鳥山名

營業中

休息中

早兩日食完日本拉麵，意猶未盡，今晚再去荃灣愉景新城嘅“鳥山名“食日本菜。我哋二人咗先叫咗個三文魚花之戀丼$95。 本人食丼其實主要係壽司醋飯多過面頭嘅料， 壽司醋飯加入日本豉油大啖大啖擺入口十分滿足 ，哈哈。呢一個性價比都足夠，一百蚊有找。如圖所示中間有好大份三文魚籽，嚟撈飯一流。 三文魚色澤都幾靚，食落口都幾新鮮。然之後叫咗個 雪花牛肋條地獄火鍋$150，大大煲之餘仲有我最鍾意食嘅韭菜，仲有大量嘅蔬菜。 最值得讚既係個湯底 ，入口辣得嚟唔會搶口， 我本身唔係太食到辣嘅都飲曬一大碗湯，牛肋條嘅牛味亦無被湯底喧賓奪主。除此之外我哋仲叫咗個煎餃子$42 ，餃子皮非常鬆脆 。兩個人一飯一鍋咁樣叫法 ，食曬就剛剛好。其實餐廳個餐牌仲有好多其他嘅食物，可惜未能盡錄，有機會再去一試究竟。