十和田總本店

營業中

休息中

十和田總本店🍣🍱好掛住十和田既赤醋飯同刺身呀尋日特登同媽媽去左食真係大滿足呀🍱 三文魚親子丼 $148厚厚既三文魚粒同大大粒既三文魚籽鋪滿咗成個碗面不愧係新鮮直送既食材 食落好新鮮呀而啲三文魚籽一咬落去就爆汁好鮮甜既味道 再配埋赤醋飯食一流🍣軍艦三味壽司 $138蟹肉蟹膏軍艦+海膽軍艦+三文魚籽軍艦蟹肉蟹膏味都勁濃 食一件唔夠止口癮海膽超鮮甜三文魚籽大粒又爆汁配埋舊赤醋飯食 🤤🤤🍣松葉蟹三味壽司 $128蟹肉蟹膏軍艦+松葉蟹腳+蟹棒最吸引係原隻松葉蟹腳 食落啖啖肉蟹棒都幾好食🦐牡丹蝦刺身（隻） $78好大隻仲要剝埋殼既牡丹蝦刺身肉質彈牙 味道鮮甜 好正🐟三文魚刺身（三件） $52極厚身既三文魚刺身不愧係新鮮直送 好新鮮

🇯🇵 十和田總本店 🍣自從食過十和田既丼飯我就次次出尖沙咀都心思思想食呀🤣因佢哋既赤醋飯係沿用左江戶前傳統壽司飯既做法赤醋 = 酒粕發酵既醋用赤醋黎整壽司飯會更健康更好食添呀🐟香蔥吞拿魚腩丼 $128吞拿魚腩蓉既份量好多簡直覆蓋左成個赤醋飯配埋蔥花、Wasabi、千本漬同白薑令到我望住個丼飯已經流晒口水吞拿魚魚腩既油脂加上香味 入口即融 每一啖赤醋飯撈埋大量吞拿魚腩蓉真係好幸福呀🤤🐟三文魚親子丼 $148滿滿既三文魚粒鋪滿左成個赤醋飯三文魚籽既份量都好多用一塊大葉舖墊住 令到個飯嘅畫面靚咗唔會全部橙色嘅嘢放埋一齊 (食慾 Up!)不愧係新鮮直送既三文魚 食落好新鮮呀而啲三文魚籽一咬落去就爆汁新鮮又帶點甜味真係好好食呀 （已經想再食多次啦🤤）

高質日式丼飯｜十和田總本店（尖沙咀）成日經過又多人排隊嘅十和田，本次放工終於有機會去試🍣中底價錢食到咗高質嘅日式丼飯，大推薦❤️晚市正價餐牌🍽人均：$150🕰時間：19:30（walk-in⭕️)🍣三文魚親子丼 $138大熱嘅三文魚親子丼，咪睇佢個碗好似好細，原來個碗好深！份量非常足，面頭鋪滿滿嘅三文魚粒、蟹籽、同甜姜，大滿足😍🍜火炙牛肉湯烏冬 $88牛肉好嫩滑，個湯底係相對淡味嘅麵豉湯，唔會搶咗牛肉嘅鮮味👍🏻🍗炸雞件 $42炸雞件總共5件，每件都有半隻手掌咁大👍🏻配沙律汁，加埋烏冬一齊食都好正😋Bible rating: 8.5/10📍地址：十和田總本店 (尖沙咀)尖沙咀金馬倫道42號華懋金馬倫中心地下

是咁的～平時少食丼飯，因為覺得大大碗飯上面只有幾篇刺身，感覺唔夠喉，然後朋友就推介我去呢一間位於尖沙咀嘅十和田總本店。一入到去，我哋就點咗兩個丼飯角切三文魚親子丼，三文魚切得大大舊，一上枱就好吸引眼球😀 魚同飯既比例大約1:1，我覺得飯既量真係好多，建議細食既朋友可以少飯。香蔥吞拿魚丼一樣大大碗，好似食拉麵既碗咁大個🤩 岩哂大食嘅朋友，個飯大約有2碗飯咁多，飯係有特別製作過既，好似比鼓油撈過，但其實唔咸既（我都唔清楚撈左咩🙈）將吞拿魚加飯仲加小小既魚生豉油岩岩好引出吞拿魚既鮮味出黎🤩 誠意推介比大家

