金凱小廚 (已結業)

佢有幾款plan，平既$208包雞煲/烤魚，火鍋放題，仲可簡3款串燒。因為我地想食串燒，所以就升級左$288。佢串燒既皇牌一定係燒海鮮，有兩款燒蠔任食。蒜蓉同芝士兩個配搭都好正，蒜蓉夠多，爆蒜香，芝士亦夠拉絲，蠔🦪都有鮮甜味，所以都食左幾Round燒蠔回本。除左蠔，仲有扇貝食，都係配蒜蓉或芝士，同燒蠔同一配搭，所以都唔錯。肉類方面推介特上牛脊肉同辣汁牛舌，牛脊肉好嫩，牛舌爽口。雞煲叫左小辣，炒過時先上碟，之後等兩分鐘就食得，惹味。食完雞煲，可以簡湯底打邊爐，簡左花膠濃雞湯。有幾件花膠，越煮越入味。主打食串燒，打邊爐主要食牛肉，試左美國黑毛和牛肉眼同肩胛牛肉，幾嫩😋飲品選擇都多，有茶、汽水同酒。

好耐冇過嚟大圍…今晚約咗住附近嘅朋友一齊搵個位置坐低傾吓計…約咗8:00🥰非常之容易搵…店舖大約有三四張卡位其他都是圓枱一般街坊茶記光猛舒服..今晚試咗佢哋嘅串燒雞煲火鍋串燒選擇都幾多熱辣辣好新鮮有啲大陸嘅風味幾正佢呢度仲要啤酒任飲😮‍💨咁抵食…佢會唔會蝕本㗎最鍾意食佢個魷魚同埋扇貝魷魚介花好有心機…欣賞扇貝有分兩隻味道蒜蓉同埋芝士兩隻都有叫我食咗蒜蓉味道唔錯而且肉質爽口食完串燒侍應就上咗雞煲味道中規中矩幾香口欣賞份量唔會太多，而且店員好細心禮貌地會過嚟幫我哋收枱面嘅嘢唔會好似某啲餐廳咁冇人理因為食完個雞煲其實都已經六成飽飽食完雞煲以為佢會就咁加啲湯俾我哋打邊爐點知原來佢係會收走重新問過我哋要啲咩款式打邊爐見到有醉雞煲所以試一試藥材料充足酒味香濃🥰真係冇叫錯火鍋配料選擇唔算好多但係好夠食鵝腸冇肥膏👍🏻👍🏻👍🏻而且乾淨企理同埋魚皮真係好鬼正新鮮即炸鍾意飲啤酒打邊爐食串燒嘅朋友可以一次過嚟呢度滿足你三個願望🤩平靚正首選

呢個星期天氣凍咗好多，最啱就係食雞煲放題啦🐓今次就去咗大圍一間有好多正評嘅金凱小廚🤩我同朋友夜晚七點左右到已經好多人，好彩有預先book枱如果唔係都唔知要等幾耐😂我哋叫咗最平嗰個set，$198仲包每人三串串燒😃雞煲食落有少少辣，辣得非常吊癮😋😋😋雞嘅數量都非常多，而且店員仲會喺適當時間過嚟幫手加水避免燒濃🤣食完唔夠喉仲可以俾我哋加雞😋😋食完雞煲之後我哋就轉打邊爐，之前喺旺角一啲鋪頭係用返同一個煲，搞到啲味mix埋一齊好怪🤢好彩呢度係會比過個新煲新湯底😍 認真細心同好服務👍🏻👍🏻👍🏻我地就揀咗沙嗲湯底😇呢個湯底就算我地食咗一輪之後都仲係好濃😍個人就好鐘意呢隻安格斯肩胛牛肉🤩 肥瘦都好平均而且仲好重牛肉味😚😚有好多肉類選擇，就連醉雞都有，出面比較少會食得到😆至於串燒方面就有好多選擇，我個人就最鍾意蒜蓉燒生蠔🦪燒生蠔嘅蒜蓉夠多而且仲好大隻，一定要試吓🥰埋單只係$198加一仲要包曬大路牌子汽水任飲，可惜冇甜品啦呢度扣咗少少分🤧 不過整體都唔錯嘅推薦大家去😜地址：大圍美田路30號美林邨熟食亭1-4號舖

今次特登入大圍食好西，對我黎講唔算就腳，但其實冬菇亭響正美林巴士總站旁，由大圍站行過去大概只係十分鐘。到底呢度有咩吸引我山長水遠去食？除左我同事住響大圍就番佢，就係$198「無限時，一口價，免加一」的「雞煲，串燒，打邊爐」！即炒麻辣雞煲四個人份量有一隻雞，上枱開火炒一炒就食得，雞肉嫰滑，每件雞都有醬包圍住，個醬好好味，雖然店員無比我地揀辣度，食得出少少麻香，唔係好覺辣，正！除左雞肉，煲內洋蔥都好正！串燒每人可從28款自選4款，我地四個人總共選了十多款串燒！燒菠蘿好多Juicy，同事一篤落去啲汁就噴左落我條褲度！乜料阿… 蒲燒雞泡魚乾幾特別，唔太硬身，好香口，份量亦都唔少。燒生蠔同燒扇貝鋪滿蒜粒，燒到金黃色，唔錯！不過串燒有少少漏單，同店員追單串雞腎同羊架，但後來上多次扇貝，同番店員講唔係我地，佢都摷唔返屬於邊枱，然後同我地講話「請你地食啦～」哈哈，多謝。食完雞煲同串燒其實都半飽，所以火鍋放題都唔係食到好多。而平時食完雞煲就直接加湯打邊爐，這裡是另外換一個湯底，五選一選了特濃沙嗲湯底，好香濃，仲有花生碎粒。肉類食材選擇有三款牛，一款豬及一款雞，酒釀雞件好香濃酒味，有驚喜，正喎！之後仲有廿

今日約咗客喺大圍傾嘢, 完咗之後join frd食飯, 咁我就梗係趁機會睇吓周圍有啲咩好食啦, 始終平時少入嚟呢頭. 行行吓見到有間茶記寫住< 雞煲串燒火鍋放題套餐 >, 八點前入座都只係198, 仲要喺fb/ig打卡減$20加任食燒蠔👍🏻見佢又近巴士總站可以食完即刻返屋企, 我哋就入咗去試吓😶其實睇張點菜紙都已經飽飽地, 因為都真係有幾多嘢食揀😀198呢個set可以每人揀四款串燒, 火鍋配料就任嗌嘅, 嘢飲都係任飲, 有汽水啤酒同紙包飲品👍🏻一入到去坐低, 老細即刻安排上咗個麻辣雞煲先, 因為始終等啲雞熟都要時間同一時間就梗係嗌串燒啦🤷🏻‍♂️我哋睇咗唔夠十秒就揀咗香草羊架安格斯牛粒串, 麻辣雞中翼, 蜜糖雞中翼, 蒜蓉燒生蠔, 蒜蓉牛油扇貝, 蒲燒雞泡魚乾同燒菠蘿😛 等嘅期間店員會有時幫我哋撈下個雞煲👍🏻喺啲雞差唔多熟嘅時候啲串燒都嚟喇👏🏻蒜蓉燒生蠔同蒜蓉牛油扇貝好重牛油味好香, 牛柳粒串燒得啱啱好, 羊架都幾腍, 而我最欣賞係個麻辣雞中翼, 因為真係燒得好入味😋 雞泡魚乾都幾特別, 甜甜哋易入口, 同個蛋黃醬幾match👍🏻 燒菠蘿就有啲啲甜, 不過食完條脷唔會麻,