\r\n這間上環分店比前兩間更具派頭，全店以開揚式設計，一目了然。牆上掛滿了澳門的風景畫，大門則更有一幅大壁畫，充滿地道豪邁之氣。\r\n

\r\n至於問到如何醃製豬扒，甘先生就猛話秘製唔講得，只透露是用「肉眼扒」。既然唔講得，最好就親口一試……麵麭爽脆、咬落唔韌、肉有纖維、醃得入味、肉質鮮嫩、洋蔥香口，不得不試！
不過大家不要誤會這裏只得豬扒麭正斗，其實連中菜小炒都頂瓜瓜。師傅便很快弄好了兩道招牌澳門菜：「特級泰式煲仔翅」（$128，可選配白飯、伊麵或豬仔麭）及「招牌軟骨皇子鴿」（$38）。\r\n「泰式煲仔翅」用原塊魚翅和原隻大蟹配冬菇成煲上，再將伊麵浸進滾熱辣的魚翅湯中，真係至高享受。\r\n

\r\n「軟骨皇子鴿」則每日由專人到鴿場精選，保證新鮮。隻鴿燒得卜卜脆，金黃肉嫩，可與燒味專家相提並論。\r\n

\r\n（請留意價錢全以8 字尾，新張誌慶當然要講意頭啦！）
仲有三款地道葡式主菜，各食家萬勿錯過。「葡國咖喱炒蟹」（$88）和「咖喱牛腩」（$38）都是嗜辣佳選，多吃幾件您便開始大汗淋漓。至於咖喱調方，甘先生又話秘製，想知咖喱如何香辣就要親嚐喇！\r\n

\r\n最後一道「澳門焗葡國雞」（$48），怕辣朋友就唔駛怕了，皆因這味菜十分香口，葡汁味濃，雞肉亦不老，用煲仔上，別具風味！\r\n

\r\n一連介紹了多款美食佳餚給大家，希望各位吃得消啦！以後去到「澳門茶廳」，咪以為只得豬扒包食咁大鄉里喇！