金滿庭京川滬菜館 (奧海城二期)

營業中

休息中

今日抌低左兩個仔比婆婆，就落街去奧海城同老婆撐枱腳本來諗住飲茶，不過飲茶嗰間變咗午市自助餐，仲要好多樣嘢都冇，咁就揀過另一間食啦。都幾年冇嚟過金滿庭，因為之前好多時都要排隊，今日見冇乜人，就再試下啦不過總括來講食物係非常普通，完全唔知點解要排隊，以下係少少嘅食評餃子唔似自己包嘅炸白飯魚漿又好似用錯左，啲油又唔靚擔擔面嘅辣醬到似後加上去同埋我最唔慣嘅就係佢小籠包配嗰碟薑醋，佢唔係用薑絲，係用薑粒嘅⋯⋯⋯呢個價錢，我真係估唔到個質素咁差

一場嚟到奧海城二期， 行街行到腳仔軟， 又係下午茶時候！ 因為當中有老人家一起， 選擇中菜較為理想。 食開的金滿庭， 兩點半開始下午茶， 兩點十五分就開始派飛。 我兩點14分去到門口， 已經排緊飛， 仲要係排第23！ 但係入座都好快， 2點45分已經可以入座了！四喜烤麩，賣相吸味道ok， 不過盛載器皿有啲崩角。 排骨湯拉麵拉麵拉ok， 但係堍排骨就較為細及簿， 味道都還可以， 但係因為塊排骨豬扒太薄， 硬硬地乾乾地。 粵菜肉餛飩及北京水餃， 又大件又好味道！老人家話這間的下午茶餐牌同埋平時去開的那一間有些不同。都唔出奇， 客路唔同，口味唔同，消費都可以唔同。

最近大家為咗抗疫，我諗都少咗搵朋友仔聚下😖，小編也不例外。係疫情影響之下，食市人流明顯減少，所以今次親機會搵間寬敞啲嘅酒樓試下🧐。🎈山東手撕雞 $116本來見到呢度啲食物質素幾好，所以叫咗個山東手撕雞🐓試一試。原來係滷水雞啵😥，口感嫩滑既鬆軟，味道都算入味，下次我會選擇點其他菜😆。🎈排骨擔擔麵 $83正宗排骨擔擔麵🍝稍為一般般，勝在有成塊吉列豬排咁大嘅排骨食，醬汁有兩款，分別係泰式酸辣醬同椒鹽粉。湯底雖然有濃郁嘅花生香味，不過麵太淋同超多花生碎喇🥺。🎈一口小籠包 $52呢個小籠包聽講好多人客嚟到必點🧐，我都嗌咗一籠嚟試下。果然名不虛傳🤩，除左皮簿餡靚之外，點埋紅醋一齊食，感覺非常開胃😋，胃口大開，不過凍左啲皮會變硬，大家一定要趁熱食喔👍。

幾年後再來光顧，母親節陪媽媽來吃午餐，好彩拿到頭一輪飛，有位不用等。點了招牌的一口小龍包（5隻），熱騰騰，包皮厚薄軟硬適中，但中間沒有以前的小孔給我們加入醬醋，唔知道是否怕熱氣快消散，封咗小孔。不過肉質湯包配上醋，非常好味，一啖吃下去不覺油膩，醋味中和翻，唔會好飽。另外，點了和尚戴帽，個名好特別，原來是一大塊圓形的炒蛋蓋上下面的細嫩幼滑的粉綜配料有雲耳絲豆皮絲配薄餅或义子燒餅包起來一齊吃的，好玩又好食，可以加乳豬甜醬，口感豐富，素食者啱食。我們揀了薄餅一籠有七塊，薄餅軟熟，唔會熱得來有濕泣泣的感覺，感覺好味又健康。最後點多一款菜式，媽咪最讚的是排骨蛋炒飯，原來是廚師推介，果然無錯，排骨炸出來的完全唔肥膩，質感軟熟，蛋炒飯的真功夫，粒粒軟飯被蛋包著，好有飯香味，炒飯炒得好乾身，另有甜酸醬和胡椒，啱哂喜歡吃濃味的食客。由於吃得飽，甜品唯有待下次再來吃過吧！

