泰誇張

營業中

休息中

有日夜晚忽然好餓，超隨心咁決定去openrice搵個宵夜😂一場話走就走嘅宵夜就咁展開😂蟹肉🦀️煎蛋🍳(128hkd)呢個蟹肉煎蛋真係非常足料，完全無hea你，真係食到啖啖蟹肉，蛋厚得黎亦都唔會煎得老，而且邊邊位置都有焦香😍沙嗲串燒(雞🐥牛🐮豬🐷)(88hkd)串燒我一般都只係夠膽嗌雞肉，因為怕豬牛會燒到好乾柴，但呢間真係信心推薦，基本上款款都唔會韌，加埋沙嗲醬crossover中間嘅yogurt好開胃😳馬沙文咖喱雞(72hkd)配烤簿餅(32hkd)呢個咖喱係唔係好辣，椰奶香味比較重，怕辣嘅人都可以一試，雞肉畀得都幾多，薄餅唔會好油膩，碟底無咩油食落都幾乾爽，可以話係perfect match👀豬肉泰式鬼炒辣麵(88hkd)真心覺得人人黎呢間都要嗌呢個炒麵，佢用嘅係泰國入口嘅粉皮，比起我哋一般喺香港其他泰式餐廳食到嘅更加煙韌，有少少似超彈牙嘅腸粉，好有咬口，而且小辣都幾夠辣，大推👍🏻泰式奶茶(38hkd)泰式奶茶飲落有獨特嘅香料味，加上奶多飲落好絲滑😋龍眼冰(38hkd)呢個龍眼冰真係完全唔小氣，俾咗勁多粒完整龍眼，飲落好清爽，亦唔會過分甜，夏天一流P.s.我嗰晚差唔多食到人地10點幾閂

阿媽而家住喺隔籬嗰間老人院，所以近近地帶佢過嚟食。整體來講，食物一般。唔知係咪叫錯嘢食啦。小食拼盤：分別係炸魚餅、炸蝦餅、春卷（素）、炸雞。靚就靚但味道冇乜驚喜，荷葉包住嗰個係一大舊炸雞肉，但係雞肉冇乜味，最好係春卷，裏面係菜同粉絲。串燒（雞）：六串可以有唔同嘅配搭（牛、豬、雞），我六串到揀咗雞肉，串燒係呢餐最好食嘅，烤得都好香，沙嗲汁都惹味，又有花生碎。應該係有六串嘅但嚟到時我見到只有五串，所以同佢講，之後有加返一串俾我。不過阿媽話有啲咸。（雖然用QR code落單嘅時候我已經寫咗less salty, 不過啲肉可能一早醃左，所以都冇得再調較味道）泰式乾炒牛河：變到河粉好闊，原本以為好正，點知超級林，一pad pad咁，overcooked 口感唔好，已經冇咗「乾炒」嘅感覺, 選蝦要加$20。呢碟嘢成舊水就唔值。總結：下次想食泰國嘢，都係出返銅鑼灣比較好。呢度係靚嘅，純粹打卡就一流。