開心餅店

營業中

休息中

想試呢間卷蛋好耐，但幾乎係冇可能買到每日現貨，唯有訂～等咗兩個月！好期待間店係超舊式嘅餅店，姨姨俾卷蛋我嗰陣仲會包埋乾冰，所以拎返屋企途中都放心訂咗丸久小山園青嵐抹茶卷蛋係好濃嘅抹茶味，小小苦，我同媽咪都好鍾意呢種苦苦地嘅抹茶味！裡面嘅cream都好滑，好好食唔小心就食哂成條跟住我同媽咪成晚都訓唔著！唔知關唔關啲茶太濃事，定係好食到訓唔著食完之後即刻諗定下次要食咩味，望一望Ig可預訂嘅日子，又要等兩個月啦

估唔到咁高質足料既卷蛋竟然會係依間傳統小店賣到，真係深藏不露。如果想試最好先預約，咁就確保一定有得食👍🏻（題外話，拎卷蛋個陣店內姨姨好好人）今次試左丸久小山園青嵐抹茶卷蛋，一打開個盒陣抹茶味已經好香好濃，而且件卷蛋好重手。卷蛋質地濕潤鬆軟，食落唔會乾，亦唔會一切就散開，好有滿足感既質感🥰輕輕一壓可以見到中間既抹茶cream多到咇出黎！幼滑既抹茶cream濃郁回甘，甜度岩岩好唔會遮蓋抹茶既微苦，唔係人造既假抹茶甜味。連對食物材料有要求既父親大人食完都話一定係用左高質抹茶整（我無事先講過個卷叫咩名🙈）。整體卷蛋都令抹茶控好滿足💚食左半條都唔覺膩。加上佢地係用稀少糖、少油少糖配方製作，食完都無罪惡感🙈下次會再試其他口味！