今日約左住奧海城親戚一家飲茶, 勁暖心地一早拎定籌等扶老攜幼嘅我地唔使點等就有枱, 而且咁啱係「海景」位, 落地大玻璃個種, li度主打新派上海菜, 行精緻路線I Like it. ·一口小籠包8隻 (HKD68)正呀！係頭號必食上海名物小籠包🤩, 未食已經感受到湯包幾咁豐富, 識食一定係小心翼翼夾起, 用羹承住, 輕輕咬一小口吸唒啲湯先食個皮同餡, 皮超薄, 肉勁香, 推介！·春卷3條 (HKD46)細心阿姐幫我地中間cut半大家都有得食, 老實說原條食又太大條吧. 脆卜卜春卷皮一咬勁燙口.·肉絲兩面黃 (HKD106)估唔到係最受小朋友同阿b歡迎, 個麵炸到金黃脆身, 芡打得剛好俾豬肉芽菜菇鋪面而唔食食落濕溼溼嘅感覺, 一路食都脆卜卜熱辣辣, 芽菜夠爽.·擔擔麵 (HKD48)辣味, 花生醬味平衡, 湯底刺激味蕾得來唔會辣到怕怕. 麵質腍腍的, 好味.·花香玫瑰骨 (HKD102)甜甜酸酸嘅玫瑰骨, 類似咕嚕肉, 仲有菠蘿粒添.·上海菜肉雲呑 (HKD72)菜肉雲呑放清淡嘅蛋絲湯, 係上海好common嘅家常菜, 餃皮比小籠包厚小小, 餡料係爆滿的.·炸銀絲卷 (HKD36)搣開係

成日行過奧海城都見到呢間金滿庭排隊排到怕怕。今次生日飯，自己就挑戰同屋企人到呢度食。終於明白點解咁多人中意黎呢度食啦～第一個上菜的是招牌擔擔面，個人覺得d花生醬有d重，好容易濟。不過個味道真心不錯，好彩我地happy share, 所以覺得okay～第二個上菜的系奶油津白，剛剛食完擔擔面，見到都有少少怕怕。不過食落去，居然覺得d津白同d『芝士奶蓋』咁夾（利申：本人幾中意芝士sth）。所以呢個菜適合喜歡芝士的人點～然後d菜就一個個咁上～試到呢到的招牌菜——小籠包，果然唔錯。個皮薄得黎又唔易穿，裡面d湯又清唔濟～好食！辣子土雞煲 & 紅燒砂窩獅子頭 & 紅燒豆腐 好味～個味道配起黎好夾，個汁甜甜咸咸的～但味道偏重，所以最好送飯一起食～好有家庭菜的味道（如果無咁咸的話>,<）個辣子土雞煲個雞肉質嫩又彈牙～～最後上菜的是川式酸菜魚，同想像中的不同，居然唔系好辣，酸菜味就好出，因為真系好酸啊～好彩d魚好滑～～下次試水煮魚先得～keke～

聖誕節假期同屋企人去左奧海城的行下，屋企人想飲茶就隨意簡左金滿庭試下，等候時間不算太長點知入到去先發現點心時間己過就是但叫左小菜食下一口小籠包，熱啦啦$68 有八隻都幾抵食包入面既肉湯汁好吃醬料調得剛剛好，微辣 好惹味青瓜夠爽口五香金錢展有驚喜都係喜歡佢個醬料呢個蛋上面灑既粉 好香香燻味 但可惜唔係好食得慣夠哂清淡 每樣既菜都幾新鮮 入味想食得健康叫佢都係唔錯選擇另外仲叫左個清湯拉麵🍜，味道清淡得黎好好味總括黎講 食物幾有水準，每樣菜色都有特色，味道唔會太濃烈 不過價錢偏貴 下午都有得叫點憐就更好了

