嚐仙 (已結業)

今次揀咗5款配料 包括芋泥 地瓜泥 珍珠 小丸子同埋芋圓 牛奶冰嘅味道香濃 加少少煉奶已經好甜 芋泥味重 而且口感綿密 食得出天然無添加糖 小丸子亦都好煙韌 唔會痴牙 不過芋圓就硬身 而地瓜泥口感就比較乾 冇芋泥咁濕潤

台灣過江龍嘅芋圓甜品大家食唔少，不過依然覺得嚐仙比較好，雖然另一間都好多支持者，但每次都會返嚟選擇呢度嘅五式牛奶冰🤣😋五式牛奶冰🤌🏻自選五款配料，必揀芋圓、小丸子，另外仲揀咗薏仁、仙草同番薯🍠泥 黃薯甜得嚟唔似紫薯個啲咁粉，如果驚牛奶冰唔夠味仲另外仲會跟一小杯煉奶，倒埋落去更濃味😋小丸子好煙韌，仙草都好滑溜，其實牛奶冰底本身都有啲甜味，所以都不錯，但夏天就要快手，因為食食下都會融晒🤣🫠芋圓相對係比較花功夫嘅食材，應該係自家製，粒粒大小一樣食落都軟糯煙韌，一碗三色都有齊，可以一次過試晒😎整體嚟講性價比高，份量算多，有啲店舖無得自選，變相有時好多配料唔食，所以自選真係一大重點👍🏻🚩 嚐仙 (銅鑼灣)銅鑼灣波斯富街84號地下F號舖#addifoodie #addifoodie銅鑼灣#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

近排去咗銅鑼灣想食芋圓 原本想食鮮芋仙 但係佢超多人排 所以就去試吓食呢間嚐仙 唔知好唔好食呢😚👅五色牛奶冰 $42佢可以揀五種唔同嘅材料 我哋就揀咗芋圓 仙草 花生 紅豆 小丸子 再加$8要芝麻湯圓 食落佢嘅牛奶冰比較硬同鞋口 唔夠綿🧐同埋冇乜牛奶味 好淡 感覺似就咁食緊冰🤔不過啲冰融左之後甜味就漸漸多咗 同埋好彩佢嘅紅豆仙草同花生 都有啲甜味😛芋圓正正常常 都幾煙靭 不過芝麻湯圓就麻麻哋 佢嘅皮比較厚🤨 總括嚟講 呢度嘅牛奶冰質素麻麻🤫不過勝在唔使排咁耐隊🤣🤣😋 好味：7.00/10🤑 價錢：6.99/10🤗 服務：7.01/10😝 環境：7.32/10😚 衞生：7.03/10🤩 整體：6.99/10