美蘭廚房 (已結業)

疫情下外賣變成大家既日常好食既堂食同好食既外賣又真係好唔同，勞蘇食就轉轉個外賣mode做個 疫市之中搵下生活快樂點子途經鰂魚涌買個晚餐，美蘭廚房，主打車仔麵、三餸飯、港式小食、油渣麵等，餐牌充滿港味第一次食，又肚餓，一於三餸飯試晒佢既招牌推介超大盒拎走，起碼有一般飯盒既1.5倍，飯多餸更多逐一品嘗招牌推介，椒鹽豬扒，相當香，椒鹽味唔算好濃但都好夠味，肉質腍，啖啖肉南乳豬手，超濃既汁，吸晒入隻豬手，好明顯炆左好耐，一食超入味、超腍，食落唔係好南乳但好好味好多骨膠原添酸菜腩肉，腩肉肥肥地配酸菜唔膩，送飯一流酥炸一口骨，正正常常既炸排骨美蘭秘製叉燒，賣相一睇就知係自家製嘅叉燒，唔係sell脆，但肉質相當唔錯好味，腍滑，如果薄切少少會更正秘製燒排骨，好似ribs咁既燒排骨，好香下，肉好夠而都好嫩，果然係招牌配埋羅漢果茶，飲落好清好舒服，食完炸嘢啱晒Hea食個三餸飯都咁多推介，真係唔簡單，果然係競爭下依家啲兩餸飯三餸飯真係進步左好多鍾意食港式野既要試下#油渣麵好似好正#有間正茶記係附近就係幸福

車仔麵外賣會分湯。咖哩魚蛋：陳皮魚蛋黎，正。豬紅：入味，唔錯。 自家製韮菜餃：裡面餡料份量都唔錯，幾大隻。牛柏葉：爽口自家製麵條：粗身，有口感。招牌辣汁（小辣）：個湯雖然唔係好紅，但夠辣，好正😆佢每樣配料份量都足夠，每款最少都有4舊。三餸飯菜甫煎蛋：都幾大件，煎得唔錯。酥炸雞翼：有3件，即叫即炸😀是日炒什菜：今日炒椰菜花，唔會好油 佢每日都有幾款是日精選，每樣餸份量都足夠，而且仲係熱辣辣。金羅漢果茶叫餸飯，佢會送一杯金羅漢果茶，唔錯，入口甘甜。佢呢到有網上QR code落單，有85折，可以屋企落定單，黎到就有得拎。除左餸飯，車仔麵，仲有叉燒賣，有時偷懶唔想煮野既時候，簡簡單單平平地當一個餸/晚餐，都係一個唔錯既選擇。

之前同事食過呢間啲兩餸飯同車仔麵，話幾好食，今日得閒就過嚟買外賣番去同屋企人share，原來每一日都有唔同款嘅餸菜選擇，我今次就揀咗蕃茄薯仔肉碎&是日炒雜菜&豆角炒蛋，仲附送金羅漢果茶一杯呢間舖頭啲三餸飯有用心做喎，啲餸全部都好足料，蕃茄薯仔肉碎好好味，有汁送飯一流，是日炒雜菜啲雜菜好新鮮，食落都好爽口，豆角炒蛋雖然係一樣好簡單嘅餸菜，但係呢間野炒得好好食而且附送嗰杯金羅漢果茶都好濃味，唔似得其他舖頭咁淡茂茂另外仲買咗碗車仔麵，我揀咗自家製麵條+炸魚片頭+木耳小雲吞，配招牌辣汁（小辣），自家製麵條都幾彈牙，出面未食過呢種口感嘅麵，索埋少少招牌辣汁嘅湯，勁正外賣會幫你將個面同個湯分開，咁就唔怕外賣番到屋企嘅時候個面浸到淋曬車仔麵其中有一個餸係木耳小雲吞，呢個餸好好食，個雲吞皮好大塊，好薄，好滑，有好多粒，配埋小辣嘅招牌辣汁湯，好夾有驚喜而且性價比高除此以外，我見呢間鋪頭仲有招牌叉燒/豬扒配搭，下次一定要再試埋其他野