影片
更多
2020-07-19
2893 瀏覽
之前嚟過726呢度食嘢，知道呢座大廈有好多餐廳，今日咁啱同個同事過開嚟旺角做嘢，就諗住嚟呢度食個lunch，一到樓下有個阿姐，好落力咁派緊傳單，見到佢咁落力為你好，都希望佢得到分數，所以就誤打誤撞嚟到2樓嘅泰屋。呢度嘅lunch set確係平，四人套餐埋單每人都唔使$100。一人餐仲更加抵，仲要免收加一服務費。落單後，店員會先奉上每人一碗冬陰功湯，佢嘅冬陰功湯完全唔辣，酸酸地好開胃。我哋叫咗一個金邊粉，金邊粉有蝦、青口、魷魚各一件，雖然配菜唔太多，但份量都足夠，味道亦唔錯，所以絕對對得住個價錢。咖喱最好就係配法包，我哋揀咗最唔辣嘅黃咖喱，真係完全唔辣，只有香甜嘅味道，蒜蓉法包有三件，烘得非常脆口，真係非常好嘅配搭！咖喱我哋選配咗牛肉，除咗牛肉之外，仲有大量蔬菜，所以都算係一個健康之選！另外叫咗一份泰式豬頸肉，佢嘅肉汁都係帶點酸味，都幾特別。我同同事分別叫咗青檸梳打同埋珍多冰，雖然要加少少錢，但係都抵飲嘅！以今時今日嘅物價嚟講，呢度嘅食物CP值係極高，有機會路過要食個quick lunch嘅話，呢度真係一個非常好嘅選擇！
呢度嘅lunch set確係平，四人套餐埋單每人都唔使$100。
一人餐仲更加抵，仲要免收加一服務費。
落單後，店員會先奉上每人一碗冬陰功湯，佢嘅冬陰功湯完全唔辣，酸酸地好開胃。
我哋叫咗一個金邊粉，金邊粉有蝦、青口、魷魚各一件，雖然配菜唔太多，但份量都足夠，味道亦唔錯，所以絕對對得住個價錢。
乾炒泰國金邊粉
$50
42 瀏覽
0 讚好
0 留言
黃咖喱牛肉配法包
$55
12 瀏覽
0 讚好
0 留言
另外叫咗一份泰式豬頸肉，佢嘅肉汁都係帶點酸味，都幾特別。
炭燒豬頸肉
$45
20 瀏覽
0 讚好
0 留言
以今時今日嘅物價嚟講，呢度嘅食物CP值係極高，有機會路過要食個quick lunch嘅話，呢度真係一個非常好嘅選擇！
張貼
