18樓雞煲火鍋專門店

營業中

休息中

真係係18樓既18樓雞煲傻婆們叫左套餐A$208/位，包1個雞煲，仲可以任食雪花肥牛、特級肥牛，不同火鍋食材同自助區食物加飲品任飲任食120分鐘❤雞煲傻婆們好快叫左爽豬皮及鵝腸加埋落去炒，這樣兩者都入晒雞煲汁，既Juice又爽脆，口感好過癮！下次大家食雞煲時都可以咁試呀！👍👍叫左BB辣，傻婆們唔食得辣都食到，而且雞煲仲有辣椒、花椒、月桂葉去調味十分惹味，即使後期加湯去火鍋都好夠味，雞件十分嫩滑juicy ❤掃碼落單火鍋食材🐮牛肉🐷豬肉類🌸雪花肥牛既快熟又嫩口，不會太肥，有牛味🌸特級肥牛單睇以為會好嚡口，淥好之後又覺得好重牛味而且唔嚡口，可以再叫呀🌸滑牛肉好味…真係好滑，如果有埋沙嗲就正啦！🌸五香牛腩好好味，似坑腩位，唔癡牙！🌸頂級梅頭豬肉唔會嚡口，好有豬味🌸西班牙黑豚腩片層次分明，唔算太肥但又唔算太瘦剛剛好，放入口感覺好滿足🌸爽豬皮傻婆T將爽豬皮放入雞煲快炒，超惹味🦐🦑海鮮類🌸海中滋補花膠呢個不得了，簡直係花膠扒黎。超滿足，值回票價。🌸水魷夠爽口，彈牙🌸爽脆墨魚鬚墨魚鬚夠墨魚味🌸脆鯇片夠脆，淥完之後好似隻蝴蝶，夠新鮮🌸鮮脆鯇骨腩超級脆口，好好味，夠鮮甜呀🌸白鱔片同樣都是好鮮甜，而且好滿

次次同啲朋友講起想食雞煲，我第一時間都會諗起18樓雞煲，一嚟個名易記😂😂 二來佢真係幾方便，旺角同荃灣對於我哋來講都好就腳～～ 對於食肉獸來講我比較鍾意任食嘅雞煲，多過逐碟嗌🥹 因為如果其他朋友唔食，又好難一個人再叫一碟牛肉🤣荃灣大鴻輝多嘢食就出晒名，記得朋友第一次帶我去呢間，18樓雞煲真係喺18樓😂😂 好搞笑所以印象好深刻😆 之後每次想食雞煲都會諗起佢了😛 今次平日放工就去食，唔使等位，直入好爽😎 （6:30pm 大家應該未食飯😂) 我哋坐低2分鐘個雞煲就嚟咗😛🐥 我哋叫咗最細嘅微辣～ 對於唔係好食得辣 但係又鍾意惹味嘅我啱啱好👍🏻 而且18樓個汁真係好好味啊！！！！食完雞，枱面有壺清湯俾你加落去準備打邊爐🍲 一坐低嗰時店員俾咗個QR Code，食物係電話落單，好方便快捷！提交完吾洗五分鐘就到哂😂😂 超快！同埋我哋鍾意佢每次份量吾會太多，有時想試少少一樣野，1、2粒都可以就咁落單，吾怕浪費👍🏻特別推介：去18樓必飲冬瓜茶同食乳酪雪糕🍦 高質😍👍🏻

今日要去荃灣攞啲野所以順便係個邊食埋野，晏就無點食到野又想食雞煲，就去左18樓雞煲火鍋專門店食個早場5點既雞煲，7點半前離座仲有得每位減$10。之前都有聽過呢間係唔錯，我地叫左小辣，黎到見到個雞煲已經覺得味道會好濃郁，食落都真係，呢間濃度應該數一數二勁，所以好正，而且雞都幾嫩滑，有d仲好肥美。之後邊爐料任叫既，一定要嗌既係滑牛肉、滑雞柳、水魷、粟米餃。滑牛肉同雞柳真係同個名一樣好嫩滑，而水魷好爽口彈牙，粟米餃好足料，栗米同豬肉都好鮮甜，而個外皮吸收哂湯底味道好濃郁。另外仲叫左某d丸類試，幾特別，冬陰公蝦丸同龍蝦味沙拉丸，出面無幾可見到有。仲有要提既係稻庭烏冬，好吸收到湯既精華，好重味而且幾煙韌。最後一定一定要食既係佢個乳酪雪糕，超級香滑，配料都好多，麥片呢個配料幾特別，幾夾個雪糕，個人鐘意食乳酪味，其次係朱古力。環境幾好，窗邊可以有自然光透入，全部座位都係卡位，坐得幾舒服，另外上菜幾快，份量好好，容易控制。

屋企人生日, 一齊任點任食放縱一次. 有朋友介紹呢間餐廳抵食好味, 就訂位試試. 準時到達, 即時安排入座. 任點任食2.5小時, 時間非常充裕.餐廳環境普通, 枱與枱之間距離唔算太迫, 尚可接受.  餐廳四週有多個雪櫃, 雪櫃內有不同款式汽水及茶類(菊花茶, 綠茶, 烏龍茶等等)供應. 另一邊有自助乳酪雪糕機、火鍋調味料及水吧 (茶包, 熱水等等).  蔬菜有幾種(菜心, 生菜, 白菜仔, 娃娃菜, 通菜), 已預先用大碗分成一份份放喺雪櫃入面, 保持新鮮, 乾淨衛生. 全部都可以自取, 亦見侍應不停補充.多款食物可供選擇, 其中比較特別嘅有: 豬肺, 牛骨髓, 萵荀, 麻辣雞粒, 雞子, 櫻花蝦片…. 另外, 如果你點出前一丁, 真係會俾一包未開嘅出前一丁你.雞煲可以揀辣度, 揀左中辣, 可以接受. 但雞件完全唔入味, 肉硬.  其他火鍋食物大部份都好好, 好新鮮, 肥牛, 蝦, 烏冬等等都好味.侍應都快手快腳, 服務殷勤有禮.  但亦有漏單情況.加一後, 平均每人$185 食2.5小時, 抵食.