十和田總本店 (尖沙咀)📍尖沙咀金馬倫道42號華懋金馬倫中心地下🔅 三訪十和田🔅❀🅳🅾🅽🅱🆄🆁🅸❀🍱每當左口魚癮一到就會想諗起十和田！優勝在於長期左口魚都係Menu上！而且質量穩定，份量每次都唔會吝嗇！丼飯底用左赤醋飯，吸收晒左口魚嘅脂肪後，半片左口魚加飯咁放入口，每一啖都係一種享受🥹✱ 必食必食！✱❥左口魚邊丼🍱另一個出色嘅丼飯係三文魚親子丼，角切三文魚粒粒都肥美鮮甜，三文魚子飽滿多汁！魚生同飯比例剛剛好，每口飯都可以配上多粒三文同魚子，咬開魚子果刻噴出魚油再沾滿飯粒，令每一啖都更加層次豐富！👍🏻👍🏻👍🏻❥ 三文魚親子丼

2022年12月22日 (星期四) 5:55pm 18°C 餐廳裝修充滿日本風格，以日式木屋作藍圖，讓食客彷彿置身於日本當地。 壽司師傅採用『江戶前傳統製法』，利用酒粕發酵，令赤醋飯更香醇，酸度控制得更柔和，增加層次感，飯同魚生配搭得好，自然將鮮味再提昇。 所有食材每天由日本新鮮直送 環境光亮整潔，餐具乾淨。 因為新冠狀肺炎疫情影響，入店前必須量度體溫。點餐方法亦改用自己手機，直接傳送去廚房，捨棄傳統餐牌，變得更方便快捷，衛生可靠，值得一讚！ 為慶祝家人生日及在香格里拉酒店渡假，故此特地挑選此餐廳用膳。 人數：2人 HK$271 不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 三文魚親子丼 - 三文魚塊塊厚切，肉質軟滑，顏色鮮嫩，甜美滑嫩，完全沒有冷凍感覺和雪藏味道。三文魚籽極具咬口，粒粒晶瑩剔透，色澤光亮，充滿水份，一咬便在口腔內連環爆發，滲出海水氣味。

今日同朋友係尖沙咀行街 唔知食乜好所以就食十和田以前上堂成日食佢啲丼飯今日食左三文魚親子丼啲三文魚依舊多到食完飯都未食完$138 呢個價錢冇野可以挑剔同行朋友食左火炙左口魚邊丼都好食 仲有小小海膽

餐廳好大入座唔需要排隊。俾男朋友洗左腦記住左間餐廳叫大和田🧑🏻‍🦲😑🔴🟠🟤三色丼 $188 三色丼的碗有兩種，一種白色和風一種青花瓷，我們的是白色有花紋的碗，但掛住食無留意有花紋的一邊面對男朋友，然後我只拍到白色的碗🤦🏻‍♀️打卡度大減！三色丼分別係吞拿魚茸飯，海膽飯，同埋蟹膏蟹肉飯。海膽和蟹膏也很甜，美中不足係吞拿魚冇乜味，如果佢係魚粒可能會有咬口一點。🍣🐟三文魚親子丼 $118三文魚同三文魚子非常新鮮冇腥味，呢個價錢食到大大碗真係好抵！飯是黐黐有咬口的。個人認為親子丼比三色丼性價比更高！最後埋單要加一，共337元食到一個午餐。強調本人係真金白銀俾錢食的。

