泰屋

營業中

休息中

和朋友旺角行街食飯，想食泰菜就想起依間，午市套餐的確抵食。這裡地方寬敞環境舒適，座位闊落，安排近玻璃窗，採光度十足。美食都好多選擇，水準拍得住九龍城餐館的。冬蔭公湯跟餐送的，湯味酸辣好開胃，味道唔錯，湯料有少量菇菌和蕃茄。青木瓜沙律 $42沙律色彩奪目，青木瓜絲口感爽脆，仲有甘筍豆角多份口感，微酸帶點辣，花生碎香口，非常清新的開胃菜，而且美味又健康。乾炒泰國金邊粉 $52金邊粉炒得剛好唔會好乾身，索晒酸甜汁好美味，口感煙韌彈牙好好食，仲有魷魚、大蝦、青口、豆乾、蝦乾、芽菜等，配料十足，所以好抵食。香葉肉碎煎蛋飯 $48煎蛋白飯加堆香葉肉碎，就咁撈飯食好夠味，肉碎香口惹味，豆角口感爽脆，辣椒出奇地唔椒的，都好大碟的。凍泰式奶茶 $10茶味和奶味比例剛好，唔會太甜，口感滑。珍多冰 $10好多珍多，冰凍椰漿清甜可口，甜度適中。

🔙回頭率：7/10🌈性價比：6.5/10🐻‍❄️一日遊旺角，見到餐廳大概只有三四枱客人，所以空間都較寬敞，坐得舒服。不過店員服務就一般般，可能疫情問題，人手大幅減少，唯有欣然接受啦👌香港人 撐住呀💪🏽食完喺舖頭坐左一小時都無趕我地走👍🏼👍🏼泰國菜，免收加一，不錯👍🏼*･*:.｡..｡.:*･*:.｡. .｡.:*･･*:.｡..｡.:*･———————————————🍴: 乾炒泰國金邊粉 $50😋 哇！首先係一夾起有好大件魷魚，入面都有少量海鮮，吾會靜係得金邊粉。$50嚟講，算有誠意！不過小編寧願多啲金邊粉啦～事關佢地既金邊粉，味道超好食！好開胃👍🏼吾係度度地方都整得好味！🈵 8 /10🍴: 豬頸肉飯配青咖哩汁 $55 😋 不得不讚，佢地既青咖哩汁，真係好味，偏向正宗泰國風，辣度適中。不過略嫌豬頸肉太薄了，食落去，食吾到豬頸肉味，無口感。不過起碼吾係韌到食吾到個種👌🈵 8 /10🍴: 跟LUNCH SET送既熱咖啡 $ 0😋 只能說，不會期望就不會失望，跟餐送就由佢啦🤣下次再食既話會選擇飲茶🈵 ～ /10*･*:.｡..｡.:*･*:.｡. .｡.:*･･*:.｡.

泰屋 📍 旺角彌敦道726號2樓.下午有set lunch好抵😍😍 叫唔少打工仔嚟幫襯👍🏼 環境好寛敞同乾淨，服務態度不錯☺️ 整體食物不錯，份量都夠飽有餘😊.🍝 乾炒泰國金邊粉 $50: 有魷魚、青口、蝦😙 味道酸甜，味道不錯😆 金邊粉炒得唔油，仲有啲豆乾絲好惹味😋.🥘 青咖喱魚柳 配白飯 $55: 青咖喱唔太辣，送白飯一流! 魚柳份量幾多😌 入面仲有西蘭花、椰菜花、四季豆等，好足料😚.🥣 餐湯: 冬蔭公湯: 味道調較到適合香港人口味，唔太辣☺️ 如果再濃郁就好😊.🥤 椰汁冰 +$10🥤 珍多冰 +$10: 兩款飲品好香滑，椰汁好夠味😙

泰式香葉肉碎煎蛋飯 • HKD$55都幾有鑊氣～咸淡適中又微辣，好開胃肉碎份量特別多，d豆仔粒又好嫩好爽口而且佢隻蛋係跟足泰國做法係炸嘅，所以蛋白會脆d，蛋黃就仲流心～乾炒泰國金邊粉 • HKD$50呢個就甜左d而且d海鮮係急凍嘅，特別魷魚食落冇味，好似橡膠咁但金邊粉個口感係幾好，煙煙韌韌～馬拉盞炒通菜 • HKD$45都係好香好有鑊氣～不過通菜唔當造就比較老左d珍多冰 • 午巿套餐+HKD$10好好飲！超多啫喱而且椰奶味又唔會太膩，甜度又啱啱好龍眼冰 • 午巿套餐+HKD$10好香龍眼味，而且唔會甜到確喉～

