鮨心 (已搬遷) 新店位置

今日同朋友慶祝生日食飯....朋友話想食日本野....就揀咗呢間食評唔錯嘅鮨心 🤗🤗🤗價錢唔算貴 但有食得出水準 👍🏻👍🏻👍🏻我其實最鍾意食佢啲壽司飯 .....因為同平時出去日本餐廳食到嗰啲飯係好唔同....個口感好好 尤其係啲三文魚入口即溶 🤤🤤🤤真係估佢唔到 正！連我朋友食到都話好正 同佢慶祝生日佢食到好嘢❤️我都好滿足 所以呢間野值得推介👍🏻👍🏻👍🏻👍🏻細心服侍周到🙆🏻‍♀️　

屬於日本菜控嘅豬小姐今日又同咀刁v去食日本菜啦 今日選擇左位於旺角嘅「鮨心」！尼類價位比較高嘅日本料理常見於尖沙咀、對面海嘅中環、銅鑼灣 開係旺角確實少之有少 旺角地鐵站出口一出即到金讚璽 就腳方便！但大廈唔太起眼 位於街角旁邊嘅位置~裝潢比人感覺和諧不花巧 係最平凡簡單嘅「木」色！環境帶點日本懷舊風情 無論餐具 佈置 牆身都一絲不苟地呈現日本舊式時代感覺豬小姐尤其喜歡吊在天花那粗粗長長嘅大麻繩同以漁民捕魚為題材嘅大壁畫 設計上頗滿心思 越新鮮嘅食材 越唔需要做任何修飾調味都可以令人食指大動 聽經理講 尼度嘅魚類每日都會係日本空運過尼香港 作即日處理 剩餘嘅一律唔會再賣 雖然聽上去有啲浪費 但食客絕對會享用到有品質與質素保證嘅食材 見menu選擇多 心大心細嘅我地幾經辛苦先做到決定 尼度有廚師發辦omakase 分左三個價位 豐儉由人 相信亦值得大家一試 前菜螢光魷魚沖漬較為彈身 帶出濃烈咸海水味 而且經過醬油嘅醃製 更加重魷魚咸香味豬小姐最愛就是這稱重口味的醃漬  味醂魚干即雞泡魚/河豚干 經味醂醃製後風乾 再微烤嘅魚干油脂清香 味醂甜味突出 可惜口感太軟已非煙韌

今日又同大食友人去食好西, 旺角放題就食得多, 今次search到呢間鮨心日本菜好似好正咁, 所以黎試下~餐廳o係大廈入面, 第一次黎呢座金鑽璽搵食, 原來都有唔少餐廳, 鮨心既裝修好有日本feel, 以木色為主, 感覺好舒服, 仲有d麻繩同壁畫, 有漁村既感覺~野食方面有omakase同其他單點, 食物種類有好多, 基本上日本菜有得食既呢度都有, 好多款都好吸引, 所以Vi同大食友人就決定散叫~首先當然要叫d刺身壽司, 上壽司拼盤有7件壽司, 呢度壽司飯同魚生既比例好好, 飯粒係日本米, 魚生全部都係日本即日運黎, 所以食落好鮮味, 特別係吞拿魚同埋帶子好好食, 其餘就正正常常, 無咩驚喜~上刺身拼盤有6款刺身, 每款都係厚切, 帶子係勁大隻, 好鮮甜, 而其他刺身都好新鮮, 原來呢間餐廳既魚生係日日清貨既, 所以keep到每日客人食到既都係新鮮貨, 亦因為咁, 每晚貨量都有限, 太夜就會賣哂, 魚生其實最重要都係新鮮, 所以呢個拼盤都無得挑剔~反而呢個牛油果軟殼蟹卷好有驚喜, 有4大件, 每件入面都包左好大件軟殼蟹, 仲有牛油果同菜, 食落菜好爽口, 而軟殼蟹仲係脆既, 呢個卷物做