鳥山名

營業中

休息中

荃灣嘅「鳥山名」我嗰日星期六 八點幾去到唔唔算多人唔使排隊就直入👍🏻裝修方面都係日本風🎌🎏 而上餐嘅等候時間大約係10分鐘🤔講返啲食物先三文魚花之戀飯$118三文魚好鮮甜好好味👍🏻 絕對係香港數一數二好味嘅三文魚🥰🤤而且唔會好似其他店舖咁將啲三文魚切到好薄🥹佢呢間食落有口感😋而米飯🍚方面冇乜特別都係普通日本米🤔做一個小總結1.佢啲三文魚一定要試🤩唔試會後悔🫣推薦指數8.5 /10

鳥山名三文魚花之戀飯 $105總共有7塊三文魚，三件卷成「花之戀」，另外仲有4塊。三文魚嘅quality係中上，幾新鮮，雖然就未算係果種厚切果種。飯嘅份量足夠兩個人分食，醋飯嘅醋味啱啱好，唔好太過酸，有少少暖 本人就幾中意啲壽司薑，驅寒去濕啊可以。我覺得啲薑就唔太辣，仲少少甜添 食下啦。芝士吉列蝦反卷$36總共有3件。芝士之上仲有少少櫻花蝦碎，有啲美感～ 炸蝦都應該係即炸，比起其他餸菜遲嚟左。波士頓反卷 $45美感又係好靚嘅壽司，外面紫菜碎綠色，裡面有三文魚加芝士，加起嚟口感是好厚身 配埋餐廳本身嘅茶係好適合。所以我地都無特別叫野飲。Overall, 佢啲反卷都唔係超級滯。係可以做到一口壽司嘅 level 我老豆做日本廚師話咁係最好喎～火灸醋鯖魚壽司 $26想試下新野，就叫咗呢個。不過感覺肉質有啲硬，所以感覺醋鯖魚都係唔太啱咁樣食

早兩日食完日本拉麵，意猶未盡，今晚再去荃灣愉景新城嘅“鳥山名“食日本菜。我哋二人咗先叫咗個三文魚花之戀丼$95。 本人食丼其實主要係壽司醋飯多過面頭嘅料， 壽司醋飯加入日本豉油大啖大啖擺入口十分滿足 ，哈哈。呢一個性價比都足夠，一百蚊有找。如圖所示中間有好大份三文魚籽，嚟撈飯一流。 三文魚色澤都幾靚，食落口都幾新鮮。然之後叫咗個 雪花牛肋條地獄火鍋$150，大大煲之餘仲有我最鍾意食嘅韭菜，仲有大量嘅蔬菜。 最值得讚既係個湯底 ，入口辣得嚟唔會搶口， 我本身唔係太食到辣嘅都飲曬一大碗湯，牛肋條嘅牛味亦無被湯底喧賓奪主。除此之外我哋仲叫咗個煎餃子$42 ，餃子皮非常鬆脆 。兩個人一飯一鍋咁樣叫法 ，食曬就剛剛好。其實餐廳個餐牌仲有好多其他嘅食物，可惜未能盡錄，有機會再去一試究竟。