🔘 乾炒泰國金邊粉 | $50評分: 🌕🌕🌕🌗🌑評語: Pad Thai基本上係我去泰國餐廳必食嘅主食😛以價錢嚟講泰屋真係冇得輸！$50就食到正宗炒金邊粉。金邊粉大大碟，海鮮份量十足，有魷魚、青口同蝦。味道拍得住泰國地道餐廳嘅水準。。。🔘 泰式豬手飯 | $65評分: 🌕🌕🌕🌗🌑評語: 唔好以為$65就得幾嚿肉，豬手份量十足，而且已經做左去骨程序，真真正正嘅啖啖肉，再加上炆得好腍好入味，價錢實惠又高質，十分推介呀😛。。🔘 春卷拼蝦餅 | $45評分: 🌕🌕🌕🌕🌑評語: 午市價只係$45，蝦餅同春卷都係新鮮炸起，夠晒熱辣辣，食物味道都不錯👍🏼。。🔘 泰式奶茶/珍多冰 | 跟餐+$10評分: 🌕🌕🌕🌗🌑評語: 餐牌上所有泰式特飲跟餐只係加$10就飲到！。。🔻地方都幾闊落，坐得好舒服🔻價錢實惠，免收加一推介指數: ⭐⭐⭐

之前嚟過726呢度食嘢，知道呢座大廈有好多餐廳，今日咁啱同個同事過開嚟旺角做嘢，就諗住嚟呢度食個lunch，一到樓下有個阿姐，好落力咁派緊傳單，見到佢咁落力為你好，都希望佢得到分數，所以就誤打誤撞嚟到2樓嘅泰屋。呢度嘅lunch set確係平，四人套餐埋單每人都唔使$100。一人餐仲更加抵，仲要免收加一服務費。落單後，店員會先奉上每人一碗冬陰功湯，佢嘅冬陰功湯完全唔辣，酸酸地好開胃。我哋叫咗一個金邊粉，金邊粉有蝦、青口、魷魚各一件，雖然配菜唔太多，但份量都足夠，味道亦唔錯，所以絕對對得住個價錢。咖喱最好就係配法包，我哋揀咗最唔辣嘅黃咖喱，真係完全唔辣，只有香甜嘅味道，蒜蓉法包有三件，烘得非常脆口，真係非常好嘅配搭！咖喱我哋選配咗牛肉，除咗牛肉之外，仲有大量蔬菜，所以都算係一個健康之選！另外叫咗一份泰式豬頸肉，佢嘅肉汁都係帶點酸味，都幾特別。我同同事分別叫咗青檸梳打同埋珍多冰，雖然要加少少錢，但係都抵飲嘅！以今時今日嘅物價嚟講，呢度嘅食物CP值係極高，有機會路過要食個quick lunch嘅話，呢度真係一個非常好嘅選擇！

吃貨日常❤️係旺角，除左係大型商場食野其實都有好多商廈有好野食呢間可以平平地食個set lunch多款式選擇仲要免加一嘅泰國餐廳🇹🇭我同朋友獨肚餓order左2個lunch set+1個tea set🤪🤪💖午餐：乾炒泰國金邊粉$50+龍眼冰$10好大碟，有唔同類嘅海鮮酸甜度適中，幾開胃👍💖午餐：泰式香葉肉碎煎蛋飯$55 +龍眼冰$10肉碎微辣岩岩好🌶 上菜速度快🤩💖 下午茶餐：春卷拼蝦餅 $45+熱華田（無限添飲）春卷同蝦餅各有4件春卷好足料👍👍蝦餅夠大件，即炸好新鮮😋

星期六出黎旺角食中午，去TOP行街之餘就黎左726呢棟食肆既大廈搵食。今日就揀去2樓既泰屋，貪佢啲lunch set 平平地😂上到去地方都還好，雖然唔係好大但座位都闊落，大窗邊所以好光猛，令人感覺精神啲。難得佢星期六都有set lunch🍱仲要唔駛加一，普遍既餐都係50-60蚊，好抵呀揀左炒金邊粉同炒公仔麵，落左單好快就先上例湯🍲估唔到唔駛加一既套餐仲有埋湯！奶白色既椰汁🥥雞湯，飲落又幾重酸甜味，又有香茅味，雞味就唔係好重，你可以幻想係唔辣既冬蔭功，仲有啲菇同香茅，夏天飲好適宜，又開胃醒胃！餐飲叫左凍檸茶，加3蚊好合理。炒金邊粉好多海鮮🦐🦑🐟，而且份量都好夠，有埋基本配料好似香茅同花生🥜碎咁，食落有鑊氣又唔太油，大大碟又好食，唔怪得我地見每一枱都叫😂炒公仔麵同樣份量巨大，配菜十足，有粟米仔、椰菜蘿蔔等🥕🌽🥬我揀左豬扒🐷，幾碗好煎好既豬扒一齊炒好惹味！不過由於佢落左辣椒🌶️，所以個公仔麵都有啲辣😚🤪怕辣既就要小心由於咁抵食，所以加多個馬拉盞炒通菜，足料又好味，賣單都係160兩個人，抵食又舒適😋性價比高👍🏼

