王家沙 (已結業)

平日夜晚黎到王家沙食小籠包，好彩我哋都算早到，所以唔使等位，就可以坐定定等開餐啦。同平時一樣，我哋先叫左前菜同今日既重點項目，三絲粉皮同招牌蟹粉小籠包~煙煙韌韌既加埋肉絲同青瓜，呢個配搭真係無得輸！而蟹粉小籠包，唔單止熱辣辣，而且小籠包既都好薄，味濃郁呢~差D比我食曬之後再睇餐牌，我哋揀咗擔擔麵同墨魚豆卜紅燒肉，擔擔麵正正常常，無咩特別，不過紅燒肉就好正呀，雖然朋友覺得好油膩，不過下次再黎我都會再叫呢~

在香港食上海菜黎講，我覺得王家沙既水準都叫左唔錯，而且整體既表現都幾好。呢間係又一城的分店設計係半開放式的，剛好又係商場的一角，所以可以採光同時又唔會好似太exposed😃基本上佢lunch同dinner都係同一個menu，有小食、點心🥟菜🥬肉同粉麵🍜等，總有一樣啱你食。不過如果有lunch set會更好。坐低就一定會有碟花生仔做小食，落左單都好快就上菜。三絲粉皮係同事既最愛，呢碟既份量都唔少，不過我覺得粉皮可以做到更薄就更好。雞絲、火腿絲、青瓜絲同麻醬都好多，撈起來口感都唔錯既。三鮮煨麵🍜既賣相麻麻，但食落都幾好，個湯清甜得黎佢都有落到D金華火腿，令到成個麵既味更鮮。菜、蝦同肉都幾多，兩個人share剛好。另外我點了個煎鍋貼🥟厚皮但口感都好食，可惜肉汁少左D，而且煎得唔夠燶，好似有少少趕時間同火候唔太夠咁。最後食埋個燉雪梨🍐做甜品，呢個本身的材料就好吸引，成個雪梨加埋雪耳、龍眼肉同紅棗，燉埋一齊真係冇得輸，加上甜度剛好唔會太過火，再加埋熱辣辣，食落非常潤喉，秋冬必食之選~

又一城看似人多, 但總比不上尖沙咀, 銅鑼灣等其他旅遊熱點那些商場, 可能就因此, 等候的時間也不太久. 三絲粉皮只找到青瓜絲、雞絲, 及粉皮, 若粉皮不算是一絲, 好像找不到有第三絲. 口感真的是比不上涼拌, 因粉皮是暖的, 但勝在粉皮也滑溜.紅燒大排湯麵豬扒表面很腍, 看似肥膩度大減, 因應已浸了很久, 豬扒口感又比較靭, 沒香味因而味道稍遜.湯底味道啖, 因而止帶不起這麵的鮮及滑.杭式蔥油拌麵香濃味美，不失香口之餘, 令人尋味再三, 既爽又帶有蔥的清香, 麵很滑, 簡單裡有著精彩. 若是可保持我吃這天的水準, 真是要推介推介.蘇式鮮肉小龍包小龍包肉汁不多, 不飽滿, 買相不討好. 吃下亦不滿足魚湯蒜子菜心苗菜心倒也翠綠鮮嫩

每次去又一城都見到王家沙出面排滿晒人,所以成日想試但又懶得等位,終於的起心肝打電話去訂枱。真係好彩有訂位,閒日去出面都得成10幾人,我諗我7個人真係有排等!餐牌上實在太多選擇了!樣樣都想試!冷盤小食:醉嘉美雞-好強烈酒香,而且啖啖肉都醃到味!蒜泥白肉卷-其實我一心係以為蒜泥白肉,o黎到先知我搞錯,佢係一個卷!裡面係蘿蔔絲食落幾爽趣,面層係蒜泥,挾起先見到碟面有一層辣油,都幾辣!皮蛋豆腐-食滬菜必點的吧!超喜歡啊,豆腐好滑!肉鬆又夠鬆化(唔係廢話,因為好多時拌既肉鬆都係"淋"的)三絲粉皮-又係必點既前菜!平時都係食開雞絲粉皮,三絲又真係唔同啲!加青瓜絲無咁漏!又無齋雞絲咁"寡"。而呢個花生醬份量剛剛好!粉板又夠薄!我個人認為係必點呀!雖然話係小份冷盤,但其實份量都唔細,我地7個都可以每人食到架!係三絲粉皮太正要encore!小籠包-唔需要多介紹啦,皮薄多汁是常識吧!一個字正!不過記得從上頂頂挾起咬一口再加薑絲落去食更加好味!甜栥飯-朋友話去王家沙必點栥飯!果然好介紹,出面舊飯夠淋身,裡面又夠趣,整個口感非常煙韌‏!而且呢個係甜既,比較少食都算係幾特別!擔擔麵-真係唔係間間整得好食,好多時

本人這兩知月的星期六早上也在九龍塘再培訓，一點落堂之後必順要處理的便是肚子餓的問題。坦白說，要在又一城找一間不是快餐店，而又要吃得輕盈的餐廳作午膳並不容易，是日我便選了王家沙。中午人真的很多，我跟友人也要等差不多十五分鐘才被安排入坐。第一道菜是「三絲粉皮」。所謂的三絲其實是青瓜絲，火腿絲和雞絲。當它來到的是候我終於明白為何它不是叫雞絲粉皮，因為雞絲的份量真的十分少；而本人認為火腿絲好像也不太配合這項菜式，有點奇怪。不過，粉皮的分量十分慷慨，切得略粗，是我喜歡的風味，很有口感；而花生醬的份量亦剛好，不太膩。第二道菜是「鮮菜肉小籠包」。一籠有四件，賣相十分飽滿，新鮮夠熱的小籠包怎樣吃也是最好味的！豬肉跟紹菜的分量也不多，不算肥膩，肉汁卻不少。小籠包的皮不是最薄的那種，不過剛好令食客夾起而不把小籠包弄穿，絕對比我於五月頭到上海吃的好味。第三道菜是「嫩雞煨麵」，跟近來電視上的一位男士的形容詞一樣：我很醜但我很溫柔。麵的賣相真的不太討好，不過很好味。煨麵煮得十分滑溜，很適合剛剛脫掉智慧齒的我食用，哈哈！湯底十分濃，我懷疑是用上了魚來煮的。不過切菜和雞粒的分量也是偏少的，是不是現今的食材真的很貴呢