疫情緩和晚市又開返，好多人都即刻報復式出街食！但唔少人仍然唔敢鬆懈，堅持於家中用餐先安心，但餐餐煮都唔係辦法，有時買外賣都係唔錯嘅選擇。今期繼續介紹多間外賣優惠餐廳畀大家，有創意點心專門店、台式便當、人氣中菜、台式茶飲及川式粉麵，有好多指定菜式都係$28，一定有一間啱心水！
飲茶 (中環) 指定食品52折
想跳脫傳統嘆返一盅兩件，就可以試試呢間人氣新派點心餐廳喇，三款人氣點心通通都係$28就食到！鴿吞鳳梨其實就係鳳梨酥，以可愛嘅雞仔造型呈上，好可愛，口感方面外皮都好酥脆又唔太甜。「一籠八戒」同「睇住流奶」造型都好吸睛，前者係鹹鹹甜甜嘅叉燒包，而後者係流沙包，鹹蛋同奶皇嘅味道好平衡，而且一定流心！
士林·便丼達人 (黃大仙、柴灣、灣仔) 指定食品低至45折
仲未飛得又掛住台灣的味道？呢間台式外賣店口碑都唔錯，主打一系列手工台式便當及小食，如紅燒雞翼手工便丼套餐，已經包括兩款台式前菜、自家燉湯水、主食、手工台式甜品，紅燒雞翼香濃惹味，真係好抵食。鍾意香口嘢就可以試吓香酥排骨手工便丼套餐，香酥排骨炸得好香脆，仲充滿肉汁，想再台灣味啲可以加配滷肉或肉燥配飯添。
力寶軒 (金鐘) 指定食品低至41折
主打正宗潮州菜嘅餐廳，鹵蛋滑豆腐、涼拌黑木耳及陳皮蒸牛肉球都係$28！涼拌黑木耳夠晒開胃，買返屋企做前菜就啱晒。鹵蛋滑豆腐嘅滷水汁做得唔錯，藥材味唔會過濃，鹹甜適中而且入晒味。陳皮蒸牛肉球嘅陳皮香氣好足，配埋牛肉球真係好夾。另外餐廳仲供應多款點心同小菜㗎～
小黑糖 (尖沙咀、中環、葵芳) 指定食品54折
嚟自台北嘅人氣茶飲店，大部分原材料都從台灣運到香港，保證飲到同台灣一樣嘅味道呀。而家買外賣仲可以用$28買到兩杯飲品，分別係桂花烏龍 (中杯)+ 荔枝烏龍(中杯)及百香綠茶 (中杯)+草莓多多綠茶(中杯)，款款都好清新又唔會過甜，個個都啱飲呀。
川亭 (天后、灣仔) 指定食品72折
鍾意食辣嘅朋友有福了，呢間位於港島區嘅川式小店主打多款粉麵，如四川擔擔麵好惹味，花生醬味都幾突出。重慶酸辣粉酸酸辣辣好開胃，而且酸同辣都恰到好處。重慶麻辣小麵就啱晒鍾意麻香嘅朋友～以上三款都可以自行選擇辣度同麵底，想食豐富啲仲可以加埋配料㗎～
買開外賣嘅可以用埋呢個全新$28齊齊食優惠，輸入優惠碼「HALF」#或「EAT28」#， 前者消費滿$60減$30，後者消費滿$50，額外減$10！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
#$28齊齊食優惠：
HALF: https://www.openrice.com/info/takeaway/tc-HALF.html
EAT28: https://www.openrice.com/info/takeaway/tc-EAT28.html