平時行過奧海城無論中午定晚市都人頭湧湧，就襯Auntie 鐘意食中菜，一行五人黎試下有咩咁特別。7點半黎到，始終係假日都等左半個鐘先入得，不過門口個知客都好nice，等都等得舒服d。一坐底侍應就介紹有咩茶，聽到'人參烏龍'即刻叫呢個，因為未試過。一飲落去無咩人參味，但吞左就去滲到d人參甘甘甜甜響口腔，幾清新，唔錯唔錯。餐牌都幾多選擇，唔怕無野岩食。睇完一輪叫左個四人餐加個飯同小籠包。首先係前菜兩小碟，雞絲粉皮同尖椒皮蛋，味道都幾好皮蛋都流心，但四人餐黎講分量就細左d！跟住係翡翠魚肉羹，待應好好幫我地分好五碗先上枱，一人都有滿滿一碗！唔腥仲有好多魚肉，魚肉又滑，清清地好好味。一口小籠包：話就話一口，但size都有普通既甘大隻。熱辣辣，皮唔算好簿好簿但隻隻都有晒湯汁，唔錯！椒鹽肉排：夠乾身！但鬆肉粉都唔少！呢個算係成餐最麻麻果樣。賽磅蟹：無左傳統賽磅蟹上面的蛋黃，但都保持到滑身又唔油，加埋瑤柱同蝦仁，撈到好多白飯食！蟹肉扒西蘭花：諗住叫個菜中和下d肉，但估唔到大大碟！又多蟹肉，抵食！鮑魚雞粒飯：呢個係另加的。有D似福建炒飯但換左鮑魚汁，整到成個飯都幾香濃。好快就食晒喇！食完正餐甜品上場，豆

有朋自遠方來,又有聞遠朋獨鐘小籠包, 所以一行五人決定到金滿庭晚膳.全晚共點了五道菜, 五人吃份量剛好: 首先當然是招牌菜《一口小籠包》, 實在無得彈, 皮夠薄, 肉汁多, 肉餡份量剛好,必點菜式!第二道是《賽螃蟹》, 蛋白同蟹肉瑤柱比較恰當, 唔會淨係得蛋白, 而且炒得夠滑, 美中不足的是份量較少,5人吃的話略嫌不夠再來是《雪菜肉絲炒年糕》, 賣相不俗, 由於自己鐘意食年糕所以期望甚高, 可惜年糕質地太硬, 令佢成為全晚唯一吃剩的一道菜《炒鱔糊》, 又是上海菜的招牌之一. 醬汁濃而不膩, 非常難得, 鱔肉亦爽口彈牙, 口感極佳, 連不吃鱔的朋友也開金口, 值得一點的菜式!俗語有云:《奶油津白》--- 最緊要夠滑! 這碟就做到了. 白滑的奶油配上清淡的大白菜剛好中和了前幾道菜的濃味, 很讚!整晚下來除了年糕稍硬, 其他菜式皆屬上品, 不枉友人預早排隊拎位. 辛苦晒=P 

今日係聖誕節，按照原定計劃:係奧海城睇完早場再去金滿庭食招牌小籠包^^開茶: 人參烏龍 (飲完一啖茶, d 口水係甜甜地 好得意)香茜泡羊肉+ 燒餅一口小籠包紅油抄手香茜蔥油拌麵一口小籠包係我必點的食物 : 金滿庭的小籠包- 皮薄餡靚，入面仲充滿著肉湯，熱辣辣再點小小醋一齊食(正)。目前為止，除左金滿庭我都搵唔到一間四十幾蚊可以食到咁好食的小籠包lu紅油抄手(10隻) - 紅油抄手d皮滑嘟嘟，甜中帶小小辣， 加埋D蒜蓉(一流)香茜泡羊肉+ 燒餅- 羊肉肉嫩，一d 都唔騷，加理d香茜比較清新，夾住香脆的燒餅一齊食(perfect)香茜蔥油拌麵-d乾蔥的確係好香，但係拌麵的話，我就覺得整體黎講比較淡味，所以我要用紅油抄手的辣汁拌先覺得ok

江山依舊，痛腳還在。是日又是覆診日，早早完事，還可有空找附近的老朋友聚聚舊。久久沒吃過金滿庭，因為無論早市午市晚市都很多人。以前在大角咀，金滿庭還未紅的時候已開始光顧，到後來名氣愈來愈響，就沒有再來了。友人提議來這裡，因為他們中午實在難搵位，我可以早點來，就先來坐下。先叫了茶，再等一下，友人來到，馬上點菜。先來一籠一口小籠包，印象中我第一次吃新派薄皮多汁小籠包就是這裡，比我到翡翠、鼎泰豐更早，所以某程度上，我是有情意結的。這裡的一口小籠包是依舊的皮薄多汁，真的好吃。我喜歡咬開頂部灌入醋的食法，味道更好。蔥油大餅不吝嗇，蔥和芝麻很多，吃下去咀裡都很有香味，但好像油益味多了點，而且再多點麥香就好了。流金歲月一客三件，我們三人一人一件剛剛好。我是第一次在這裡吃奶皇包，流心度很高，奶黃味也很香，很有驚喜，真的很想再encore多一次。上海粗炒無甚特別，而且配料大多是菜，還好不算油，不過就過於濃味，吃到最後只好「頂硬上」吃光。還好有招牌炒飯頂肚，配料的帶子粒、蛋花、蝦仁、蟹子都很足料，飯粒分明，炒得乾身，層次也分明，好味。最後午市還送陳皮紅豆沙，喝得出是mass production，甜度適中，

