5大周末早午餐Brunch推介海鮮烤肉主題、日式小食放題、無限粉紅香檳

美好的一天由美好的早午餐開始～試諗下放假嘅時候瞓到自然醒，然後去食個豐富嘅早午餐係一件幾幸福嘅事！今次介紹5間有供應brunch嘅餐廳畀大家，有海鮮烤肉主題、無限暢飲粉紅香檳早午餐、90分鐘任點pizza、日式小食放題同露天泰菜，各有特色～

海鮮烤肉主題 SKYE

呢間海景餐廳推出全新海鮮及烤肉周末早午餐，供應多款美食、任飲特色雞尾酒同香檳套餐！早午餐包括海鮮拼盤2人份、前菜法式海鮮濃湯配烤章魚及辣肉腸，香煎鴨肝配烤蘋果及果醬等。主菜選擇包括烤美國牛肋骨、鹽焗原條海爐魚、澳洲羊架或紅酒慢煮Westholme和牛頰肉，慢煮牛頰肉牛味香濃仲好軟腍，推介～甜品方面可以無限任食招牌蛋糕、朱古力同自家製雪葩，啱晒甜品控。仲可以加錢享用無限暢飲套餐添。

供應時間：週六、週日和公眾假期中午12:00至下午2:30

任食意大利手工薄餅 The Pizza Project

意大利手工薄餅專門店推出嘅Giro Brunch，每位食客可享受一人份嘅前菜，包括各式冷切肉拼盤、香炸水牛芝士及意式炸飯球。然後當然係招牌Pizza，薄餅全部手工製作，麵團用六種唔同麵粉搓成，預先發酵一日，烤出嚟嘅薄餅外脆內軟，空氣感極重，食落輕盈，咁就可以食多幾件啦。口味包括辣肉腸薄餅、卡邦尼薄餅、四重芝士薄餅、黑松露火腿薄餅同甜品榛子醬薄餅等，加多HKD158可以享用無限量飲品～

供應時間：中午12:00或下午2:00時段

無限暢飲粉紅香檳 LPM Restaurant & Bar

一間時尚法式地中海餐廳，春天推出周末早午餐「La Vie en Rosé」。單係前菜已經有14款選擇，而且係無限量供應，如布袋芝士撻，自家製酸種麵包配新鮮大蒜、布袋芝士同車厘茄，清新開胃。想食傳統法式風味，可以試下法式蛙腿配香蒜蛋黃醬，沾上麵包糠後炸至酥脆，再配搭龍蒿香蒜蛋黃醬，香濃惹味。主菜都有魷魚墨汁意大利飯同香烤西冷扒等選擇～另有無限量供應粉紅香檳套餐，啱晒鍾意飲粉紅香檳嘅朋友～

供應時間：3月12日起逢星期日中午12時至下午5時

日式小食放題 OZAKAYA

圖: vanessafoodiary

灣仔居酒屋今年首推嘅Brunch，三小時內可以任食日式小食、一款主菜及及甜品。12款小食包括新鮮空運到港嘅刺身、天婦羅壽司蝦卷、辣蔥三文魚卷、肉質鮮嫩嘅和牛他他、唐揚炸雞及鹽燒雞翼等。每位客人可自選一款即叫即煮嘅主菜，當中包括由德島縣畜產研究所研發出嘅走地雞阿波美地雞、以非基因改造粟米餵養嘅北海道白金豚、魚油甘香嘅油甘魚鮫等，亦可升級至西京銀鱈魚、龍蝦天婦羅或和牛西冷，聽到都流口水。

供應時間：週六、週日和公眾假期中午12:00至下午3:00