踏入3月份，天氣開始愈來愈潮濕和悶熱了，都是時候吃些泰國菜來解膩開胃一下剛巧這間泰國餐廳位於我公司附近，於是我和男友便在星期五的午飯時間來到這間餐廳，一起試吃它的午餐午市套餐在星期一至日的中午時分均會提供，而且十分便宜，絕大部分都只是$46～$55而已，更包括了熱飲，超級抵吃！所以我們除了叫了午市套餐的乾炒泰國金邊粉，青咖哩牛肉法包外，更點了兩份午市特價小食，分別是春卷拼蝦餅和馬拉盞炒通菜而飲品則點了泰色特飲~三色冰和珍多冰No.1【乾炒泰國金邊粉】 $46雖然只是盛惠$46，但是雞肉份量依然十分多，雞肉除了豐腴肥美，肉嫩可口外，肉質更非常彈牙和緊緻，並且鮮嫩多汁，在小口品嚐的時候，鮮甜無比的雞汁迴轉在口中，肉汁四溢，香甜可口，口感豐富而綿延，美味久久縈繞，我們都吃得津津有味，齒頰生香， 吮指回味至於金邊粉亦相當出色，入口彈牙的同時更有微微的嚼勁和【咬口】，口感煙煙韌韌的，軟綿香糯，其味無窮，珍饈美味 而且火候更控制得剛剛好，金邊粉不會失去水分的同時，口感亦不會太濕淋淋另外它的醬汁簡直堪稱一絕，味道酸酸甜甜的，甜香四溢，每一口都充滿著淡淡清新爽口的氣息，讓人食慾大開，滋味無窮細細回味，

今個週末，由於我和寶寶有事要到旺角一趟，因此我們便順道在這區午膳～回想起來也有段時間沒有在這裡午餐了...所以還是openrice 了一下😆 近期吃西餐及日式較多，今天我們挑選了間泰式餐廳～可能因為是樓上鋪的關係，因此價錢一點也不貴，絕對是平民價。👍🏻我們今天點了「乾炒泰國金邊粉」、「青咖喱牛肉配法包」，令加了個小食「春卷拼蝦餅」🤤，而飲品則選了個「椰汁冰」及熱檸水。上菜還挺快的，我們點菜後10分鐘左右，已經來了第一個菜—乾炒泰國金邊粉。色澤豐富，很足料，不過就算不上是一個干炒金邊粉了，因為水份挺多的，但我個人來說也挺喜歡這個「濕炒」金邊粉，因為味道不錯，不算太酸，很合我口味。店員隨即給我們兩個餐湯，其實午餐Menu上是沒有提及過有餐湯的，所以對我們來說這個餐湯是個bonus😎想不到這個餐湯也蠻不錯的，雖然是白色但味道跟泰式冬陰公湯很相似，酸酸辣辣的，惹味又開胃。法包上面有牛油及蒜蓉，直接食用也經已非常美味，令我有點捨不得把這個蒜蓉牛油法包沾到青咖喱裏🙈，但沾上青咖喱一併食用，又是另一種泰式食法，但只有三片法包份量略嫌少。青咖喱牛肉份量很多，碗入有不少蔬菜及牛肉，我們把碗入面的所有東西

餐廳坐位舒適, 唯並非談天聚舊的好地方, 鄰座談天內容聽得十分清晰, 略嫌嘈吵。坐近窗邊可觀看彌敦道繁忙的街景, 與餐廳內遊閒感形成反差。食物價格合理, 選擇不少。乾炒泰國金邊粉 $46 + $3轉凍檸茶隨餐奉上冬陰功, 味道微酸, 十分開胃。忘記凍檸茶要少甜, 幸好味道剛好, 不太甜。金邊粉內雞肉蛋絲份量適中, 味道對辦, 唯整體偏油膩, 沒有乾爽感。金邊粉夾起時纏在一起, 稍為大力鬆開, 油份或會彈到枱面, 甚至衫上, 真的要小心。