忙了很久，現在才將5月14日到奧海城金滿庭晚飯的照片放在電腦，再寫寫食評與大家分享。這晚相約了舅父舅母表哥表弟表妹們到金滿庭聚會，點了很多款美食，款款菜式的賣相都惹人垂涎，尤其是五福臨門，像全盒一樣，有燻魚、雞絲粉皮、蔥油海蜇、花雕醉雞和雲白肉。再來的菜式有：砂鍋雲吞雞－湯很清甜京蔥爆牛肉－惹味賽螃蟹糖醋魚塊－醒胃，我喜歡！小籠包－例牌必叫！紅油抄手－我還用辣汁來撈飯吃呢！高力豆沙－我的至愛！共吃了三個呢，好飽！杞子桂花糕－清香，不會太甜西瓜還有是日廚師推介（是魚，因我遲到，所以不知是什麼魚）值得讚賞的是這裏的服務員，很有禮貌，添水也很快捷（我很喜歡這裏的人參烏龍茶，有回酣味道）。架眼鏡的經理彬彬有禮，專業地向我們介紹菜式，招呼很周到，以誠待客！食物的份量也算是大碟頭，很抵食！非常滿意今晚的家庭飯局，熱熱鬧鬧的！呵！下星期我又來這裏為同事搞歡送飯局呢！期待下星期的來臨！

每次經過都見到人山人海，好似食飯唔使錢咁，這種情景令我有時想食而卻步。先講餐前小吃，是酸辣青瓜，不算太辣的。條條的青瓜純粹手切，不是手拍的，但手瓜幾爽口，更喜歡它沒有把青瓜核取走。素鵝最先來，餡料如冬菇確實爽口，外層炸得頗為脆口，又不失煙韌的感覺，一陣子就把它掃光；接著是熱呼呼的一口小籠包，一籠有八隻，打開蓋時仍冒煙的，十分吸引。人人話呢度既小籠包皮簿，我反而覺得皮不算太簿，但好在肉好有味，肉汁亦豐盈，是有水準的。和尚戴帽，餡料有炒蛋、粉絲、冬菇絲、芽菜等，閣下可以自便把餡料塞進叉子燒餅內。雞蛋是炒得幾滑，不過我覺得這道菜太乾太寡了，正宗京菜和尚戴帽不是應該有點汁的嗎？松子黃魚也不錯，魚肉夠鬆化，尤其是醬汁做得最好，酸甜味適中，醒胃之餘亦不會太搶喉。為不浪費醬汁，叫了一籠花卷，每人一隻。又是熱騰騰的蒸花卷，點黃魚的醬汁食，非常好。

六月八日(星期日)同老公等左一陣就有位!而且值得一讚既係佢地送d小食比等緊位既客人,其他食肆可以學學!!^^飲西湖龍井,茶味唔錯!!!唔係一d差既茶葉!.....首先黎個小食先!佢地比左個凍芝麻雞,都幾滑呀!主菜叫左:1)闊佬炒飯:有蝦有蛋白同埋傜柱,d飯炒得幾好,一粒一粒分開,呢d先係靚既炒飯!而且蝦好爽!用料唔錯!2)一口小籠包,有8隻,而且好多汁,好正!!!3)桂花斑腩,桂花味不算太濃,沒有漏遮石斑的鮮味,有高水準既石斑呀!!!!!必試其石斑之主菜,怪不得,很早石斑已經沽清!!!4)砂鍋雲吞雞(1/4):好彩有1/4選擇!好正呀!特別係雞,加埋佢d醬食,又滑,又有雞味,一點也不像是煲完湯既雞呀!!!!雲吞也不錯,滿是肉!!!個湯都ok!.....每人有3粒雲吞!下次都係多d人黎食好,因為佢好多野食都係適合好多人share既!!!!今次我地兩個都食到棒住個肚...........好似芝麻雞呀等等.....今日食左兩餐都好好食!!!住在大角咀的人有福了!