驚安燒肉商店

營業中

休息中

🐱🐷驚安燒肉商店呢間野成日睇人食 今次終於到我喇🤪🤪門口大大隻招牌😝我地4個人食 圓枱最多可坐5-6人 但防疫關係宜家每枱最多四人～每人都有一個夾燒野食 仲有3個醬汁預先擺咗喺度 最左係蒜蓉 中間係甜甜地嘅燒肉汁 右邊係加咗青檸嘅辣燒肉汁（🤩我最鍾意呢個）枱同枱之前間都有足夠嘅位置 唔會太近呢度係手機scan QR code落單 落單已經會直接見到7折後嘅價錢 令人更有衝動叫多啲🤪-嗌咗呢個好多人推介嘅柚子漬雞肉山💓分量真係好多！而且佢係雞批肉嚟 好Juicy嫩滑🥰 大推！呢個厚切牛舌都係必食☺️呢個份量係全份 想試少少嘅可以嗌半份～有時食厚切牛舌最怕就係好難咬呢個燒完之後仲好淋💓好味過啲連鎖店☺️鍾意食牛舌唔好錯過！呢個係豬嘅五花肉 用味增漬 食落口甜甜地 不過呢款燒嘅時候要小心啲 因為比較多脂肪 所以會有啲易燶 個火要調較下 唔好掛住傾計唔記得反下佢啊🤪同埋佢有啲長 燒嗰時有少少麻煩 但味道ok的～嚟到重頭戲喇 呢度最出名就係呢個牛九宮格 有普通牛同和牛version 我地今次試嘅係普通版 店員介紹時建議食咗冇醃漬嗰兩行先 即係中間同靠近鏡頭嘅呢一行 最後先食有醃漬嘅 由淡口食到濃味～

終於到左一年裡面最最最鍾意既節日 🎅 雖然連續兩年都仲係無得去旅行過白色聖誕 但係香港過都要有返d儀式感🎄 大班朋友一齊燒野食總係唔少得 呢間燒肉正到令我不停再訪💛 午市keep住做緊七折真心抵野食擺盤好岩打卡, 難得影生野都會覺得靚最緊要係份量好足! 例如個雞肉山真心成8cm咁高🐥無論係柚子定黑松露味都好入味九宮格盛盒有兩個level, 但就算平d果個都有和牛🐮油花靚之餘仲可以試哂醃左同無醃既唔同部位!海鮮例如燒既彈牙海鰻同拌飯既生海膽都非常新鮮加埋枱面三款有誠意既蘸醬真心不得了淨食燒肉當keto diet食到飽都好抵, 當然男仔加返碗飯感覺實在d-九宮格燒牛盛盒🥩($288)柚子漬雞肉山🍋($38)黑松露雞肉山🐥($38)厚燒橡果黑毛豬🐷($68)燒活鱔串 ($38)一口燒甜薯🍠($12)鵪鶉蛋串🥚($12)海膽蟹籽玉子丼🍚($68)牛油蒜蓉雜菇🍄($28)翠玉瓜🥒($22)菠蘿串🍍($12)紫菜月見飯🍳($28)焦糖菠蘿乳酸🍍($38)Sapporo啤酒🍻($58買1L送1L!)-*午市7折優惠進行中 記住打電話去訂枱! 限時90分鐘, 無人等就可以坐耐d-驚安燒肉商店尖沙咀金馬

九宮格燒牛盛盒 / 288九宮格好啱打卡 仲可以試到唔同部位唔好以為份量少 2個人食都好足夠中間嘅A4和牛更為出色 牛脂味重 入口即溶柚子漬雞肉山 / 38呢個價錢嚟講份量真係算多 起碼有10-12件但係柚子味唔夠重牛油蒜蓉雜菇 / 26見到塊牛油都知超級邪惡加埋海量嘅蒜蓉 味道非常香濃——————————————————推介度: 7.5/10——————————————————尖沙咀金馬倫道48號中國保險大廈3樓C號舖——————————————————

👑精緻品質✨抵食良心BBQ💛~ 📍驚安燒肉商店🍱九宮格燒牛盛盒 $288牛盛盒精緻到首飾盒咁矜貴吸引🤩✨入面有九款牛，每款兩件左右，幾啱望住個menu心大心細嘅朋友仔share，建議由原味款食到醃製款，啱食再追加！😋🥩原味款: A4 和牛, Prime 牛小排, 薄燒頂級肉眼, 安格斯牛仔骨, 汁燒護心肉, 厚切牛舌腩🥩醃製款:壺漬牛肋肉, 芫荽油漬牛小扒, 生薑燒骰仔牛梅花⭐️私心推介: 厚切牛舌腩: 面滑內爽，厚切double咗油香味，更令人回味薄燒頂級肉眼: 牛味濃郁，脂香泛濫醃製款各有風味，每款味道都入味且同牛肉好夾🍡芝士年糕 $28/2件呢款年糕非常治愈，一咬糯米軟糯又連綿，慢慢溢出填滿口腔，內裡暖笠笠芝士軟心亦隨之湧出，芝味奶香滿瀉☺️☺️🍄牛油蒜蓉金菇 $28呢個配搭真係絕配無死，牛油加蒜蓉焗香咗金菇，散發油香同時又唔覺油膩😋🦪廣島蠔 $28/2隻有鹽味、芝士、蒜蓉、清酒豉油四種口味選擇，中size但算有肉鮮甜🍰黑糖珍珠千層蛋糕 $28燒物做得出色，相比下呢款甜品就較遜色🥺 餅皮稍為缺少水份，珍珠如果煙韌啲會更好😝🍹青檸菠蘿梳打,柚子梳打 $28兩隻都好有夏日清爽嘅味道⛱，中和

