嘢、聽聽歌、睇埋尾場賽事激戰，傾夜啲都仲可以！
水牛雞翼配藍芝士醬 ：水牛雞翼貴為美式代表，它的亮點絕對是脆香肉質配以特調的藍芝士醬，越食越惹味。
檸檬撻：法式style的檸檬撻，面頭一浸綿滑的檸檬忌廉，拼以底層可口的撻皮，造型夠可愛，相機要ready！
忌廉薯仔龍蝦仔沙律：同樣咁「法國」的龍蝦仔沙律，帶有少許creamy的口感，爽脆清新有嚼頭。
Info
地址：跑馬地馬場聯合看台2-3樓
訂座電話：1817
普通跑馬地夜馬賽事：
每位HK$385
包括主題自助美食、特色飲品1杯和iRACE馬簿1本
主要賽事*：
每位HK$485
包括主題自助美食、特色飲品1杯和iRACE馬簿1本
* 主要賽事包括浪琴表國際騎師錦標賽 (6/12/2017)
馬場啤一啤：啤酒園
另一個必試的好食力，可以去到啤酒園Beer Garden。這個「garden」位於草地跑道旁，一邊帳蓬舖砌出開揚的美食角落，可以話坐擁觀賽的「靚仔」位置，近距離欣賞賽事，直接為參賽馬匹在旁大聲吶喊支持。
與此同時，啤酒園當然以beer為主打，提供多種口味的啤酒選擇。同場會有熱烈的live band演出，氣氛澎湃。可以一邊歎冰凍啤酒聽音樂，一邊直擊緊張刺激的賽事，十足十置身於國外的嘉年華一樣，好Relax！
除了歎啤酒，大廚亦會創製多個環球主題美食畀大家，一系列的精緻小食出場，睇見都心動！
焗英式早餐：英式的all day breakfast可能大家就試得多，然則香口的英式早餐批，大家又試過未？
美式炸熱狗：一人一支的炸熱狗，熱辣辣外脆內軟，冬天拎住食，十分過癮。
香脆免治牛肉蛋：除了Fish & Chips，澳洲風味的脆口小食，送啤酒同樣一流！
Info
地址：跑馬地馬場公眾廣場
贏取餐飲禮券及賽事門券
同大家「味遊」完多國美食之後，接下來的十二月，馬場上更會觸目上演世界馬壇年度壓軸盛事。《浪琴表國際騎師錦標賽》將於12月6日在跑馬地馬場舉行，為隨後於週日（12月10日）在沙田馬場上演的《浪琴表香港國際賽事》率先揭開序幕。
正如餐廳匯聚國際美食一樣，兩天賽事將雲集世界各地佳駟及騎師精英，參與國際騎師錦標賽及四場國際一級賽，爭奪世界草地王者殊榮。而其他的精采表演亦即將上演，在12月10日沙田賽事當日，浪琴表優雅形象大使彭于晏更會現身支持，同場更有張敬軒在綜合匯演中為大家獻唱；在四場國際賽事之後，更有壓軸的煙火匯演。相信定必令人心跳加倍躍動，百分百難忘！
如果你想一心二用，歎美食又想免費一睹精采的賽事實況，如今機會嚟啦！只要click上：https://goo.gl/YqevHw，答對問題，即有機會獲贈《浪琴表國際騎師錦標賽》及《浪琴表香港國際賽事》的免費賽事入場券和價值超過$135的啤酒換領券及精美禮品。一個動作，大「飽」眼福！大家快快叫埋朋友一齊，立即行動啦！
有關賽事及入場禮遇，請瀏覽：http://campaigns.hkjc.com/hkir/ch/?cid=OSXXOAA_1718HKIR_OPENRM
特約分享：香港賽馬會