龍湖居 (已結業)

之前同朋友試過呢間龍湖居，我自己就覺得味道唔錯，所以今年母親節就決定同屋企人再試試，好彩大家都相當滿意。是晚我地order咗個半席套餐再加呢度最好食嘅＂奇趣蝦多士＂

收到料，《龍湖居》「龍蝦鮑魚燕窩餐」，原價每位要 $328、做特價每位只是 $198(兩位起)，甘吸引，當然要豪一次。《龍湖居》位於謝斐道金利文廣場 2 樓的，主打港式點心和粵菜，大廚兼老闆入廚多年，資歷深厚，口碑不俗。龍湖居佈置典雅，入口處佈置成一個小竹林，內裡裝飾有點古樸味道，地方尚算寬敞，環境舒適。「龍蝦鮑魚燕窩餐」有上湯波士頓龍蝦伊麵底、果皮蒸南非鮑、籠仔荷葉蒸雞、鮮竹野菌浸菜苗和壓軸的燕窩蛋白杏仁茶。上湯波士頓龍蝦伊麵底，龍蝦夠肥美，肉鮮味甜，上湯伊麵入味，值得一讚是龍蝦伊麵分開兩碟上，一人一碟，兩公婆都不用爭食。果皮蒸南非鮑，鮑魚肉質鮮甜，入口彈牙，再加果皮香蔥吊味，甘香好味。籠仔荷葉蒸雞，雞件夾大片花菇和金華火腿，整整齊齊排列荷葉上面、面頭再放上紅棗、蔥花和杞子等蒸煮，賣相搶眼。吸收了荷葉香和紅棗及杞子精華的雞件又嫩又滑，味道豐富。再來鮮竹野菌浸菜苗，材料有新鮮腐竹、菇菌、菜心苗、芹菜和甘筍等，以魚湯浸熟，湯底鮮甜，菜蔬鮮嫩味清，吃完濃味的籠仔荷葉蒸雞，清淡一下，配搭出色。甜品燕窩蛋白杏仁茶是我至愛，杏仁茶十分幼滑，杏仁味濃郁，加上滋潤的燕窩和甜滑的蛋白，好味兼有益，抵讚

三五知己享用晚餐,  來到位於銅鑼灣謝斐道金利文廣場 2 樓  , 主打粵菜的《龍湖居》，入口處佈置成一個 優雅小竹林，似是進入了武俠世界 大發現 , 全日優惠「龍蝦鮑魚燕窩餐」，原價每位要 $328、現特價每位 $198，兩位起，茶芥及加一服務費是必然吧 !   除了每人一客特價套餐,  經店員推介後 , 我們再加了兩款 招牌菜 : 「奇趣蝦多士」及「勝哥單腳炒飯」整體來說, 值得再來