影片
更多
2021-07-19
1257 瀏覽
今次特登入大圍食好西，對我黎講唔算就腳，但其實冬菇亭響正美林巴士總站旁，由大圍站行過去大概只係十分鐘。到底呢度有咩吸引我山長水遠去食？除左我同事住響大圍就番佢，就係$198「無限時，一口價，免加一」的「雞煲，串燒，打邊爐」！即炒麻辣雞煲四個人份量有一隻雞，上枱開火炒一炒就食得，雞肉嫰滑，每件雞都有醬包圍住，個醬好好味，雖然店員無比我地揀辣度，食得出少少麻香，唔係好覺辣，正！除左雞肉，煲內洋蔥都好正！串燒每人可從28款自選4款，我地四個人總共選了十多款串燒！燒菠蘿好多Juicy，同事一篤落去啲汁就噴左落我條褲度！乜料阿… 蒲燒雞泡魚乾幾特別，唔太硬身，好香口，份量亦都唔少。燒生蠔同燒扇貝鋪滿蒜粒，燒到金黃色，唔錯！不過串燒有少少漏單，同店員追單串雞腎同羊架，但後來上多次扇貝，同番店員講唔係我地，佢都摷唔返屬於邊枱，然後同我地講話「請你地食啦～」哈哈，多謝。食完雞煲同串燒其實都半飽，所以火鍋放題都唔係食到好多。而平時食完雞煲就直接加湯打邊爐，這裡是另外換一個湯底，五選一選了特濃沙嗲湯底，好香濃，仲有花生碎粒。肉類食材選擇有三款牛，一款豬及一款雞，酒釀雞件好香濃酒味，有驚喜，正喎！之後仲有廿
今次特登入大圍食好西，對我黎講唔算就腳，但其實冬菇亭響正美林巴士總站旁，由大圍站行過去大概只係十分鐘。到底呢度有咩吸引我山長水遠去食？除左我同事住響大圍就番佢，就係$198「無限時，一口價，免加一」的「雞煲，串燒，打邊爐」！
即炒麻辣雞煲
37 瀏覽
0 讚好
0 留言
即炒麻辣雞煲
19 瀏覽
0 讚好
0 留言
即炒麻辣雞煲四個人份量有一隻雞，上枱開火炒一炒就食得，雞肉嫰滑，每件雞都有醬包圍住，個醬好好味，雖然店員無比我地揀辣度，食得出少少麻香，唔係好覺辣，正！除左雞肉，煲內洋蔥都好正！
串燒
22 瀏覽
0 讚好
0 留言
蒜蓉燒生蠔 / 扇貝
13 瀏覽
0 讚好
0 留言
串燒每人可從28款自選4款，我地四個人總共選了十多款串燒！燒菠蘿好多Juicy，同事一篤落去啲汁就噴左落我條褲度！乜料阿… 蒲燒雞泡魚乾幾特別，唔太硬身，好香口，份量亦都唔少。燒生蠔同燒扇貝鋪滿蒜粒，燒到金黃色，唔錯！
不過串燒有少少漏單，同店員追單串雞腎同羊架，但後來上多次扇貝，同番店員講唔係我地，佢都摷唔返屬於邊枱，然後同我地講話「請你地食啦～」哈哈，多謝。
特濃沙嗲濃湯
15 瀏覽
0 讚好
0 留言
火鍋放題
13 瀏覽
0 讚好
0 留言
迷你時令蔬菜籃
12 瀏覽
0 讚好
0 留言
食完雞煲同串燒其實都半飽，所以火鍋放題都唔係食到好多。而平時食完雞煲就直接加湯打邊爐，這裡是另外換一個湯底，五選一選了特濃沙嗲湯底，好香濃，仲有花生碎粒。
肉類食材選擇有三款牛，一款豬及一款雞，酒釀雞件好香濃酒味，有驚喜，正喎！之後仲有廿多款食材，丸頪之外仲有鴨血，炸魚皮，響鈴等，啲肉同丸唔係未融雪果啲，我已經收貨啦。迷你時令蔬菜籃無揀咩菜但啱食，賣相都幾整齊。海鮮仲有廣鳥蠔，鯇魚片同扇貝等，蟹柳唔係平果種麵粉蟹柳，麵係原包出前一丁同辛辣麵，感覺無慳食物成本拉。
第一次打邊爐唔駛加豉油同調味料，淨係要隻生雞蛋就夠。不過見個調味料自助吧都無咩人行去咁，都係基本蔥蒜辣椒碎，辣椒醬同竟然有燒汁。
火鍋任食都有質素，連埋雞煲同串燒唔駛$200埋單，性價比堅高！
張貼
