鳥山名

營業中

休息中

由細到大日日返學經過嘅愉景新城真係多左好多野食前幾晚平日同fd嚟左鳥山名食晚飯，唔多人唔洗等位我地叫左料理長特別推介嘅原條島根池魚魚肉真係好新鮮，好彈牙得嚟保持住滑嫩！個推介menu仲有秋葵漬 見好耐無食秋葵就叫下點知有驚喜 酸酸嘅味道幾開胃得嚟又去左陣草青味 相信就算唔係好食秋葵嘅朋友都食到主食就揀左九州拉麵 (特濃豚骨魚介湯)湯底真係無得頂啊！豚骨同魚介嘅香氣瀰漫四周，一啖落去就好濃郁而拉麵都好有彈牙嘅口感 配菜都唔少 食完幾滿足明太子芝士焗薯焗薯未去到外脆內軟，但都好香同芝士同明太子嘅結合真係無得挑剔好邪惡 就算佢最後先上呢個焗薯 本身已經食到飽飽地 都忍唔住不多幾啖!最後，係我嘅至愛之一，蒲燒鰻魚玉子飯卷！蒲燒鰻魚肉嘅燒烤香氣同滑嫩口感加埋玉子飯卷zb2又係勁滋味 飯唔算多，唔會太滯，正!呢度服務都算唔錯，會主動幫手加茶環境幾闊落好坐，又唔會太嘈，可以encore!

Shoopen 結業大平賣，拉埋個朋友去掃平貨，滿足完購物慾就輪到要滿足食慾，見到哩間日本料理八點半過後都咁旺場，一於要入去探下路先，我地等左十分鐘左右終於入到去啦，餐廳佈置好有feel, menu 上有好多款式既食物選擇，刺身、壽司、鍋物。。。 連茶漬飯都有，睇過深夜食堂既我，一路都好想試下茶漬飯，於是揀左個梅子茶漬飯，豆腐野菜鍋，九州拉麵同日式蒸蛋。最先上既係豆腐野菜鍋，材料份量都好足，仲有粗身既粉絲墊底，佢一滾起我就快手畢左碗湯飲飲先，好清甜，豆腐有豆味，都算嫩滑，估計應該係來自日本既豆腐，個底仲有點煎過既印印～～九洲拉麵湯底唔會太咸，係我鐘意既濃厚滋味，叉燒好厚，個邊邊仲帶點焦，拉麵爽滑，加埋隻滷糖心蛋都幾好味。食蒸蛋真係要好小心，因為相當熱，我小心翼翼咁sir 左啖蛋入口，發覺佢仲滑過豆腐而且入面有好多料，有魚板，香菇，銀杏，元茜等等，一路食一路尋寶咁。最後終於到我好期待既茶漬飯，學日本人咁放到最後先食，餐廳都幾得意，放粒wasabi 係碗邊，另外仲有一小兜米通，我懷著期待的心情食啖飯，覺得口味好清爽，我而家明點解日本人鐘意食飯飲酒後整碗茶漬飯，食左個人暖和又舒服~黎居酒屋食

有日行過見到有lunch set，於是就膽粗粗入去試下食，但原來中午lunch set幾抵食 ，而且有好多款式選擇⋯見到menu推介食九州拉麵，於是最後叫左九州拉麵🍜 上菜都幾快，而估吾到既係湯底幾濃郁重點係個叉燒雖然得一塊，但係好大塊兼厚切。同埋吾算太肥，剛剛好的。不過麵質同糖心蛋就一般⋯跟餐仲有有份小沙律、壽司、茶碗蒸、銀魚仔同一件小甜品！食完都好飽 好滿足值得一試的！如果吾鐘意食拉麵的話可以轉烏冬架！

Lunch嚟到鳥山名, 睇睇餐牌都幾多款式可以揀, 有拉麵、手打烏冬、壽司...  價錢由幾十到百幾二百都有, 可謂豐儉尤人, 無論你係辦公室食物鏈嘅最低層, 抑或係最高層, 大家坐埋一枱都無有怕 😎我就叫咗餐牌上推介嘅九州拉麵 ($85), 一個set 包括埋3件小壽司、沙律、日式魚仔、蒸蛋、綠茶甜品.九州拉麵嘅特濃豬骨湯底夠濃郁之餘又唔會太油膩, 而呢個麵嘅重點推介位係塊極大嘅豚肉 👏塊豚肉唔單止大, 仲好有厚度㗎!! 肉質又夠滑嫩, 加上外層有微微烤過, 令塊豚肉更香 🤤  呢塊豚肉真係要讚一讚!!  除此之外, 壽司同綠茶甜品都唔錯, 食完呢個套餐真係好鬼飽, 仲好鬼滿足添 😋