上勝日本料理 (億利工業中心) (已結業)

做完嘢去咗間小店食lunch，無咩人堂食但好多人買外賣🤓叫咗個上勝特盛丼，未計加一$198，無前菜同湯或者小食，以呢個區嚟講唔平。本身話有海膽但話無貨變咗蟹膏，新鮮程度ok，軟綿綿。三文魚一如既往魚味好濃，油甘魚一般，唔係特別出色。吞拿魚茸比較淡，我撈埋蟹膏同魚子一齊食。牡丹蝦感覺新鮮，因為入口唔梅，口感實淨。帶子唔算大隻，都叫嫩滑。仲有燒吞拿魚好一般，無魚油香。飯係赤醋飯，醋味更加濃，感覺唔錯。另外一提，個碗好細，可能因為餐廳想個碗細啲，令到份量睇落唔會太小。但個碗咁細唔方便夾魚生同飯🤡整體味道ok，但唔特別出色。

原來荔枝角地鐵站旁的上勝搬了去附近新舖位置，前排行完d2就同朋友食下。店內佈置都舒服，好日系感覺，而且發現的是，越夜越多人來！店員會先介紹當日推介新鮮款式，跟著就可以睇menu，menu選擇都好多～熟食/魚生飯/刺身都有～秘制煮軟骨拉麵只需要$70，好抵食！除賣相靚外，辛辣地獄湯的辣好惹味，如果食唔到太辣可以叫他們調節一下。拉麵麵質好好之餘煮軟骨的軟骨煮到好軟淋，好難得。上勝特盛丼賣相好吸引，款款魚生都有，啱曬有選擇困難的人。他們的飯是用了醬油飯，味道酸酸的。而多款刺身當中，海膽口感超好，亦都幾有鮮味。火炙吞拿魚亦好香，吞拿魚就好夠滑～下次要再來吃一下其他熟食/燒物！

荔枝角d1出口一出就會見到既上勝日本料理宜家開左分店啦🤩 位於億利工業中心地舖 店內座位更多 食物選擇亦更豐富 除左丼飯 仲有串燒 壽司 剌身等等😜不過無論點 都要叫番個丼飯既😎 我地就揀左上勝特盛丼 用料超級豐富 有牡丹蝦 拖羅 海膽 拖羅蓉 三文魚 油甘魚 帶子 三文魚籽同玉子😍 剌身都幾新鮮 特別係牡丹蝦 鮮甜彈牙👍🏻 另外 我地仲叫左一客牛油果軟殼蟹卷 質素很不錯🤤 卷上舖滿牛油果薄片 加上軟殻蟹同沙律醬 真係無得輸🤩最後仲叫左我地好鐘意食既鹽燒牛舌同鹽燒一口和牛 2款串燒都好高質無令我地失望😍 牛舌簡直係大愛 好惹味好香口👅 一口和牛又夠juicy 抵食🌟

今日再黎幫襯啦今日我地係第一台晚市嘅客今次我終於記得記得要影相上次食過再食，都係食返呢一個特上海膽丼大家睇下啲蟹籽幾多師傅其實真係一啲都唔鬆手另外想讚下個啲玉子好有蛋香、蛋黃味好濃唔係只係甜蛋咁簡單用料方面其實菜單上已經列明晒好清楚，你見到menu上寫乜就有乜另外今次就叫左呢一個上勝特盛丼今次就叫左另一款同上次唔一樣試下唔同刺身嘛其實呢一個上勝特盛丼係比起特上海膽丼多左以下刺身拖羅魚蓉、三文魚、油甘魚、火灸拖羅、三文魚籽拖羅魚蓉好好味呀其實如果原片拖羅會比起火灸更食到鮮味另外，飯之所以係深左係因為佢地用左赤醋所以味道係無平日食嘅壽司飯無咁酸今次感覺比起上一次更好味唔知係唔係因為我地係第一台客所以啲料係最新鮮呢！其實而家睇返特上海膽丼真係最抵食大大碗先係HKD90如果係想試多幾片唔同刺身的話就俾多108蚊試下上勝特盛丼啦！

環境寬敞，座位舒適，提供綠茶和紙巾，提供手機自助點餐，很方便，另收+1服務費。餐牌款式很多，除了刺身丼、壽司、刺身、還有便當和熟食等～價錢少貴，看到很多人叫外賣#上勝特盛丼 $198有多款刺身，擺位都很令，適合打卡。刺身都幾厚切而且豐盛，包括牡丹蝦、拖羅、海膽、拖羅蓉、三文魚、三文魚籽、油甘魚、帶子、蟹子等。還有很多甜甜的玉子送飯一流～仲有幾片青瓜、子薑消滯～#特上海膽丼 $90帶子肥美，超多蟹子，牡丹蝦肉清甜彈牙，賣相吸引材料蓋過大半碗飯，飯底是非常有咬口的醬油飯～很飽肚。刺身都算新鮮除了海膽₍ᐡ•̥_•̥ᐡ₎ 味道未必人人喜歡服務質素：7/10環境舒適度：8/10ᶘ ᵒᴥᵒᶅ個人口味評分：6/10