田中日本料理

營業中

休息中

元朗野食多依間日本餐廳都係超人氣等候時間分分鐘超過一個鐘佢十分之恐怖恐怖唔係在於佢嘅環境衛生服務味道等等恐怖係佢嘅份量一件壽司，一件刺身等於你出面幾倍軟殼蟹卷，喜歡軟殼蟹就會自然叫鰻魚炒飯，飽肚系列好多人都有叫，推介大甜蝦夠新鮮，夠甜，夠凍蟹子沙律都係偏大味道正常三文魚刺身唔記得左係普通三文魚定係三文魚腩不過正常人一定會叫三文魚腩肥好多，口感好好多份量大，味道正常總結，餐廳以量取勝深受屯元天學生街坊追隨可以外賣、唔洗等相信同堂食分唔唔大

前日我就去左呢間田中日本壽司店到食晚餐,其實我覺得總體黎講一般,首先我會逐一講下我食過咁多款入面最中意個款先呀,我最鍾意個個係火炙三文魚壽司,因為佢入口唔會太有黎,又大件,跟住我再講下我食過呢d壽司後ge感受。。。果個三文魚腩碎飯喺可以ge,OK大碗,但係竟然佢跟餐個個麵豉湯先係重點,湯竟然有蜆肉喺入面,而且啲蜆肉好彈牙,湯又唔會好鹹。三文魚刺身就麻麻地,冇乜鮮味,帶子壽司就乾咗啲,海膽刺身還好,冇乜異味,軟殼蟹反卷d軟殼蟹係比較林,鰻魚壽司還好啦,芝士鰻魚卷反而仲好食啲,啲芝士係會入口即融果隻,又唔會已經溶哂,ok, 三文魚火山卷就一般。 總括嚟講我應該唔會再去食，雖然唔係話難食，但係整體質素和真係好一般，如果你係話為飽肚想食壽司既話，呢間平平地的確可以係你以ge選擇,但係對於我求質又求ok飽肚已夠嘅人嚟講，我諗我會食其他。。

今日同朋友去咗元朗一間叫田中嘅壽司店，據聞呢度抵食夾大件，所以就黎試嚇。我同朋友嚟到嘅時候大概6:00門口已經有一大堆人在等位。等了大約10分鐘才可以入座，我們點了大大件嘅1️⃣三文魚刺身三文魚勁厚切，總共有六片都只係（$75），勁抵。見到這裏推介2️⃣三文魚火山卷，見到幾特別所以叫你試吓。三文魚卷上有甜蝦同海膽，全部都相當新鮮。3️⃣鰻魚壽司 - 鰻魚味道一般，比較乾身，沒有什麼醬汁。4️⃣明太子雞翼- 雞翼包全滿滿嘅明太子，脹卜卜，非常惹味。5️⃣丼飯6️⃣牛舌

夜晚去元朗食飯，都好多年無食田中，心血來潮想食日本野，男朋友又未試過，就帶左佢嚟開餐。仍然係齊人先入得，只可以食45分鐘。大約六點幾，都已經要搭枱坐。叫左個飯會跟個麵豉湯，個湯同平時無咩分別，但係料夠多，有成幾粒蜆，仲要都唔細粒架。加州卷，中規中矩。三文魚刺身，對我嚟講係必食，呢度嘅三文魚係極厚！大大塊，食落先滿足架嘛。呢度六片，平時餐廳應該會切成十片蛋豬扒飯幾好味，蛋夠多可以撈曬成碗飯。豬扒又幾大塊中意d洋蔥，好好味鰻魚壽司，真係好長，又唔會好薄特登影多張對比圖，同筷子長度差唔多。我地兩個都食得好飽，食物質素雖然無以前咁好，但整體都唔算好差

兩公婆放假入咗元朗行街，晚餐唔駛講一定係去田中食刺身同壽司啦。晚市五點半開始，我地六點幾去到門口，舖頭內已坐滿人，唯有在外登記等位，揀嘢食先。經驗話我知，唔可以揀太多，呢度出名大大件，以前叫得太多食唔晒，好浪費。等咗二十分鐘左右就安排入座。我地揀咗1.三文魚刺身(六片)$752.鰻魚壽司(兩件)$383.帶子壽司(四件)$644.海膽火山卷(兩件)$385.軟殼蟹反卷$48食材新鮮，兩個人食啱啱好，食飽飽，非常滿足。

第一次黎田中食飯，可能係星期六晚既關係，六點半門口已經堆滿人群，點完餐都等左15分鐘就入得，熟食比刺身同壽司黎得仲快，可能係因為大部份人都係嗌刺身啦。好大碟好抵食！超厚切三文魚，但冇乜味一樣大大件，但味道爭啲！又大件燒得又香，呢個無得輸！海膽新鮮，魚子夠香，吞拿魚同蟹肉就略為失色

壽司同刺身本身聽落去系好普通既食物，但如果有其他gimmick元素加落去就吾同講法，成件事會吾同左，今次食呢間壽司刺身店既gimmick就系巨型。先後叫左2件鰻魚壽司同埋6片三文魚刺身，聽聞鰻魚壽司系呢度既招牌菜，一睇到即刻O左咀條鰻魚既長度足足成個盒咁長！鰻魚肉質軟稔，食落去啖啖肉咁，比人感覺好豐富三文魚刺身相信吾洗多講了，睇圖就知有咩料到，每一片都系超厚！！！好鮮味，買相亦十分討好呀。開頭其實系諗住淨系叫3片刺身，因為諗淨系兩件鰻魚壽司加3片三文魚邊有可能飽？但食完就發現呢個諗法完全錯曬，其實一路食鰻魚壽司，一路食三文魚，食到第4片三文魚已經好飽～食食下亦不忘幫佢影番張大頭🤣