次次行到呢條街都見到連住幾間舖好多人排長龍等位食飯, 難得早左少少避開人潮, 同朋友兩個人去試下十和田😋舖頭裝修都幾靚, 不過唔知係我地叫得太多野定點, 張枱有點細, 唔係幾夠位放咁😉另外欣賞佢用電子下單之餘, 走薑芥末蔥都有提供選擇(好野都要讚既, 雖然知道好多舖都有呢個服務👐🏻)事不宜遲講野食👇🏻<三文魚親子丼>正常味既親子丼, 良心爆曬棚勁多三文魚, 朋友食唔哂又分左啲比我食😹三文魚就量多肉厚, 三文魚籽就好鮮味, 飯每一粒都有醬油包住🤲🏻$118黎講CP值都幾高👏🏻<海鮮丼>每次食魚生丼既pick都係有海膽同蝦我就好滿足😗今次呢兩樣都好新鮮, 冇咩好挑剔~ 唔係幾鍾意吞拿魚既我都覺得個蔥吞拿魚腩好正, 好岩餸飯, 幅相比塊葉遮住左咋, 大舊到我食曬碗飯都未餸曬啲蔥吞拿魚腩, 多到要share比朋友一齊分擔下😂我個人希望帶子唔好切開, 食到啖啖肉同見到大大粒會正啲(個人喜好啦👽)<海鰻卷>海鰻口感好滑, 燒汁咁多唔會唔好食既💁🏻正常既, 如果唔係特別想食海鰻的話, 下次再去唔會take2👋🏻<生松葉蟹腳&火炙左口魚邊>

☆十和田總本店 🇯🇵𝘛𝘰𝘸𝘢𝘥𝘢 𝘚𝘶𝘴𝘩𝘪有冇人同我一樣一掛住日本旅行就去食壽司？😆今次推介高質日本刺身餐廳，唔單止入選OpenRice好評餐廳第3位，食材亦係每日從日本空運到港，由資深師傅以傳統方式處理🧑🏻‍🍳-🍽 午市套餐（送茶碗蒸+麵豉湯）三色丼（$188）餐廳最受歡迎嘅一定係三色丼，三色三款口味，一次過滿足選擇困難症嘅你🤩首先係蔥花吞拿魚，份量好足料，差唔多堆到滿溢，點左豉油後可以帶出吞拿魚嘅鮮味其次就係海膽，雖然份量唔算好多，但味道並冇好重海水腥味，質感綿密，食得出選用新鮮食材👍🏻最後令人眼前一亮嘅蟹肉蟹膏，味道非常濃郁，蟹肉鮮甜，送飯一流，超推薦試下！🦀壽司飯選用赤醋飯，味道微酸，並已加入豉油，所以只要點埋wasabi 就夠曬味啦🍣(˶‾᷄ ⁻̫ ‾᷅˵)推薦指數: 8.5/10.三文魚親子丼（$118）三文魚係去每間壽司店都必點嘅，但真係第一次見到有咁慷慨嘅份量，竟然會食唔曬！🤤丼飯上覆蓋住勁足料嘅三文魚，啖啖都有新鮮嘅刺身，拍得上當地嘅味道～而且大大粒三文魚籽係口入面爆開 ，十級滿足，必會再回訪🧡(˶‾᷄ ⁻̫ ‾᷅˵)推薦指數:8.5/10.

之前經過見到都多人幫襯，終於前幾日就同朋友去咗食lunch試吓佢。lunch meun都多選擇，但係有少少美中不足嘅係自己部電話太細，scan QR code落單嘅時候，啲相太細冇得放大，同埋冇寫到入面包括邊啲壽司。例如”午市壽司套餐”，張相大約估到幾件明顯少少嘅 （三文魚，吞拿魚 & 鰻魚), 其他就睇得唔清楚，要估個套餐有咩其他壽司🧐。最終決定咗食三文魚親子丼，大約～$120。碗丼好大碗，好多料，而且都幾新鮮。啲三文魚唔係切片咁鋪上飯面，而係大大粒角切咁一大堆放上飯面。鍾意食三文魚嘅人應該會覺得好滿足，因為份量十足同新鮮。但當我食到一大半差不多飽嘅時候個waiter先俾個麵豉湯同蒸蛋我😑。另外個朋友叫炸雞烏冬漏咗單。總括食物方面值得一試，價錢可能比較貴，但份量多，值回票價。服務方面就有進步空間。