🍱九宮格燒牛盛盒 ($288) [😋7.8/10]厚切牛舌腩 A4和牛Prime牛小排 安格斯牛仔骨 芫荽辣漬小牛扒 薄燒頂級肉眼 生薑燒骰仔牛梅花 壺漬牛肋肉 汁燒護心肉呢個係黎到必點架啦🧡 可以試哂咁多款肉 cp值幾高 其中印象比較深刻既係🥳厚切牛舌好厚好有咬口好食🥳 🥳A4和牛既紋理好明顯均勻分佈 幾靚 牛味好重🥳 🥳prime牛小排油脂均衡🥳 但係一路食要自己估自己食緊邊隻 如果加返啲tag會好啲🤥👅特大薄切牛舌 ($68) [😋7.9/10]價錢一啲都唔貴超大碟! 牛舌係有咬口個種 薄切無厚切咁好食 厚切既口感豐富好多😲 不過薄切性價比好高🤩🫀汁燒護心肉 ($72) [😋7.5/10]靠近心臟既肉 會有咬口啲既一款😙 已經有醬汁預先調味 所以比起其他會重口味一啲 肉質黎講似一般牛肉🧐🥩頂級沙朗肉 ($88) [😋7.7/10]一整塊牛肉好厚身 呢款無預先調味 燒完加埋附上既wasabi食唔錯💗🐔柚子漬雞肉山 ($38) [😋8/10]一碟有好多塊 每塊都好大塊好厚身🐥 肉質好嫩 燒完好juicy🤤 有淡淡柚子香 食肉膩咗之後食呢款開下胃唔錯🧡🍙紫菜牛肉汁飯 ($24) [😋

日式燒肉都應該年幾未食過喇，最近，因為友人嘅強烈推介，就再重溫一下日式燒肉嘅美味。地點就喺尖沙咀嘅「驚安燒肉商店」，無論價錢，還是食材質素，友人都話喺性價比高，其九宮格牛肉更晌social media不停咁出現，所以，先搞到心郁郁。餐廳位處一幢食廈樓上，估唔到進入餐廳，原來地方都頗大，設計摩登，而且，枱與枱嘅編排又相隔夠開，坐落都幾稱心。餐廳尾仲有啲廂房嘅設計，但限聚下未必用得盡，但一樣開放番可以做到散枱。如果無晒疫情，夠人多，自成一角不知幾好。食日式燒肉最緊要夠火力，啲爐都真喺好夠力，抽油煙採用下抽式，整體嚟講，都唔錯，至少食完我哋都無話一頭煙味。甫坐低，已備有3款特色調味料，包括辣醬油、燒肉汁、蒜蓉，唔夠嘅話，枱邊仲有幾款，如七味粉、胡椒、海鹽……等等。由於餐廳採用手機掃二維碼點餐，一來減少人為落單有機會嘅出錯，二來方便分多次落單，再者，一路落單佢就一路幫你計埋個總銷費，一目了然。不過，今次就影唔到餐牌俾大家參考，只喺門口有大大張燒肉（或海鮮）嘅大海報，其實，由各款肉類、海鮮、沙律、串燒、飯品、甜品……到酒精及非酒精飲品都一應俱全。青檸菠蘿梳打 $28、可樂 $18一個打邊爐，一個

最近社交平台流傳各種不同種類既食物關注組，意外發現呢間新開既燒肉，個個食完都讚口不絕，決定同朋友平日中午去一戰。我無訂到枱，去到都已經下午2:00，無諗過呢個鐘數都係全場爆滿，好彩我地等左10分鐘左右都安排到入座。店鋪以手機落單，主打食牛肉，牛肉款式都好多，訂價合理。加上午市有7折，呢個價錢真係非常之抵食。必嗌一定係佢地既招牌九宮格燒牛盛盒，$288。呢到一次過可以食晒9種唔同既牛肉，可以試到岩心水既再Encore。呢到大約二人份，每一款都好有驚喜。最鍾意既梗係佢既和牛啦！油脂分佈平均，肥得黎唔會膩，仲好有牛味。可惜得我地兩個女仔食，如果唔係真係一定會叫多份和牛黎Encore呀!!當中有幾款係一D醃制左既牛肉，但相對較重口味，少部份比較咸，相對失色一D。黎到我同朋友一致公認最好食既一款，就係特大薄切牛舌啦！本身諗住見抵食先叫黎食，加上一直無食過一D自己食完覺得好有驚喜既牛舌，食完呢個對牛舌真係令我完全改觀。其實本身正價$68已經好抵，再7折真係抵上加抵。呢個牛舌雖然係薄切，但味道好濃郁，一食難忘。我有時仲會幾塊疊埋一齊黎食添。另外我地仲叫左牛油雜菇、雞泡魚乾，正常發揮。另外想特別講一講