多得友人介紹，出去食日本菜。先嚟前菜蟹籽沙律，一送到嚟，超級大份，多人先好食！三文魚刺身，勁大件，厚片，勁鮮味~海膽火山卷，又蝦又三文魚又海膽，多層次滿足，蟹籽一路食，一路爆爆爆。鰻魚壽司長得過份，重點係長到你沒法一口吞，口不大的人，食得狼狽的。果然係肉汁肥美的牛肉粒，好想再食一串。一口炸芝士，晤係冷藏貨，係真係原粒芝士粒。要小心食，好易爆芝士醬。總括嚟說，值得再去。不過餐廳有限制，繁忙時候，45分鐘交台，真係諗好先入去食。晤係就浪費了45分，而晤夠時間去食啦。

起元朗行完山搵野食, 大西北朋友話呢間日本野好出名, 又平又抵食, 於是就黎試一試星期六既6:00pm 店外面已經有十幾二十人等緊位, 好彩等左20分鐘已經有位, 等位既時候已經揀左野食, 入左座冇耐就有等食三文魚刺身好厚好大塊, 而且幾肥美, 正!加洲卷作為一個食肉獸,自己一向唔係好鐘意食加洲卷, 不過呢度既加洲卷幾大件同抵食!火炙三文魚壽司比三文魚刺身用既三文魚更大塊! 火槍燒過既三文魚令油脂溶溶地,放入口內三文魚瞬即溶化, 好正!泡菜炸餃子鍋呢個相對有D失色, 泡菜份量唔係好多, 反而好多椰菜, 有被騙感覺, 炸餃子有D普通, 只係用現成貨炸成, 不過以四五十蚊呢個價食到咁大個煲真係抵食滑蛋雞肉飯(親子丼)質素當然唔係果D貴價日式餐廳可比, 但以港版親子丼來說, 雞肉軟熟, 雞蛋嫩滑已經合格有餘, 而且份量多到2個人都食唔哂, 仲要收四十幾蚊, 抵食過吉野家!!

今晚第一次去食,特登早些去, 6:30pm去到唔使等位,叫咗三文魚刺身,軟殼蟹卷物,鰻魚壽司,蟹籽沙律,雜錦天婦羅,燒羊扒,樣樣都好好味,三文魚刺身有六件,超肥美,$5X 都算抵.軟殼蟹卷物都好脆,大大件,好正~鰻魚壽司又厚又多汁,好入味,雜錦天婦羅嘅炸蝦天婦羅有三條,好新鮮,其他天婦羅有南瓜,茄子,蕃薯,冬菇都唔錯,燒羊扒有兩件,但較小和筋多,唔係好得,蟹籽沙律份量好多,但差唔多全部都係青瓜絲,唔多蟹柳,$3X,普通,下次唔會叫~估唔到呢間壽司店名不虛傳,食到飽一飽,好滿足,尤其是三文魚刺身,必叫,超正!!~

同yan又周圍食野呀,去元朗食壽司,聽講喱間好出名and好食呀,要試了,真係好多人排隊呀,不過又好快有位了,唔怪得咁快有位啦,原來有時限既,but如果過左時唔會真係有人趕你走呀~!三文魚刺身~!$55~!好厚and大件呀~!太吸引~!同好新鮮呀~!好抵食~!是日特價既鰻魚手卷~!$29有2件~!聽講每日有唔同既野特價呀~!又係好大件既~!鰻魚又好大塊呀~!不過飯又係好多~!幾好味~!炸蠔卷~!好似$35~!又係好大件~!飯比較上多~!個炸蠔好味~!but個人覺得如果係炸蠔而唔係卷會好味多呀~!綜合來講有大件夾抵食~!幾好味!不過款式比較少!同食既時間比較上少(雖然明白個原因)!不過是日有特價又幾好呀~!值得試下既壽司呀~!ha~!

本來預料田中門外的人龍會像平日般人山人海, 所以想好在隔壁的日本料理店用餐。下車走到門前, 出奇地竟然有幾張空桌, 我心想還真難得~ 於是和小榮第一次試試這間遠近馳名的田中。由於只有二人, 今晚他的胃口也不大好, 所以只叫了幾味。第一道上桌的是三文魚刺身 ($55.-)。(坐在我們另一邊的是一對情侶, 他們跟我們差不多時間入座, 他們的三文魚手卷比我們的刺身上桌較早, 一見如斯大份的手卷, 這才心叫不妙)果然不錯, 厚切肥美三文魚刺身上場, 已經開始懷疑是不是點了太多菜。第二道是我要的三文魚茶漬飯($29.-)。清清淡淡帶丁點茶漬味, 要不是三文魚太多, 我鐵定全吃光的!第三道是他點的三文魚頭煲($55.- ?? 忘記了)。(傻佬以為份量只有一般三文魚頭湯大, 所以見一整煲有如煲仔菜般大份, 我們都不禁瞪著眼呆住了) 味道也是不錯, 總之很抵吃!總括而言, 食物水準不錯, 上菜也算快, 不過要留意 燒物是即叫即燒, 要等15分鐘的 ! 如果人不多就不要點太多, 因為大家都知道田中限時 45 分鐘的嘛! : )