同男朋友行尖沙咀，順便試下呢間日本野 因為都見過啲ig有講過下佢（有好有唔好） 所以想試試佢😆三文魚親子丼 $118三文魚份量好多 你每食一啖都起碼食到兩三粒既三文魚 飯偏黏身 本身亦亦有小小醬油味裏面除左三文魚粒仲有三文魚子 口感都幾豐富～吉列炸蝦卷 $78都有六件 蝦炸得好酥炸 好味😋鰻魚飯 $98鰻魚飯算係中規中矩😚 鰻魚唔會太肥 所以食落唔會覺得太滯同埋太膩。甜甜地既鰻魚汁過得幾好食 🤓總括，我覺得都幾好食🤓

今日又跟朋友去吃日本菜，我們來到尖沙咀的十和田，由於時間尚早，不用等位。餐廳不是用餐牌，是直接 ipad 下單，十分方便！超特撰壽司拼盤：有粒貝，吞拿魚，油金魚，中拖羅，三文魚籽，松葉蟹棒，玉子，大赤蝦，香蔥吞拿魚卷，穴子所有壽司飯都經過調味，粒貝油金魚都很新鮮，中拖羅入口即溶，松葉蟹棒肉質實在！味噌湯：跟壽司拼盤有味噌湯以及蒸蛋，味噌湯跟平常喝的差不多，而蒸蛋就十分滑。海膽蒸蛋：朋友十分喜歡海膽，所以她點了這個。我們還點了兩個丼一起吃： 北海道帆立貝松葉蟹丼：沒想到份量這麽大。飯都是經過調味的，但不鹹；凡立貝不但是厚切，而且多；三文魚籽脹卜卜，非常飽滿；松葉蟹肉也是超多肉質實在。三文魚親子丼：超多三文魚，非常肥美，又是厚切。這一餐真是十分飽，因為沒想到這兩個丼是如此有份量，而且材料新鮮。原本我們還想去吃甜品，但是已經十分滿足，兩個人抱着肚子離開 🤣

一看門面，就知道這裏是吃日本菜的，很有日本風格，裝修主要用木，內在環境也是，感覺挺舒服的。我跟朋友都很喜歡日本菜，所以很多時候一齊吃飯都會選擇日式餐廳。選擇類別都多，我們點了這些~《超特撰壽司拼盤 配味噌湯，蒸蛋》嘩~看到這盤壽司就開心，有我最喜愛的海膽壽司😍 味道鮮甜，用料十足👍🏻還有赤蝦壽司，很有膠質。三文魚子壽司，魚子的鹹味，配飯吃味道剛好，不用再沾醬油了。香蔥吞拿魚卷，裏面的不是白米飯，是經過調味的。《味噌湯》這是跟餐的湯，跟平常喝的差不多。《蒸蛋》這也是跟餐的，朋友吃這個。《海膽蒸蛋》我也想吃蒸蛋，看到餐牌上有這個，海膽呀，就點了，蛋滑滑的，我覺得配飯一齊吃也不錯。《北海道帆立貝松葉蟹丼》沒想到丼飯的份量會這麽大，我想兩個女生吃一個就夠了，我們還點了兩個😂首先說凡立貝很大塊，還有三塊，啖啖肉。飯也是經過調味的，三文魚子晶瑩剔透，鹹度適合配飯一齊吃。更不少得是松葉蟹肉，師傅已預先拆好，份量超多，其實光吃這些已經撐飽了肚子😅《三文魚親子丼》再來一碗份量十足的丼飯，三文魚真的超多，油份充足。只怪我沒有和親子一起吃，但是我有跟朋友一齊分享都吃不完。吃完後要多飲一杯用抹茶粉泡的茶消消飽