10月份澳洲牛奶公司跑出奪取好評榜十大的冠軍，緊隨而至的有不少新上榜餐廳，其中鯛魚燒專門店及薯條專門店甫開業便成功上榜，看來在經濟不景氣下，小食店首先跑出了。
（Cover Photo by 咖哩飯）
| 排名 | 餐廳 | 好評減劣評數目 |
| 1 | 澳洲牛奶公司 | 22 |
| 2 | 時新快餐店 | 18 |
| 3 | 愛爾蘭瘋薯 | 17 |
| 4 | The Taiyaki: Crispy Hot Sandwich | 16 |
| 5 | trattoria NOBILDUCA | 14 |
| 6 | 勝香園 | 11 |
| 7 | 雅苑座 | 11 |
| 8 | 萬家燒餅皇 | 10 |
| 9 | 愛爾蘭瘋薯 | 10 |
| 10 | 金船長餐廳 | 9 |
*排名機制：以當月的笑臉減去喊臉食評數目計算，如結果相同再按笑臉數目以及當月餐廳所得的平均得分排名。
注目上榜餐廳
（Photo by 咖哩飯）
時代廣場對面的章魚丸店最近變成鯛魚燒店，源自日本的鯛魚燒傳統只有甜味餡料，這間新開的鯛魚燒專門店卻以鹹鯛魚燒做主打：意大利番茄醬風味、德國芝士薯仔味及印度咖喱味，而甜味沒有紅豆或吉士，換上法式肉桂蘋果口味，甚有新意。
咖哩哩：要了一條法式魚，玉桂蘋果+吉士果然搭配，但略嫌玉桂不桂不夠，即燒是十分香口軟脆，吸引到不得之了，好味!! (如果新鮮製成)
咖哩飯：魚仔餅的外皮是麵粉造的，不太厚而脆脆的，很好，法式蘋果吉士有很香的吉士和蘋果肉，軟軟溶溶，很好味，意大利魚仔餅內裏有香濃芝士和芝士腸很是特別。魚仔餅的內涵軟軟、芝士溶化，很正。
Ker BB：The amount of cheese mixed with the sauce is just right, not too much and not too little and it goes very well with the tuna fish and the sausage making it taste like pizza i think it taste even better very very good.
（Photo by 有大食大）
10月份OpenRice與主張慢食主義的trattoria NOBILDUCA合辦Tasting Dinner，結果好評不斷，出席的會員都藉著食評表達他們的食後感，當中以煙威三文魚、蒜欖油辣椒意大利粉及青檸蜜糖醃香蕉配酸忌廉最為食家欣賞。
JNT：經餐廳煙薰過的三文魚，外層較熟，內裡半生熟，帶有微微煙薰香，不是那種日式的肥美鮮甜口感豐富，而是一種入口輕輕滑嫩的怡人。
有大食大：ND蒜香欖油辣椒有機意大利粉，這個菜是餐廳的招牌菜，一上枱時已經聞到濃烈的蒜蓉味，原來是用生蒜頭做的！每條意粉都沾了橄欖油和蒜蓉，入口的味道帶辛辣，很正！意粉是al dente，很難得的正宗！
Lanna：青檸、蜜糖醃香蕉跟酸忌廉，係有驚喜既甜品!睇個名好似唔太特別，但佢食落口個種酸甜既感覺真係好refreshing！香蕉跟左青檸同蜜糖之後即刻無曬漏既感覺，個sour cream如果可以再酸d頌好！
（Photo by mrscalculator）
帝苑酒店的雅苑座向來是自助餐排行榜的常客，10月份的好評數量更令它擠身好評十大。10月份的好評不少是盛讚其Lunch Buffet，由於餐廳引入日光的設計，令環境特別開揚，而且食物選擇多，廚師即場調製沙律、即切海南雞飯、日式串燒檔及多種口味的Haagen Dazs雪糕都獲食家讚賞。
mrscalculator：熟食中西式都有～有即煮意粉，東風螺，一籠籠點心，又有即煎西冷牛肉！仲有出名嘅海南雞！好新鮮！甜品係主打，有朱古力FOUNTAIN，D蛋糕仲會不停換款，同埋一比人拎晒D，廚即刻拎出黎加。
飯糰：最值得推介嘅係冰皮朱古力呀，我一個人食咗2件咁多呀...好有創意嘅一款甜品，冰皮好煙un，朱古力夠滑夠濃，而且仲有朱古力脆脆喺裏面，多重口感，ichiban，嚟到唔食返幾件，真係走寶……
為食豬~(^(oo)^)~：串燒 - 新加嘅串燒counter，有蝦，帶子，牛肉，冬菇，墨魚咀等等由師傅即燒，其中燒蝦及燒牛肉超級好味，尤其是燒牛肉，入口即溶，配埋d燒汁芝麻一齊食勁正~~
（Photo by aunt0103）
位於旺角的萬家燒餅皇由土家燒餅起家，然後研製出燒餅皇、武大郎、淑女餅、牙擦酥、龍鬆卷、麻婆撻等款式，10月份的好評分佈很平均，每款餅都有捧場客，其中更有食家讚賞較少人留意的菠蘿奶奶及菠蘿叉燒包，下次可以一試。
雙日：武大郎真係幾好，啖啖肉，食落唔少肉汁，非常滿足。兩個燒餅都比我想像中大份，我食左兩個基本上可以當一餐飯，女仔食一個應該都太大。
aunt0103：淑女餅 - 細細個，但唔可以睇小佢，皮薄薄的，粉粉既感覺，好多料，啖啖肉，有炸菜，蔥，我買時係熱辣辣，好好味，食完無口乾。
=架架麵=：老公仔試了出名的牙擦酥……正!!!個皮係口內鬆化到散晒出嚟，豆沙餡好甜又好較綿綿的……而我就試了菠蘿奶奶好味！內有奶皇，不錯呢，如果熱食會更好呢！
（Photo by 糕糕糕）
愛爾蘭瘋薯曾經打進每月好評榜十大，但這次位於榜上第九位的是新開的旺角分店，一開業又引起薯條旋風，旺角店同樣人頭湧湧，不過旺角店的面積比銅鑼灣店大，買票付款後等薯條的位置可直擊薯條的誕生過程。
cyprus：薯條即叫即炸，攞上手個杯都仲係熱辣辣，但係食落又唔覺好油喎……蜂蜜介辣就好好味……真係好食到唔停得口呀~~~但係食完會覺得好漏……
姚東師傅：先試下瘋薯，薯仔味道好香，炸得脆口，又唔會勁更實的的，而蜜糖芥辣甜甜地，芥辣味又唔會過濃，都幾好味呀，而蜜糖芥辣又唔會好似酸忌廉凍冰冰，加上又唔會好大pat醬，唔錯啦！
為食不甘後人：粗切薯條全部即點即炸，金黃香脆，外邊留薯皮一層更吸引。混以肉醬，車打芝士或酸乳則風味更佳。一個人食或嫌太膩，但三五知己分享則比拮拮拮的路邊攤更乾脆利落。